ئێمە لە تۆرە کۆمەڵایەتیەکان

کوردستان

باندێكی بازرگانیكردن بە ماددەی هۆشبەرەوە دەستگیركران

سلێمانی ـ نزار جەزا

پاش ڕفاندنی ئافرەتێك باندێكی بازرگانیكردن بە ماددەی هۆشبەر لە شارۆچكەی پیرەمەگرون لە سلێمانی دەستگیركران.

سەركەوت ئەحمەد وتەبێژی پۆلیسی سلێمانی لەكۆنفڕانسێكی ڕۆژنامەوانیدا ڕایگەیاند، لە 9ی شوباتی ئەمساڵدا باندێكی بازرگانیكردن بەماددەی هۆشبەر و كریستاڵ لەباخێكدا دەستگیركران.

ئەوەشی خستەڕوو، دۆزینەوەی ئەو باندە بەهۆی دیارنەمانی ئافرەتێكەوە بوو، كە دوای لێكۆڵینەوە دەركەوت ئافرەتەكە لەباخێكدا دەستبەسەركراوە لەسنوری شارۆچكەی پیرەمەگرون.

باسی لەئەوەشكرد، بەمەبەستی ڕزگاركردنی ئافرەتەكە بەفەرمانی دادوەر هێزێكی پۆلیسی سلێمانی چوونەسەر باخەكە و توانرا چوار تۆمەتبار و ئافرەتەكە دەستگیربكەن، هاوكات دەستگیرا بەسەر نیو كیلۆ تریاك و كریستاڵدا.

هێمای بۆ ئەوەشكرد، تۆمەتبارەكان دانیان بەوەداناوە، كە تۆمەتباری سەرەكی خاوەنی باخەكەیە، بەڵام ئەم تۆمەتبارە لە دەرەوەی باخەكە لەناو شاری سلێمانی دەستگیركرا، كە لە ناو ئۆتۆمبێلەكەیدا چەند پارچە كریستاڵێك هەبوو و دەستی بەسەرداگیرا.

ئەوەشی خستەڕوو، بەفرمانی دادوەر ئەم تۆمەتبارانە بەیاسای 14ی مادە هۆشبەرەكان و 393 لەیاسای سزادان بەندن.

وتەبێژەكە پۆلیس ڕوونیشیكردەوە، ئەو ئافرەتە لەلایەن خۆشەویستەكەیەوە براوە بۆ ئەو باخە، بەڵام كە ئافرەتەكە زانیویەتی لەوێ ماددەی هۆشبەری لێیە، تۆمەتبارەكان بۆ ماوەی چەند ڕۆژێك ڕێگرییان لێكردووە كە بگەڕێتەوە ماڵەوە.

ئەوەشی خستەڕوو، تۆمەتبارێكیان خاوەنی باخەكەیە، تۆمەتبارەكەی دیكە خۆشەویستی ئافرەتەكەیە، تۆمەتبارەكەی دیكەش پاسەوانی باخەكەیە، تۆمەتبارەكەی دیكە لەڕانیەوە بۆ باخەكە هاتووە كە مادەی هۆشبەر بخوات.

کوردستان

ئەمڕۆ ئەنجومەنی سەركردایەتی یەكێتی وەڵامی پارتی دەداتەوە

خەڵك-بەشی هەواڵ

ئەمڕۆ ئەنجومەنی سەركردایەتی یەكێتی بۆ گفتوگۆكردن لەبارەی دواین كۆبوونەوەی یەكێتی و پارتی و رێككەوتنی سیاسی كۆدەبێتەوە.

بەپێی زانیارییەكانی (خەڵك) ئەنجومەنی سەركردایەتی یەكێتی نیشتمانی كوردستان بۆ تاووتوێكردنی دواین گفتوگۆكانی نێوان یەكێتیی و پارتی بۆ رێككەوتنی سیاسی و بڕیاری كۆتایی لەبارەی بەشداری حكومەت و ئەو پرسانەی پەیوەندیدارە بەپێكهێنانی حكومەت، بە ئامادەبوونی بەرهەم ساڵح و ئاڵا تاڵەبانی كۆدەبێتەوە.

هەر بەپێی زانیارییەكان، ئەمڕۆ یەكێتی كاندیدی خۆی بۆ پۆستی سەرۆكی پەڕلەمان یەكلادەكاتەوە كە هەریەك لە بێگەرد تاڵەبانی و رێواس فایەق خۆیان بۆ ئەو پۆستە كاندید كردووە.

بەردەوام بە لە خوێندنەوە

ژینگە

لە پێنجوێن، بەفر ئاستەنگ بۆ هاتوچۆ دروست دەكات

خەڵك-بەشی هەواڵ

قائیمقامی پێنجوێن ڕایدەگەیەنێت، بەفر ئاستەنگی بۆ هاتوچۆی نێوان پێنجوێن و سلێمانی دروست كرد و هۆكارەكەشی بۆ شۆفێڕان گەڕاندەوە.

چەند ڕۆژێكە شەپۆلێكی بەفر و باران بارین ڕووی لە هەرێمی كوردستان كردووە و بەپێی زانیارییەكانیش، بارانێكی زۆر لە شارەكان و لە ناوچە شاخاوییەكانیش بەفر باریوەو بەپێی پێشبینییەكانی كەشناسیش شەپۆلەكە بەردەوام دەبێت.

زانا ڕەحمان قائیمقامی پێنجوێن بە (خەڵك)ی ڕاگەیاند، بەهۆی ئەو بەفر بارینەی سنووری پێنجوێنی گرتەوە چەند كاتژمێرێك ئاستەنگ بۆ هاتوچۆ دروست بووە بەتایبەت لە رێگای ملەكەوە كە پێنجوێن بە پارێزگای سلێمانییەوە دەبەستیـَتەوە.

ووتیشی”خۆشبەختانە تیمەكانی سلێمانی و پێنجوێن بە هەماهەنگی هێزەكانی پۆلیس و پۆلیسی هاتوچۆی پێنجوێن دوای چەند كاتژمێرێك توانیان رێگاكە بكەنەوە”.
ئاشكراشیكرد، بەشێك لە هۆكارەكانی دروستبوونی ئاستەنگەكان، پەیوەندی بەو شۆفێرانەوە هەیە كە ڕوو دەكەنە ناوچەكە بێ ئەوەی پێداویستی تایبەت بە بەفریان پێبێت و زنجیر نابەستن و كێشەكە ئەوانە دروستی دەكەن.

ئاماژەی بۆ ئەوەش كرد، زیاتر لە 15 سم بەفر باریوەو بە بەردەوامیش دەبارێت.

بەردەوام بە لە خوێندنەوە

ژینگە

باران و بەفر بارین بەردەوام دەبێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 10 پلە و لە سلێمانی 7 پلە و لە دهۆك 9 پلەو لە كەركوكیش 11 پلە دەبێت‌و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانیش بەفر دەبارێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 11 پلە و لە سلێمانی 8 پلەو لە دهۆك 10 پلەو لە كەركوكیش 12 پلە دەبێت و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانی بەفر دەبارێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین