ئێمە لە تۆرە کۆمەڵایەتیەکان

کوردستان

پەكەكە بانگەوازی دەستپێكردنی هەڵمەتێك بۆ ئازادكردنی ئۆجەلان دەكات

خەڵك- بەشی هەواڵ
كۆمیتەی بەڕێوەبەری پارتی كرێكارانی كوردستان پەكەكە لە ساڵوەگەڕی دەستگیركردنی عەبدوڵڵا ئۆجەلان ڕێبەری حزبەكەدا بانگەوازی دەستپێكردنی هەڵمەتی بەرخۆدان لە دژی گۆشەگیری دەكات.

كۆمیتەی بەڕێوەبەری پەكەكە لە بانگەوازێكدا ڕایگەیاند، سیستمی گۆشەگیری و ئەشكەنجەی ئیمڕاڵی قەبوڵ نەكات، ئیدی نایەوێت لەگەڵیدا بژیت، داوای تێكشكاندنی گۆشەگیری و هەڵوەشاندنەوەی فاشیزم و ئازادی ئۆجەلان دەكات.

ڕاشیگەیاند “بڕیاری ژنان و گەنجانی كورد، لە ناو ڕیزەكانی حیزب و گەریلاكانماندا ڕوونە. ئیدی هیچ كەس ناتوانێت ئەو هێزانە ڕابوەستێنێت. ئەو هێزە فیداییەكانی ئازادین و تاوەكو ڕێبەر عەبدوڵڵا ئۆجەلان لە هەلومەرجی ئازاد دا نەژی، ئەوا هەڵمەتەكەیان بۆ ئازادی بەردەوامیی دەبێت”.

ئاماژە بەوەش دەكات “هەموو كوردێك لەو شوێنەدا كە تێیدا دەژی و كاری تێدا دەكات، بكاتە شوێنی بەرخودان. لەسەر ئەو بنەمایە ئەو لە دژی فاشیزمی ئاكەپە و مەهەپە و لە دژی سیستمی گۆشەگیریی ئیمڕاڵی لە دەوری ڕێبەر ئاپۆ هەڵوێستێكی فیداییانە، ژیانێكی فیداییانە و كوردستانێكی نوێ بونیات بنێت”.

کوردستان

ئەمڕۆ ئەنجومەنی سەركردایەتی یەكێتی وەڵامی پارتی دەداتەوە

خەڵك-بەشی هەواڵ

ئەمڕۆ ئەنجومەنی سەركردایەتی یەكێتی بۆ گفتوگۆكردن لەبارەی دواین كۆبوونەوەی یەكێتی و پارتی و رێككەوتنی سیاسی كۆدەبێتەوە.

بەپێی زانیارییەكانی (خەڵك) ئەنجومەنی سەركردایەتی یەكێتی نیشتمانی كوردستان بۆ تاووتوێكردنی دواین گفتوگۆكانی نێوان یەكێتیی و پارتی بۆ رێككەوتنی سیاسی و بڕیاری كۆتایی لەبارەی بەشداری حكومەت و ئەو پرسانەی پەیوەندیدارە بەپێكهێنانی حكومەت، بە ئامادەبوونی بەرهەم ساڵح و ئاڵا تاڵەبانی كۆدەبێتەوە.

هەر بەپێی زانیارییەكان، ئەمڕۆ یەكێتی كاندیدی خۆی بۆ پۆستی سەرۆكی پەڕلەمان یەكلادەكاتەوە كە هەریەك لە بێگەرد تاڵەبانی و رێواس فایەق خۆیان بۆ ئەو پۆستە كاندید كردووە.

بەردەوام بە لە خوێندنەوە

ژینگە

لە پێنجوێن، بەفر ئاستەنگ بۆ هاتوچۆ دروست دەكات

خەڵك-بەشی هەواڵ

قائیمقامی پێنجوێن ڕایدەگەیەنێت، بەفر ئاستەنگی بۆ هاتوچۆی نێوان پێنجوێن و سلێمانی دروست كرد و هۆكارەكەشی بۆ شۆفێڕان گەڕاندەوە.

چەند ڕۆژێكە شەپۆلێكی بەفر و باران بارین ڕووی لە هەرێمی كوردستان كردووە و بەپێی زانیارییەكانیش، بارانێكی زۆر لە شارەكان و لە ناوچە شاخاوییەكانیش بەفر باریوەو بەپێی پێشبینییەكانی كەشناسیش شەپۆلەكە بەردەوام دەبێت.

زانا ڕەحمان قائیمقامی پێنجوێن بە (خەڵك)ی ڕاگەیاند، بەهۆی ئەو بەفر بارینەی سنووری پێنجوێنی گرتەوە چەند كاتژمێرێك ئاستەنگ بۆ هاتوچۆ دروست بووە بەتایبەت لە رێگای ملەكەوە كە پێنجوێن بە پارێزگای سلێمانییەوە دەبەستیـَتەوە.

ووتیشی”خۆشبەختانە تیمەكانی سلێمانی و پێنجوێن بە هەماهەنگی هێزەكانی پۆلیس و پۆلیسی هاتوچۆی پێنجوێن دوای چەند كاتژمێرێك توانیان رێگاكە بكەنەوە”.
ئاشكراشیكرد، بەشێك لە هۆكارەكانی دروستبوونی ئاستەنگەكان، پەیوەندی بەو شۆفێرانەوە هەیە كە ڕوو دەكەنە ناوچەكە بێ ئەوەی پێداویستی تایبەت بە بەفریان پێبێت و زنجیر نابەستن و كێشەكە ئەوانە دروستی دەكەن.

ئاماژەی بۆ ئەوەش كرد، زیاتر لە 15 سم بەفر باریوەو بە بەردەوامیش دەبارێت.

بەردەوام بە لە خوێندنەوە

ژینگە

باران و بەفر بارین بەردەوام دەبێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 10 پلە و لە سلێمانی 7 پلە و لە دهۆك 9 پلەو لە كەركوكیش 11 پلە دەبێت‌و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانیش بەفر دەبارێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 11 پلە و لە سلێمانی 8 پلەو لە دهۆك 10 پلەو لە كەركوكیش 12 پلە دەبێت و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانی بەفر دەبارێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین