ئێمە لە تۆرە کۆمەڵایەتیەکان

ئابوری

كۆمپانیا زەبەلاحەكان بەریتانیا جێدەھێڵین و ڕوو لە ھۆڵەندا دەكەن

خەڵك – بەشی هەواڵ

بەھۆی ناڕوونی لە ڕێككەوتنی برێكست، ٤٢ كۆمپانیا بەریتانیا بەجێدەھێڵن و ڕوو لە ھۆڵەندا دەكەن.
بریكارێكی ھۆڵەندی بۆ وەبەرھێنانی دەرەكی لە ڕاگەیەندراوێكدا ئاشكرای كرد، ٤٢ كۆمپانیا پێگەی خۆیان لە بەریتانیا بەجێدەھێڵن و ڕوویان كردووەتە ھۆڵەندا و بەوھۆیەوە ٢٠٠٠ ھەلی كار و ٢٩١ ملیۆن یۆرۆ زیان بەر بەریتانیا دەكەوێت.
ئەو بڕیارە، لەلایەن حكومەتی ھۆڵەنداوە پەسەندكراوە و ئەوەش خراوەتەڕوو بەشێك لە كۆمپانیاكانی تریش پلانی گواستنەوەیان بۆ وڵاتانی ئەوروپا وەك فەڕەنسا و ئەڵمانیا و ئێرلەندا ھەیە.
بڕیارە ٢٩ی ئازار، بەریتانیا یەكێتی ئەوروپا بەجێبهێڵت بەڵام تا ئێستا ڕێككەوتنێكی ڕوون لە نێوان ئەو دوو لایەنە نییە.

ئابوری

ئەمڕۆ موچەی ئەم شوێنانە دابەش دەكرێت

خەڵك- بەشی هەواڵ

بڕیارە ئەمڕۆ سێ‌ شەممە موچەی مانگی چواری هەریەك لە فەرمانبەرانی وەزارەتی كار و كاروباری كۆمەڵایەتی و خاوەن پێداویستی تایبەت دابەش بكرێت.

بەپێی خشتەیەكی نافەڕمی كە پێشتر لە وەزارەتی دارایی و ئابورییەوە بڵاوكراوەتەوە، ئەمڕۆ موچەی ئەو شوێنانە دابەش دەكرێت.

دابەشكردنی موچەی شەو شوێنانە دوای ئەوەدێت، كە بەشێك لە وەزارەت و دەستەكانی هەرێم موچەی مانگی چواریان وەرگرتووە.

بەردەوام بە لە خوێندنەوە

ئابوری

سبەی تەنها مووچەى وەزارەتێك دابەشدەكرێت

خەڵك – بەشی هەواڵ
سەرچاوەكی باڵا لە وەزارەتی دارایی و ئابووری ڕایدەگەیەنێت، سبەی تەنها مووچەی وەزارەتێك دابەشدەكرێت و لەگەڵ گەیشتنی پارە لە بەغداوە دابەشكردنی مووچە خێراتر دەكرێت.

سەرچاوەیەكی باڵا لە وەزارەتی دارایی و ئابووری حكومەتی هەرێم بە (خەڵك)ی ڕاگەیاند، دابەشكردنی مووچەی مانگی نیسانی ئەمساڵ بەردەوامی دەبێت و سەرجەم وەزارەتەكان بە پێی خشتەی دیاریكراو مووچە وەردەگرن.

ڕاشیگەیاند، سبەی سێ شەممە 16-7-2019 مووچەی وەزارەتی كار و كاروباری كۆمەڵاتی
و كەمئەندامان دابەشدەكرێت.

جەختیشی كردەوە، لەگەڵ گەیشتنی پارەی مووچە لە بەغداوە، دابەشكردنی مووچە خێراتر دەكرێت.

بەردەوام بە لە خوێندنەوە

ئابوری

ڕۆیتەرز: سۆمۆ سێ‌ ملیۆن بەرمیل نەوتی بە زیاتر لە نرخی فەرمی فرۆشتووە

خەڵك- بەشی هەواڵ
كۆمپانیای بەبازاڕكردنی نەوتی عیراقی (سۆمۆ)، توانی سێ‌ ملیۆن بەرمیل نەوتی خاو بە زیاتر لە نرخی فەرمی نرخی نەوتی خاو بفرۆشێت.

ئەمڕۆ دوو شەممە، سەرچاوە بازرگانییەكان بە ئاژانسی (ڕۆیتەرز)یان ڕاگەیاندووە، “كۆمپانیای شێڵ دوو ملیۆن بەرمیل نەوتی خاوی سوكی بەسرەی بە كەمێك زیاتر لە نرخی فەرمی كڕیوە، كە دۆلارێك زیاتر بووە بۆ بەرمیلێك، كۆمپانیای پترۆ دایمۆندیش یەك ملیۆن بەرمیل نەوتی خاوی قورسی بەسرەی بە زیاتر لە دوو دۆلار بۆ بەرمیلێك لەسەرو نرخی فەرمی نرخی نەوتەوە كڕیوە”.

بە وتەی ئەو سەرچاوانە، بارە نەوتەكان بەبێ‌ دیاركردنی ئاڕاستەی فرۆشتن فرۆشراون، بەڵام پێدەچێت بەرەو ئەوروپا باركرابن، كە نرخی نەوت تا ئەندازەیەك زیاترە.

بەهۆی زیادفرۆشتنی نەوت لە نرخی فەرمی، حكومەتی عیراق بودجەیەكی تەواوكاری بۆ دروست دەبێت، كە بۆ پڕكردنەوەی كورتهێنانی بودجە بەكاریدەهێنێت.

بەردەوام بە لە خوێندنەوە

کوردستان