ئێمە لە تۆرە کۆمەڵایەتیەکان

عێراق

بەشێكی پەرلەمانتاران ئامادەی كۆبوونەوەكانی پەرلەمان نابن

خەڵك- بەشی هەواڵ
پەرلەمانتارێكی هاوپەیمانی بنیاتنان لە پەرلەمانی عیراق ئاشكرای دەكات، كە بڕیارەكەی سەرۆكی پەرلەمان بۆ “غیابدان”ی سێ‌ پەرلەمانتار، كە بەبێ‌ هۆی فەرمی ئامادەی كۆبوونەوەكان نابن دروست و یاساییە و دەشڵێت: “پەرلەمان هەوڵ دەدات ڕێوشوێنی نوێ‌ بگرێتەبەر بەرامبەر ئەو كەسانەی لە هەڵبژاردن دەرچوون و تا ئێستا سوێندی دەستووریان نەخواردووە لە پەرلەمان”.

ئەشواق كەریم، ئەندامی پەرلەمانی عیراق بە (سۆمەریە نیوز)ی ڕاگەیاندووە، ئەو ڕێوشوێنانەی گیراونتەبەر لەلایەن محەمەد حەلبوسی، سەرۆكی پەرلەمانەوە دژی سێ‌ پەرلەمانتاری غایب، كە بۆ ماوەیەكی زۆر بەشداری كۆبوونەوەی پەرلەمانیان نەكردووە بەبێ‌ هۆی یاسایی، یاسایی و دروستە و تەنانەت درەنگیش كەوتووە.

ڕاشیگەیاند، ژمارەیەك پەرلەمانتار لە كۆبووونەوەكان غایب دەبن و بەشداری كۆبوونەوەكان ناكەن لەكاتێكدا پەرلەمان لە 329 پەرلەمانتار پێكهاتووە، بەڵام زۆربەی كات ژمارەی پەرلەمانتارە ئامادەبووەكان لە 200 پەرلەمانتار تێپەڕنابێت.

ئاشكراشی كردووە، كە پەیڕەوی ناوخۆ بە ڕوونی سزای دیاریكردووە بەسەر ئەو پەرلەمانتارانەی ئامادەنابن بەبێ‌ هۆی فەرمی، كە گرنگترینیشیان بڕینی مووچەیە و ئەگەر غایب بوونەكەی لە وەرزێكی یاساداناندا گەیشتە دوو لەسەر سێی كۆبوونەوەكان ئەوا ئەو پەرلەمانتارە فەسڵ دەكرێت.

جەختیشی كردۆتەوە، كە ئەو ڕێوشوێنانە پێویستە بەرامبەر پەرلەمانتار بگیرێنە بەر، چونكە پەرلەمانتار نوێنەری 100 هەزار هاووڵاتییە و دەبێت لەناو هۆڵی پەرلەمان بوونی هەبێت بۆ پارێزگاری كردن لە مافەكانیان.

ئەو پەرلەمانتارە ڕوونیشی كردۆتەوە، كە پەرلەمان بەنیازە ڕێوشوێنی یاسایی بگرێتەبەر بەرامبەر ئەو كاندیدانەی لە هەڵبژاردن دەرچوون و تا ئێستا سوێندی دەستوورییان نەخواردووە، چونكە یاسا و پەیڕەوی ناوخۆ ئەو حاڵەتەی چارەسەر نەكردووە.

ڕۆژی پێنج شەممەی ڕابردوو 7ی شوبات، سەرۆكایەتی پەرلەمان ئاگاداركردنەوەیەكی ئاڕاستەی ئەیاد عەللاوی، سەرۆكی هاوپەیمانی وەتەنیە كرد بەهۆی ئەوەی ڕێژەی غایب بوونەكەی زۆر زیادبووە.

عێراق

مامۆستایانی عیراق خۆپیشاندان و مانگرتنەكەیان دەستپێدەكەن

خەڵك-بەشی هەواڵ
دوای ئەوەی حكومەتی فیدراڵ داواكارییەكانی جێبەجێنەكرد، سەندیكای مامۆستایانی عیراق، ئامادەكاریی دەكەن بۆ رێكخستنی خۆپیشاندان و مانگرتن لە رۆژانەی یەك شەممە و دوو شەممەی ئەم هەفتەیە.

لەو بارەیەوە، ناسر كەعبی وتەبێژی سەندیكای مامۆستایانی عیراق ڕایگەیاندووە”سەندیكای مامۆستایان لە دواتردا بڕیار لەسەر ئەو هەنگاوانە دەدات كە لەدوای قۆناغی مانگرتن دەیانگرێتەبەر، و پشت بە مەودای بەدەنگەوەهاتنی حكومەتی فیدراڵ دەبەستێت بۆ داواكارییەكان كە سی و دوو خاڵ لەخۆگرن”.

وتەبێژی سەندیكای مامۆستایانی عیراق، هۆشداریشی دابووە ئیدارەی خوێندنگەكان لە گەوجێتی ڕاوەستان بەڕووی دیموكراتی و سەرپێچی دەستور، لەڕێی لێپرسینەوە لەگەڵ ئەو مامۆستایانەی بەشداریی لە خۆپیشاندانەكاندا دەكەن.

بەردەوام بە لە خوێندنەوە

عێراق

خۆی و كوڕەكەی و زاوەكەی بە گەندەڵی تۆمەتبار كردووە
نوسینگەكەی مالیكی وەڵامی ماڵپەڕە ئەمریكاییەكە دەداتەوە

خەڵك- بەشی هەواڵ
نوسینگەی رۆژنامەوانی سەرۆكی هاوپەیمانی دەوڵەتی یاسا، نیگەرانی خۆی دەردەبڕێت بەرانبەر بەو ڕاپۆرتەی كە لەیەن ماڵپەڕی The Daily Beastی ئەمریكاییەوە بڵاوكرایەوە لەبارەی گرێبەستە ئەمنییەكان لە عیراق.

هیشام رەكابی، بەڕێوەبەری نوسینگەی ڕۆژنامەوانی مالیكی لە لێدوانێكی ڕۆژنامەوانیدا ڕایگەیاندووە”بەداخەوە میدیاكانی ناوخۆ ئەو درۆیەیان بڵاوكردەوە كە لایەن ماڵپەڕێكی بێ‌ بەهاوە بڵاوكرایەوە و پرسیارییان لەبارەی ئەو لایەنانەوە نەكردووە كە ڕاپۆرتەكەيان ئامادەكردووە”.

بەوتەی رەكابی”ئەوەی لە ماڵپەڕەكەدا بڵاوكراوەتەوە، بەئامانجگرتنێكی ئاشكرایە و دەكەوێتە چوارچێوەی ناوزڕاندنی سیاسی كە هەندێك لایەنی دەرەكی و لۆبییەكانی فشار و ئەو كەسانەی لە پشتەوە كە هەوڵ بۆ بەلاڕێدابڕدنی ڕای گشتی دەدەن”.

رەكابی، جەخت لەسەر بەرزكردنەوەی سكاڵای یاسایی لەسەر ماڵپەڕی The Daily Beastی ئەمریكای دەكاتەوە.

ئەو زانارییانەی لەلایەن ماڵپەڕی The Daily Beastبڵاوكرانەوە، سەبارەت بە تێوەگلانی نوری مالیكی سەرۆك وەزیرانی پێشووتر و سەرۆكی هاوپەیمانی دەوڵەتی یاسا و كوڕەكەی و زاواكەی لە گەندەڵیدا، مشتومڕێكی گەورەيان لە شەقامی عیراقیدا دروست كردووە.

ماڵپەڕە ئەمریكاییەكە لە ڕاپۆرتێكیدا كە لە 12ی ئەم مانگە بڵاوكرایەوە، باس لە لێكۆڵینەوەیەك دەكات لەلایەن وەزارەتی دادی ئەمریكایی لەگەڵ ئەو كۆمپانیایانەى گرێبەستی سەربازییان كردووە و بەرتیلیان داوەتە بەرپرسانی عیراقی، لەنێوان ئەو بەرپرسانەشدا وەك ماڵپەڕی The Daily Beastئاماژەی پێكردوون، نوری مالیكی سەرۆك وەزیرانی پێشووتر و ئەحمەد مالیكی كوڕی و یاسر مالیكی زاوایەتی (ئەندامی پەرلەمانی ئێستای عیراقە)، تا گرێبەستی ئەمنی دەگمەن دەستەبەربكەن، بەپێی لێكۆڵینەوەیەكی بنكۆڵكارییش دەركەوتووە كە “كۆمپانیای گرێبەستە سەربازییەكان (سالیبۆرت گۆڵًۆباڵ سێرڤیسز)، رۆڵی بینیوە لە پێدانی بەرتیل بە مالیكی و خزمەكانی”.

بەردەوام بە لە خوێندنەوە

عێراق

بانكی ڕافیدەین وەجبەیەكی تری سلفە دەدات بە فەرمانبەران

خەڵك- بەشی هەواڵ
بانكی ڕافیدەین، وەجبەیەكی نوێی سلفە دەداتە فەرمانبەرانی دەوڵەت كە بڕەكەی لەنێوان پێنج بۆ دە ملیۆن دیناردا دەبێت و لەڕێی ئامرازەكانی پێدانی ئەلیكترۆنییەوە خەرج دەكرێت.

بەپێی بەیاننامەیەك كە لەلایەن نوسینگەی ڕاگەیاندنی بانكی ڕافیدەینەوە بڵاوكراوەتەوە”وەجبەیەكی نویی سلفە بۆ فەرمانبەرانی دەوڵەتی خەرجكراوە كە ژمارەیان زیاتر لە 600 فەرمانبەر دەبێت و موچەكانیان لە بانكەكە جێگیركراوە و كارتی ئەلیكترۆنییان بەدەستهێناوە”.

هەر لە بەیاننامەكەدا هاتووە”خەرجكردنی ئەو سلفەیە، لەڕێی ناردنی (SMS)وە دەبێت بۆ فەرمانبەرەكە كە پێدانی سلفەكەی پێڕادەگەیەنرێت، ئەمەش لەپاش تەواوكردنی هەموو ڕێوشوێنە یاساییەكان بۆ وەرگرتن و خەرجكردنی لەڕێی پێدانی ئەلیكترۆنی كە باڵانسە داراییەكەی پڕكراوەتەوە”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین