ئێمە لە تۆرە کۆمەڵایەتیەکان

کوردستان

یەكەمەكانی زانكۆ و پەیمانگەكان جارێكی دیكە خۆپیشاندانیان كردەوە

خەڵك – ئارام سەردار

ئەمڕۆ دووشەممە ۱۱ی شوباتی ۲۰۱۹ خۆپێشاندانێكی گەورەو فراوانی دەرچووە یەكەمەكانی زانكۆ و پەیمانگەكان بە پاڵپشتی ڕێكخراوەكانی كۆمەڵگەی مەدەنی و سەرجەم فراكسیۆنەكان لەبەردەم دەرگای پەڕلەمانی كوردستان ئەنجام درا.

پەیامنێری (خەڵك) لە نێو خۆپیشاندانەكەوە دەڵێت “دەرچووە یەكەمەكان داوای دامەزراندن دەكەن و بۆ ئەو مەبەستەش بە ڕێپێوان بۆ بەردەم ئەنجومەنی وەزیرن بەڕێ كەوتن”.

لە یاداشتێكدا دەستەی نوێنەرانی سێ یەكەمەكانی ٢٠١٦/٢٠١٥ كە وێنەیەكی دەست (خەڵك) كەوتووە، داوا دەكەن بەبێ هیچ جیاكارییەك دوای سێ ساڵ چاوەڕوانی دابمەزرێن كە ژمارەیان هەزار و ۳٦۹ دەرچووە.

ئابوری

بەشیر حەداد هۆشداری دەدات
هەولێر نەوت ڕادەست نەكات، بەغدا لە بودجەی هەرێم دەبڕێت

خەڵك – بەشی هەواڵ

جێگری دووەمی سەرۆكی ئەنجومەنی نوێنەرانی عیراق جەخت دەكاتەوە، ئەگەر حكومەتی هەرێمی كوردستان نەوت ڕادەستی بەغدا نەكات، ئەوا حكومەتی عیراقیش بودجە بە تەواوی نانێرێت.

بەشیر حەداد جێگری دووەمی سەرۆكی ئەنجومەنی نوێنەرانی عیراق ڕایگەیاند، بەپێی یاسای بودجەی گشتی 2019، بودجەی هەرێم مانگانە زیاتر لە 800 ملیار دینارە و دەبێت هەولێر ڕۆژانە بڕی 250 هەزار بەرمیل نەوت ڕادەستی بەغدا بكات.

بەشیر حەداد ڕوونیشیكردەوە، ئەگەر هەرێم پابەند نەبوو بە ڕادەستكردنی نەوتەكە، ئەوا بەغدا داهاتی 250 هەزار بەرمیلەكە لە بودجە دەبڕێت و ئەوەی كە دەمێنێتەوە كە بڕەكەی 522 ملیار دینارە، بۆ هەرێم ڕەوانە دەكات.

جێی ئاماژەیە، دوای ڕێككەوتنی هەرێم و ناوەند تائێستا هەرێمی كوردستان پابەند نەبووە بەوەی نەوت لەڕێگەی كۆمپانیای بە بازاڕكردنی نەوتی عیراق “سۆمۆ”وە هەناردە بكات.

بەردەوام بە لە خوێندنەوە

ئابوری

ھەرێم لە هەوڵدایە بەغدا بڕی سووتەمەنی بۆ زیاد بكات

خەڵك – بەشی هەواڵ

حكومەتی ھەرێم لەگەڵ بەغداد لەھەوڵدایە بۆ زیادكردنی بەشە سووتەمەنی و پەرلەمانتارێكیش دەڵێت: بەغدا بڕی پێویست سووتەمەنی ڕەوانەی پارێزگاكانی ھەرێم ناكات.

بەپێی ڕاگەیەندراوێكی ئەنجومەنی پارێزگای ھەولێر، بۆ گرفتی گرانبوونی نرخی بەنزین، حكومەتی ھەرێم لەگەڵ بەغدا لە پەیوەندیدایە، بۆ ئەوەی بەشە بەنزینی زیاتر بە بەنزینخانە حكومییەكانی ھەرێم بدرێت و بە زیادكردنی بڕی سووتەمەنیش بۆ ھەرێم لەلایەن بەغداوە، نرخی لیترێك بەنزین لە پارێزگاكانی ھەرێم 450 بۆ 500 دینار دادەبەزێت.

هاوكات، شێركۆ جەودەت، ئەندامی لیژنەی وزە و سامانە سروشتییەكان لە پەرلەمانی كوردستان ڕایگەیاندووە: ئەو بڕە سووتەمەنییەی لەلایەن بەغداوە ڕەوانەی پارێزگاركانی ھەرێم دەكرێت پێویستییەكان پڕ ناكاتەوە، ئەگەر زیادیش بكرێت، نرخی سووتەمەنیی لە ھەرێم دادەبەزێت.

بەردەوام بە لە خوێندنەوە

کوردستان

ئاسایشی ڕاپەڕین سێ كەسی بە ماددەی هۆشبەرەوە دەستگیركرد

خەڵك – بەشی هەواڵ

ئاسایشی ڕاپەڕین دوو تۆمەتباری دەستگیركرد كە بڕی پێنج كیلۆ ماددەی هۆشبەریان پێبووە و ویستویانە لەوڵاتی ئێرانەوە بیهێنن بۆ هەرێم.

بەڕێوەبەرایەتی ئاسایشی ڕاپەڕین لە كۆنگرەیەكی ڕۆژنامەوانیدا ئاماژەی بەوەدا، لەئەنجامی هەوڵ و گەڕانە بەردەوامەكانیان بۆ ڕووبەڕووبوونەوەی دیاردەی بازرگانی و بەكارهێنانی ماددەی هۆشبەر، هێزەكانی یاریدەدەرێتی ئاسایشی قەڵادزێ‌ بە هاوبەشی بنكەی ئاسایشی هێرۆ توانیان دوو تۆمەتبار دەستگیر بكەن كە بڕی پێنج كیلۆ گرام ماددەی هۆشبەریان پێبوە لە جۆری كریستاڵ كە ویستویانە لە وڵاتی ئێرانەوە بیهێنن بۆ هەرێمی كوردستان.

بەڕێوەبەرایەتی ئاسایشی ڕاپەڕین ئەوەشیخستەڕوو: لە چالاكییەكی تردا هێزەكانی بەشی ماددە هۆشبەرەكانی بەڕێوەبەرایەتی ئاسایشی راپەڕین و بە هاوكاری یاریدەدەرێتی ئاسایشی قەڵادزێ‌ كەسێكیان دەستگیركرد بڕی (300 گرام ) ماددەی هۆشبەری لە جۆرەكانی ( هیرۆین و كریستاڵ)ی پێبووە.

ئاسایشی ڕاپەڕین ڕوونشیكردەوە: لەئێستادا تۆمەتبارەكان بەپێی ماددەی (14ی ماددە هۆشبەرەكان) لەیاسای سزادانی عیراقی پەڕاوی لێكۆڵینەوەیان بۆ كراوەتەوە و لێكۆڵینەوە بەردەوامە.

بەردەوام بە لە خوێندنەوە

کوردستان