ئێمە لە تۆرە کۆمەڵایەتیەکان

ژینگە

شەپۆلێكی باران و بەفر هەرێمی كوردستان دەگرێتەوە

خەڵك- بەشی هەواڵ
شارەزایانی كەشناسی ئاماژە بە هاتنی شەپۆلێكی دیكەی باران و بەفر بۆ سەر ناوچەكانی عیراق و هەرێمی كوردستان دەكەن و كەشناسی عیراق-یش ڕایدەگەیەنێت، شەپۆلەكە هەورە تریشقەی لەگەڵدایە و پلەكانی گەرماش نزم دەبنەوە.

بەپێی وتەی شارەزایانی بواری كەشناسی، پێشبینی دەكرێت لەكۆتایی ئەم هەفتەیە لە ڕۆژانی پێنج شەممە و هەینی-دا شەپۆلێكی دیكەی باران بارین و بەفر بارین ناوچەكانی هەرێمی كوردستان بگرێتەوە و بۆ ماوەی 3 تا 4 ڕۆژ بەردەوام بێت و لەگەڵ شەپۆلەكەشدا بارستە هەوایەكی سارد (سەرما) ناوچەكە بگرێتەوە.

لای خۆشیەوە، دەستەی كەشناسی عیراق لە ڕاپۆرتێكدا ئاماژەی بەوەكردووە، سبەینێ‌ دوو شەممە لە زۆربەی ناوچەكانی عیراق ئاسمان نیمچە هەور دەبێت و هەندێك كاتیش لە ناوچەكانی ناوەڕاستی وڵات و هەرێمی كوردستان دەبێتە هەوری تەواو و نمە باران دەبارێت، بەڵام پلەكانی گەرما وەك خۆیان دەمێننەوە.

ڕاشیگەیاندووە، ڕۆژانی سێ‌ شەممە و چوار شەممە ئاسمانی سەرجەم ناوچەكان ساماڵ دەبێت و ئاڕاستەی با دەگۆڕێت بۆ باشووری ڕۆژهەڵات و ئاستەكەی مامناوەند دەبێت.

ئاشكراشی كردووە، ڕۆژی پێنج شەممە ئاسمان دەگۆڕێت بۆ هەور و لە ناوچەكانی هەرێمی كوردستان بەتایبەتی باران بارین دەستپێدەكات و بەهۆیەوە ئاستی بینین كەم دەبێتەوە و هەندێك كاتیش بارانەكە دەبێتە لێزمە و هەورەتریشقەشی لەگەڵ دەبێت و پلەكانی گەرماش كەمێك نزم دەبنەوە.

كەشناسی عیراق پێشبینیشی كردووە، كە بۆ ڕۆژی هەینی و سەرەتای هەفتەی داهاتووش دۆخی كەشوهەوا بەشێوەی باران بەردەوام بێت و لە ناوچە شاخاوییەكانی هەرێم بەفر ببارێت.

ژینگە

شەپۆلێكی گەرما هەرێمی كوردستان و عیراق دەگرێتەوە

خەڵك- بەشی هەواڵ
بەپێی پێشبینییە كەشناسییەكان لە ڕۆژی هەینییەوە و بەتایبەتیش لە هەفتەی داهاتوودا شەپۆلێكی گەرما ناوچەكانی هەرێمی كوردستان و عیراق دەگرێتەوە.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك لە ڕوونكردنەوەیەكدا بەپێی نەخشەی مانگە دەستكردەكان ئاماژەی بەوەكردووە، لە ڕۆژی هەینی-یەوە و لە ڕۆژانی هەفتەی داهاتووشدا شەپۆلێكی گەرمای بەهێز ناوچەكانی باشوور و ناوەڕاست و ڕۆژئاوای وڵات و هەروەها هەرێمی كوردستان دەگرێتەوە.

ڕاشیگەیاندووە، شەپۆلی گەرماكە بەزۆری لەكاتەكانی ڕۆژدا دەبێت و لەكاتەكانی شەودا كەشوهەوا ئاسایی دەبێتەوە.

هاوكات، ماڵپەڕی ئەكواوێزەر، كە ماڵپەڕێكی ئەمریكی تایبەت بە كەشوهەوایە بڵاویكردۆتەوە، شەپۆلێكی گەرمای بەهێز لە ڕۆژی ٢٥ی ئەم مانگەوە هەرێمی كوردستان دەگرێتەوە و پلەكانی گەرما بۆ سەر و ٣٦ پلە بەرزدەبنەوە.

هەر بەپێی ڕاپۆرتی ماڵپەڕەكە، “ئەو شەپۆلی گەرمایە دەگاتە ٤٠ پلە لە هەرێمی كوردستان و تا ڕۆژی ٣٠ ئەم مانگە بەردەوام دەبێت دواتر جارێكی دیكە پلەكانی گەرما دادەبەزنەوە و كەشوهەوا ئاسایی دەبێتەوە”.

بەردەوام بە لە خوێندنەوە

ژینگە

بوومەلەرزە ناوچەیەكی هەرێمی كوردستانی هەژاند

خەڵك- بەشی هەواڵ
كەشناسی و بوومەلەرزەزانی هەرێم ئاشكرای دەكات، كە بوومەلەرزەیەك لە شارۆچكەی پێنجوێن ڕوویداوە و لە ناوچەكە هەستی پێكراوە.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاگەیەندراوێكدا ئاماژەی بەوەكردووە، ئەمڕۆ پێنج شەممە لە كاتژمێر 6:29 خولەكی بەیانی بەكاتی هەولێر بوومەلەرزەیەك بە گوڕی 3.6 پلە بە پێوەری ڕێختەر و لە قوڵایی 10 كیلۆمەتر لە پێنجوێن ڕوویدا.

ڕاشیگەیاندووە، كە لە ناوچەكە بوومەلەرزەكە هەستی پێكراوە.

بەردەوام بە لە خوێندنەوە

ئابوری

قەرەبووی زیانلێكەوتووانی دوكان و دەربەندیخان دەكرێتەوە

خەڵك-بەش هەواڵ

قائیمقامی دوكان ڕایدەگەیەنێت، بڕیارە حكومەتی عیراق قەرەبووی زیانلێكەوتوانی لافاوەكەی دوكان و دەربەندیخان بكاتەوە.

بەهۆی بارانێكی زۆرەوە، ئەمساڵ لافاوێكی زۆر لە هەرێمی كوردستان دروست بوو، بەهۆیەوە زیانێكی زۆر بەر بازرگان و شوێنە گەشتیارییەكان كەوت و بەپێی زانیارییەكانیش حكومەتی هەرێم هیچ بڕیارێكی نەداوە بۆ قەرەبووكردنەوەیان.
بەپێی زانیارییەكانی گەیشتوو بە (خەڵك) چەند لیژنەیەك بۆ دەستكەوتی ئاماری زیانەكان لە قەزای دوكان دیاریكراوە، بەڵام بەهۆی زۆری لافاوەوە چەند ڕۆژێكە دەستیان بەكارەكانیان كردووە.

لای خۆشییەوە سیروان سەرحەد قائیمقامی قەزای دوكان بە (خەڵك)ی ڕاگەیاند، هیچ بڕیارێك لەلایەن حكومەتی هەرێمەوە نەدراوە بۆ قەرەبووكردنەوەی زیانلێكەوتوانی لافاوەكە.

وتیشی”ژمارەیەك لە ئەندام پەڕلەمانەكانی هەرێمی كوردستان لە بەغدا پێیان ڕاگەیاندووین، پڕۆژەیەكیان جێگیر كردووە و بۆ قەرەبووكردنەوەی ئەو كەسانەی زیانیان بەركەوتووە لە قەزای دوكان و قەزای دەربەندیخان”.

بەردەوام بە لە خوێندنەوە

کوردستان