ئێمە لە تۆرە کۆمەڵایەتیەکان

خۆشەویستی

٧ جۆر لە خیانەتی هاوسەرگیری کە زۆرێکمان هەر حسابیشی بۆناکەین

خێزان

زۆرێک لە پەیوەندی هاوسەرگیریدا تەنها ئەوە بە خیانەت دەزانیت کە لەگەڵ کچێک یان کوڕێکی دیکە پەیوەندی هەبێت، بەڵام هەر یەک لەمانە بە جۆرێک لە جۆرەکان بە خیانەتی هاوسەرگیری هەژماردەکرێت و پێویستە خۆتی لێبپارێزیت:

 

– ئاساییە هاوڕێی ڕەگەزی بەرامبەرت هەبێت، بەڵام ئاسایی نییە هاوڕێیەتیەکەت لەگەڵ ڕەگەزی بەرامبەر زۆر نزیک بێت و سنورەکان ببەزێنن بەناوی هاوڕێیەتیەوە لە کاتێکدا خۆت هاوسەرت هەیە، بۆیە ئەمەش خیانەتە.

– دڵداریکردن بە ئۆنلاین و نامە ناردن یان قسەکردن بە دزیەوە لەگەڵ کەسانی دیکە و خۆ لێنزیککردنەوەیان خیانەتە لە هاوسەرەکەت.

 

– مۆبایلەکەت خۆشتر دەوێت لە هاوسەرەکەت ؟ گەر دەڵێت وانیە ئایا کات لەگەڵ کامیان زیاتر بەسەر دەبەیت؟ گەر مۆبایلەکەت بێت ئەوا خیانەت لە هاوسەرگیریەکەتان دەکەیت.

 

– کاتێک ئێوە ژن و مێردن عەیبە و کەموکوڕی یەکترتان دێتە لا، باسکردنی ئەو عەیبانە لای کەسانی دیکە خیانەتە.

 

– هاوڕێی نزیکت هەیە لە رەگەزی بەرامبەر، بەڵام دەڵێت بۆی هاوسەرەکەم دڵی لێم پیسنەبێت باسی ناکەم و هاوڕێیەتیەکەتان نهێنیە؟ ئەوەش خیانەتە.

 

– لەناو جێگا لەگەڵ هاوسەرەکەتی و بە خەیاڵیش لەگەڵ شەکیرا یان نانسی عەجرەمدایت؟ ئەوە بزانە کە خیانەتت لە هاوسەرەکەت کردووە.

 

– لە ناکۆکی و ئاڵۆزیەکاندا پشتی هاوسەرەکەت ناگریت و دەیشکێنیت؟ دڵنیابە لەوەی خیانەتت لێکردووە.

خۆشەویستی

چەند نیشانەیەک کە دەری دەخات دڵە شکاوەکەت چاکبۆتەوە و ئامادەیت بۆ خۆشەویستی

خێزان

زۆرجار کاتێک لە پەیوەندیەکدا شکست دەخۆین، ئیدی بە تەواو دڵمان دەشکێت و ئامادەی درووستکردنی پەیوەندی دیکە نین، ئەمەی خوارەوە چەند نیشانەیەکە کە دەری دەخات دڵە شکاوەکەت چاکبۆتەوە و ئامادەیت بۆ خۆشەویستی:

 

-چیدی کە ڕابردووت بیر دەکەوێتەوە هەست بە بێزاری  ناکەیت و خەفەت ناخۆیت

 

-وەک جاران هەست بە تەنهایی ناکەیت و ئەوە بێزارت ناکات کە بە سنگڵی ماویتەتەوە

– چویتەتەوە سەر حەز و خولیا ئاساییەکانی خۆت و لەگەڵ هاوڕێکانت خۆشحاڵیت

– تۆ ئێستا نەک ئەوەی کە ئامادەیت خۆشەویستی وەربگریت، بەڵکوو هەستدەکەیت دەتوانیت خۆشەویستیش ببەخشیت

-کاتێک دوو کەپڵ یان ژن و مێرد بەیەکەوە دەبینیت، ناکەویتەوە خەیاڵی کاتی پەیوەندیە شکستخواردوەکەی خۆت و شتەکە زۆر ئاساییە لات.

 

– هەستت بۆ ڕەگەزی بەرامبەر درووستبۆتەوە و هەستەکەیت کە دەتەوێت پەیوەندی دابنێیت

 

– ئێستا کەسێکی بە ئەزمونتریت و باشتر بەرگەی ئازارەکانی پەیوەندی دەگریت و قەدری پەیوەندیە نوێکەت باشتر دەزانیت

 

بەردەوام بە لە خوێندنەوە

خۆشەویستی

چەند قسە و دەستەواژەیەک کە بۆ گاڵتەش نابێت بە هاوسەرەکەتی بڵێیت

خێزان
ئەمەی خوارەوە چەند قسە و دەستەواژەیەکە کە بۆ گاڵتەش نابێت بە هاوسەرەکەتی بڵێیت چونکە کاریگەری خراپی دەبێت:

 

-ته‌ڵاقدان

-هه‌رگیز ئه‌م وشه‌یه‌ بۆ گاڵته‌وگه‌پ له‌ گه‌ڵ هاوسه‌ره‌كه‌ت به‌كار مه‌هێنه‌ به‌و پێیه‌ی واده‌كات كه‌ هه‌ستكردن به‌ ئارامی له‌ده‌ستبدات كه‌ بنه‌مایه‌كی سه‌ره‌كییه‌ بۆ به‌رده‌وامی خێزانی.

 

-به‌جێهێشتن و دیار نه‌مان

-به‌ گاڵته‌وه‌ به‌هاوسه‌ره‌كه‌ت مه‌ڵێ كه‌ ده‌ته‌وێت بڕۆیت و ئیدی نه‌گه‌ڕێیته‌وه‌، به‌و پێیه‌ی ئه‌و هه‌سته‌ی لادروستده‌كات كه‌ به‌ دور له‌ تۆ به‌دوای ژیانێكی دیكه‌ بۆخۆی بگه‌ڕێت.

 

-هێنای ژنی دیكه‌

-به‌هه‌مان شێوه‌ش به‌كارهێنانی ئه‌م جۆره‌ گاڵته‌یه‌ زیانی هه‌یه‌و جوڵاندنی غیره‌ی خێزانه‌كه‌ته‌ به‌ ئاراستیه‌كی خراپدا.

 

-گاڵته‌ی پێچه‌وانه‌ی خۆشه‌ویستی

-بۆنمونه‌ به‌ هاوسه‌ره‌كه‌ت مه‌ڵێ كه‌ “نازانم بۆ هێنده‌ بێمێشك بووم كه‌ تۆم هێنا” یاخود “ئاخ گه‌ر ڕۆژگار ده‌گه‌ڕایه‌وه‌ دواوه‌، خۆم ده‌زانی چ بڕیارێكم ده‌دا”، چونكه‌ ژنان هه‌موو كات پێویستیان به‌وه‌یه‌ كه‌ كه‌سی یه‌كه‌م بن له‌ ژیانتدا.

بەردەوام بە لە خوێندنەوە

خۆشەویستی

تەڵاق چییە و چۆن چاك دەكرێتەوە؟

خەڵك- بەشی هەواڵ
مەلا ئەحمەد قامیشی، تەڵاق بە نەخۆشییەكی كۆمەڵایەتی و خێزانی ناودەبات و دەڵێت: “لە دەرەوە و ناوەوەی دادگاكان دیاردەی تەڵاق زۆر زیاد بووە، كە ئەمەش كارەساتی زۆری لێ‌ دەكەوێتەوە”.

مەلا ئەحمەد قامیشی، مامۆستای ئایینی لە سلێمانی لە زنجیرە وتارێكدا، كە ڕۆژانە و لە مانگی ڕەمەزاندا لە (تۆڕی میدیایی خەڵك) بڵاودەبێتەوە و بەشێوەی ڤیدیۆیی تۆماركراوە تیشك دەخاتە سەر بابەتێكی شەرعی و فیقهی و لەڕووی ئایینییەوە شرۆڤە بۆ دیاردە كۆمەڵایەتییەكان دەكات.

مەلا ئەحمەد قامیشی لە وتاری تایبەت بە (زیاد بوونی ڕێژەى تەڵاق)دا دەڵێت: “دیاردەی تەڵاق گەڵێك زۆر بووە، كە ئەمەش كارەساتێكی زۆری لێ‌ دەكەوێتەوە، چونكە خێزان بەرەو هەڵوەشاندنەوە دەبات و بەوهۆیەشەوە كۆمەڵگە هەڵدەوەشێتەوە”.

وتیشی، “ئەو گرێبەستە هاوسەرگیرییەی لەنێوان هاوسەراندا هەیە، خوای گەورە لە قورئاندا بە (مِّيثَاقًا غَلِيظًا) باسی كردووە، واتە گرێیەكی توند، بۆیە تەڵاق لای خوای گەورە زۆر ناخۆشە”.

ئەو مامۆستا ئایینییە جەختیشی كردەوە، تەڵاق بەدەست پیاوە جا ژن قبوڵی بكات یان نا و دوو جاریش تەڵاق چاك دەكرێتەوە، بەڵام لە سێیەم جاردا چاك ناكرێتەوە و تەنها بۆ حاڵەتی ناچارییە”.

مەلا ئەحمەد ئامۆژگاری موسڵمانان دەكات، “دەبێت لەخوا بترسین و توڕە نەبین و خێزانەكانمان بەختەوەربكەین و نابێت بەئارەزووی خۆت وشەی تەڵاق بەدەمتدابێت، چونكە چاك كردنەوەی ئەستەمە و بەهۆیەوە خێزان هەڵدەوەشێت و منداڵ تێیدا دەبێتە قوربانی”.

سەبارەت بە هۆكارەكانی زیادبوونی تەڵاق وتیشی، “بەهۆی میدیای خراپ و زیادبوونی هەژاری و نەبوونی ڕۆشنبیری خێزانی لەناو هەندێك خەڵك و بوونی دەمەقاڵێ‌ و بێكاری و لاوازی ئیمان و زۆر و چەندین هۆكاری دیكە ڕۆژ بەڕۆژ ڕێژەی تەڵاق زیاد دەكات”.

مەلا ئەحمەد قامیشی/ بەشی حەڤدەیەم

تەڵاق چییە و چۆن چاك دەكرێتەوە؟ئەم وتارەی مەلا ئەحمەد قامیشی تایبەتە بە (خەڵك) و درێژكراوەی زنجیرە وتارێكە، كە ڕۆژانە لە مانگی ڕەمەزاندا بڵاودەكرێتەوە.

Posted by Xelk Media Network on Wednesday, May 22, 2019

بەردەوام بە لە خوێندنەوە

کوردستان