ئێمە لە تۆرە کۆمەڵایەتیەکان

جیهانی

بەڕێوەبەری بایرن: لیڤاندۆڤیسکی کێشەی نییە، بەڵکو هامان بووە بە کێشە بۆ “سکای سپۆرت”

خەڵک سپۆرت

حەسەن ساڵحەمیدزیچ بەڕێوەبەری وەرزشی یانەی بایرن میونشن پاڵپشتی ڕۆبێرت لیڤاندۆڤیسکی هێرشبەری یانەکەی دەکات و لەهەمان کاتدا هێرشێکی توند دەکاتە سەر دیتمار هامانی ئەستێرەی پێشوی ئەڵمانیا.

بەڕێوەبەرە سەرکێشەکەی بایرن لە چاوپێکەوتنێکدا بە گۆڤاری “کیکەر”ی ئەڵمانی ڕاگەیاندووە :” لیڤاندۆڤیسکی لەو کاتەوە پەیوەندی بە بایرنەوە کردووە باشترین ئاستی پێشکەش کردووە، لەڕاستیدا نازانم ڕەخنە توندەکانی هامان لەو یاریزانە بۆ هێندە زیادەڕەوی تێدایە، بەبۆچونی من ئەو کەسایەتیە بەشێوەیەکی گونجاو تەماشای یارییەکانی بایرن ناکات”.

هەروەها لە وەڵامی پرسیارێکدا (ئایا لیڤاندۆڤیسکی بووە بە کێشە بۆ بایرن؟) ساڵحەمیدزیچ دەڵێت :” نەخێر هەرگیز پێموانیە بوبێت بە کێشە بۆ یانەکەمان، بەڵکو دیتمار هامان خۆی کێشەیە، بووە بە کێشە بۆ تۆڕی سکای سپۆرت”.

لەماوەی ڕابردودا دیتمار هامانی ئەستێرەی پێشوی هەڵبژاردەی ئەڵمانیا و یانەی لیڤەرپوڵ لە شیکردنەوەکانیدا بە تۆڕی “سکای سپۆرت”ی ڕاگەیاندبو: لیڤاندۆڤیسکی ئەو یاریزانە نەماوە کە چەند وەرزێک لەمەوبەر پەیوەندی بە بایرن میونشنەوە کرد، بەڵکو لەچەند پرۆگرامێکدا بەوشێوەیە ڕەخنەی ئاڕاستەی هێرشبەرە پۆڵەندیەکە کردووە و تائێستاش بەردەوامە لە بۆچونەکانی.

جیهانی

کۆڤاچ لە ئاستی “خامێس” ڕازی نییە و ڕیاڵ مەدرید لە ئامادەباشیدایە !

خەڵک سپۆرت

ئەستێرەی ناوداری کۆڵۆمبی نەیتوانیوە جێگەی خۆی لەپێکهاتەی سەرەکی یانەی بایرن میونشندا بکاتەوە، هەموو ئەگەرەکان بەو ئاڕاستەیەن لەگواستنەوەکانی هاوینەی ٢٠١٩دا دووبارە بگەڕێتەوە بۆ مەدرید.

ڕۆژنامەی “مارکا”ی ئیسپانی لەزاری سەرچاوە نزیکەکانی بایرن میونشنەوە ئاشکرای کردووە، ڕێکەوتنی ١٥/٦/٢٠١٩ کۆتا وادەیە بۆ یانە ئەڵمانیەکە تا دەربارەی داهاتوی جەیمس ڕۆدریگێزی کۆڵۆمبی بڕیار بدەن، بەڵام تا ئەم ساتە نیکۆ کۆڤاچی ڕاهێنەر و تەنانەت ئیدارەی یانە ئەڵمانیەکە لە ئاستی یاریزانەکە ڕازی نەبوون و نایانەوێت ٤٢ ملیۆن یورۆ لەپای گواستنەوەی یەکجارەکی لە یانەی ڕیاڵ مەدریدەوە پێشکەش بکەن.

سەرچاوەکە جەخت لەوە دەکاتەوە، زینەدین زێدان بە ئاشکرا بە ئیدارەی مێرەنگی ڕاگەیاندووە، کە پێویستی بەتواناکانی خامێس نییە و لەحاڵەتی گەڕانەوەی ناچاریدا لاری نییە ئەگەر ناوی لە پێکهاتەکانیدا ناوزەند بکات، لەهەمان کاتدا هیچ بەڵێنێكی دەربارەی بەشداریکردنی بەشێوەی سەرەکی لە ڕووبەڕوبونەوەکان پێنەداوە، بۆیە دیسانەوە چەند ئەگەرێکی تر هاتۆتە ئاراوە و بەهێزترینیان ئەوەیە ئەستێرەکەی کافیتیرۆس بگەڕێتەوە بۆ مەدرید و لەوێوە راستەوخۆ ڕووبکاتە یەکێک لە یانەکانی لیڤەرپوڵ، مان یونایتد، چێڵسی، ئارسیناڵ، یاخود یوڤانتۆس و پاریس سانت جێرمان، کە پێشوەخت داوای گواستنەوەیان کردووە.

جەیمس ڕۆدریگێز ماوەی دوو وەرزە بەشێوەی خواستن لە یانەی ڕیاڵ مەدریدەوە ئاڕاستەی بایرن کراوە، لەو ماوەیەدا بەهۆی پێکان و دابەزینی ئاستیەوە نەیتوانیوە جێگەی خۆی لەپێکهاتەی سەرەکیدا بکاتەوە، لەکۆتا ڕووبەڕوبونەوەی کلاسیکۆی ئەڵمانیاشدا بەرامبەر بوروسیا دۆرتمۆند لەلایەن نیکۆ کۆڤاچی ڕاهێنەرەوە بەبڕیاری هونەری دوورخرایەوە، ئەوەش دەیسەلمێنێت کە ڕاهێنەرەکە لە شێوە یاریکردن و توانا هونەریەکانی ڕازی نییە.

بەردەوام بە لە خوێندنەوە

جیهانی

میلان کۆتایی به‌ گاتوسۆ ده‌هێنێت و هه‌نگاو بۆ “ڕاهێنه‌ره‌ جگه‌ره‌کێشه‌که‌” ده‌نێت !

خه‌ڵک سپۆرت

ئیداره‌ی یانه‌ی ئه‌ی سی میلانی ئیتاڵی هه‌وڵه‌کانی بۆ دابینکردنی ڕاهێنه‌رێکی نوێ ده‌ست پێکردووه‌ و ئه‌گه‌ر زۆره‌ له‌ماوه‌ی داهاتودا جینارۆ گاتوسۆ له‌ پۆسته‌که‌ی دووربخه‌نه‌وه‌.

تۆڕی “سپۆرت میدیا دیت”ی ئیتاڵی ئاشکرای کردووه‌، له‌دوای شکستی یانه‌ی میلان به‌رامبه‌ر لازیۆ له‌ جامی ئیتاڵیا، کاربه‌ده‌ستانی ڕۆسۆنێری هیچ هیوایه‌کیان به‌ پڕۆژه‌ نوێیه‌که‌ی گاتوسۆ نه‌ماوه‌ و بڕیاریانداوه‌ له‌ پۆسته‌که‌ی دووری بخه‌نه‌وه‌، ئه‌وه‌ش جوڵه‌یه‌کی ئاسایی ده‌بێت به‌وپێیه‌ی جه‌مسه‌ره‌کان له‌سه‌ر ئه‌وه‌ ڕێکه‌وتون که‌ ڕاهێنه‌ری ناوبراو له‌م وه‌رزه‌دا به‌شداریکردن له‌ خولی یانه‌ پاڵه‌وانه‌کان، یاخود نازناوی جامی ئیتاڵیا مسۆگه‌ر بکات، به‌ڵام ته‌واوی پلانه‌کان شکستیان هێناوه‌.

به‌پێی سه‌رچاوه‌که‌، نوینه‌رانی لۆمپاردی په‌یوه‌ندیان به‌ ماوریسیۆ ساری راهێنه‌ری یانه‌ی چێڵسی ئینگلیزیه‌وه‌ کردووه‌ و ده‌رباره‌ی وه‌رگرتنی پۆستی ڕاهێنه‌رایه‌تی یانه‌ مێژوویه‌که‌ی ئیتاڵیا پرسیاریان لێکردووه‌، به‌ڵێنیشیان پێداوه‌ له‌حاڵی قایلبونیدا ته‌واوی داواکاری و مه‌رجه‌کانی جێبه‌جێ بکه‌ن.

سه‌ره‌ڕای ئه‌وه‌ی ساری وه‌ڵامی یه‌کلاکه‌ره‌وه‌ی نه‌داوه‌ته‌وه‌، به‌ڵام سه‌رچاوه‌کانی ئیتاڵیا پێشبینی ده‌که‌ن له‌کۆتایی ئه‌م وه‌رزه‌دا گاتوسۆ له‌ پۆسته‌که‌ دووربخرێته‌وه‌ و به‌هه‌ر شێوه‌یه‌ک بێت ماوریسیۆ ساری جێگه‌ی بگرێته‌وه‌.

بەردەوام بە لە خوێندنەوە

جیهانی

ئۆڤه‌رمارس قه‌ره‌بوی دی یۆنگ ده‌کاته‌وه‌ و “گەوهەرەکە” لە چنگی ڕیاڵ مەدرید دەردەکات !

خەڵک سپۆرت

بەڕێوەبەری وەرزشیی یانەی ئەیاکس ئەمستەردام ئامادەکاری بۆ ڕۆشتنی ئەستێرەکانی یانەکەی دەکات و بۆ پڕکردنەوەی کەلێنەکان چاودێری گەوهەرەکەی یانەی ڕیاڵ مەدرید دەکەن.

ڕۆژنامەی “ئاس”ی ئیسپانی لەزاری “تێلیگراف”وە ئاشکرای کردووە، لەگواستنەوەکانی هاوینەی داهاتودا مارک ئۆڤەرمارس بەڕێوەبەری وەرزشیی یانەی ئەیاکس ئەمستەردام هەوڵی قەرەبووکردنەوەی دی یۆنگ و ئەگەری ڕۆشتنی ماتیاس دی لیخت بە ئەستێرەیەکی ناوداری یانەی ڕیاڵ مەدرید دەدات.

بەپێی سەرچاوەکە، ئۆڤەرمارس لەگەڵ مارتن ئۆدیگاردی نەرویجی ناسراو بە “گەوهەرەکە” و لێپرسراوی کارەکانی لەسەر هێڵە، دەیەوێت لە وادەی گواستنەوەکانی هاوینەدا و بەبڕی ٢٠ ملیۆن یورۆ لە یانەی ڤیتیسی هۆڵەندیەوە بیگوێزێتەوە بۆ پێکهاتەی ئەیاکس، لە بەرامبەر ئەم گفتوگۆیانەشدا یانەی ڕیاڵ مەدرید کە خاوەنی تەواوی پشکەکانی یاریزانەکەیە هیچ ڕێگرییەکیان نیشان نەداوە، تەنها پێیان وابووە نرخی پێشکەشکراو کەمە و دەبێت بەرزتر بکرێتەوە.

“ئاس” نوسیویەتی: ئۆدیگارد لە هاوینی ٢٠١٩ ماوەی خواستنەکەی کۆتایی دێت و دەگەڕێتەوە بۆ مەدرید، ئەم لاوە لەپێکهاتەکانی زینەدین زێداندا جێگەی نابێتەوە بۆیە باشترین چارەسەر لەبەردەم ئیدارەی یانەی شاهانەدا فرۆشتنیەتی.

پرسیارەکە ئەوەیە: ئایا پێرێز و هاوەڵانی بە ٢٠ ملیۆن یورۆ بە یانەی ئەیاکس ئەمستەردامی دەفرۆشن؟ لەکاتێکدا خودی یاریزانەکە بەو گواستنەوەیە قایلە بەوپێیەی چانسی یاریکردن وموچە و ئیمتیازاتی باشترین بۆ تەرخان دەکرێت.

بەردەوام بە لە خوێندنەوە

کوردستان