ئێمە لە تۆرە کۆمەڵایەتیەکان

ئابوری

(خەڵك) وردەكاری خەرجكردنی مووچەی فەرمانبەران لەبودجەی عیراق ئاشكرا دەكات

خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، هەرچەندە عیراق بە ژمارە مووچەی سەرجەم فەرمانبەران نانێرێت، بەڵام لە هەرێمی كوردستان ئەو بڕە پارەیەی دەنێردرێت دابەشی سەرجەم فەرمانبەران دەكرێت.

دوای چەندین كۆبوونەوەو گفتوگۆی نێوان لیژنەكانی پەڕلەمان و حكومەت بۆ دەستكاریكردنی پڕۆژە یاسای بودجە، دواجار پەڕلەمانی عیراق پڕۆژەكەی پەسەند كرد و لای خۆشییەوە سەرۆكی كۆمار یاساكەی پەسەند كرد و چاوەڕێ دەكرێت لە ڕۆژنامەی وەقائیع بڵاوبكرێتەوە.

جەمال ئەحمەد، پەڕلەمانتاری عیراق لە فراكسیۆنی یەكگرتوو بە (خەڵك)ی ڕاگەیاند، ناتوانین بڵێین بودجە بەتەواوەتی پەسەند كراوە، تەنها سەرۆك كۆمار پەسەندی كردووە و دەبێت لە ڕۆژنامەی وەقائیع بڵاوبكرێتەوە، ئەوەش لەوانەیە دوو هەفتەی پێبچێت، دواتر ئەوە دەمێنێتەوە، كە ئایا لایەنێك تانەی لێدەدات یاخود نا، ئەنجامی تانەكەشوەڵام بدرێتەوە، ئەوكات دەبێتە یاسا.

وتیشی، “پێموانییە بژێوی خەڵك وەك خۆی بمێنێت، چونكە جاری پێشوو ژمارەكان دیار نەبوون، كەس نەیدەزانی حكومەتی بەغداد چی دەنێرێت بۆ هاووڵاتیان”.

ناوبراو ئاشكراشیكرد، ئێستا ژمارەكان دیارن و دەزانین 454 ملیار دینار بۆ فەرمانبەران و 68 ملیار دینار بۆ پێشمەرگە و 128 ملیار دینار بۆ خانەنشینان و 44 ملیار دینار بۆ زیندانیانی سیاسی و شەهید و ئەنفالكراوان دێت، ئەمانە هەموو دیارن، ئەگەر دۆخەكە هەر وەك خۆی بوو مانای ئەوەیە ئەوان نایانەوێ خەڵك لەم قەیرانە دەربچێت.

سەبارەت بە ناردنی مووچەی سەرجەم فەرمانبەرانی هەرێمی كوردستان لەكاتێكدا زیاتر لە ملیۆنێك فەرمانبەر تۆمار كراون و لەبەرانبەردا لە بەغداد ئەو ژمارەیە كەمترە، ئەو پەڕلەمانتارە ڕایگەیاند، لە بەغداد ناوی ملیۆن نییە، ئێمە مووچەی نزیكەی ملیۆنێكمان هێناوە، پۆلیس و پێشمەرگەو فەرانبەر و خانەنشین و زیندانی سیاسی لای ئێمە نزیكەی ملیۆنێك و 240 هەزار كەسە، لە بەغداد 682 هەزار فەرمانبەرمان هەیە و نزیكەی 80 هەزار پێشمەرگە نوسراوە، كە 68 ملیار دیناری بۆ دەنێردرێت، ئەگەر یەكی ملیۆنێكیش مووچەی پێبدرێت 68 هەزار پێشمەرگە دەكات لەكاتێكدا هەموویان ملیۆنێك وەرناگرن و كەمتر وەردەگرن، دەتوانرێت دابەشی هەموویان بكرێت.

ڕوونیشیكردەوە، 128 ملیار دینار بۆ خانەنشینان دەنێردرێت، لە هەرێم 100 هەزار دەدەنە خانەنشین و لەوێ 400 هەزار دەدەن، كەواتە دەتوانرێت چارەسەری سەرجەم فەرمانبەرانی هەرێم بكرێت.

ئابوری

موچەی وەزارەتێك دابەش دەكرێت

خەڵك- بەشی هەواڵ

بڕیارە ئەمڕۆ پێنج شەممە موچەی مانگی نیسانی وەزارەتی داد دابەش بكرێت.

بەپێی خشتەیەك كە پێشتر لە وەزارەتی دارایی و ئابورییەوە بڵاوكراوەتەوە، ئەمڕۆ موچەی مانگی نیسانی وەزارەتی داد دابەش دەكرێت.

دابەشكردنی موچەی ئەو وەزارەتە دوای ئەوەدێت، كە ژمارەك لە وەزارەتەكانی دیكە موچەیان وەرگرتووە و بڕیارە دابەشكردنی موچەش بەردەوام بێت.

بەردەوام بە لە خوێندنەوە

ئابوری

لە سلێمانی سێ‌ شوێن داخران

خەڵك- بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت، لەبەر نەبونی مەرجەكانی تەندروستی و نەبونی مۆڵەت تەنها لە ماوەی یەك ڕۆژدا (۳) شوێن داخران.

بەڕێوەبەرایەتی چاودێری تەندروستی سلێمانی لە ڕاگەیەندراوێكدا، كە وێنەی دراوە بە (خەڵك) ئاماژەی بەوەكردووە، لەبەر نەبونی مەرجەكانی تەندروستی و نەبونی مۆڵەتنامەی تەندروستی و هەبوونی مەوادی ماوە بەسەرچوو لەكاتی سەردانی تیمەكانی چاودێری تەندروستی سلێمانی بڕیار درا بە داخستنی سێ‌ شوێن لە سنوری گەڕەكەكانی سلێمانی شوێنەكان.

ئاشكراشی كردووە، نانەواخانەیەك لەگەڕەكی شۆڕش سەروو نەخۆشخانەی شۆڕش و نزیك مزگەوتی نزا داخراوە لەگەڵ ماركێتێك و نانەواخانەیەك لە گەڕەكی ئیبراهیم ئەحمەد لە نزیك مزگەوتی بەهەشت.

جەختیشی كردۆتەوە، كە ئەو شوێنانە ئاگاداركراونەتەوە تاكو مەرجە تەندروستیەكان جێبەجێ نەكەن شوێنەكەیان بۆناكرێتەوە .

بەردەوام بە لە خوێندنەوە

ئابوری

سێ‌ مادەی بەشەخۆراك دابەشدەكرێت
لەسەر قەرەبووكردنەوەی بەشەخۆراكی فەوتاو ڕوونكردنەوە دەدرێت

خەڵك – بەشی هەواڵ
بەڕێوەبەری كۆمپانیای دابەشكردنی خۆراك لە سلێمانی ڕایدەگەیەنێت، بەردەوامن لە دابەشكردنی بەشەخۆراكی هاووڵاتیان بۆ مانگی ئایار و دەشڵێت: “بۆ مانگی حەوت-یش پسوڵەی وەرگرتنمان بۆ كراوە و چاوەڕێی هاتنی بەشەخۆراكی ئەو مانگەش دەكەین”.

شەوكەت محەمەد، بەڕێوەبەری كۆمپانیای دابەشكردنی خۆراك لە سلێمانی بە (خەڵك)ی ڕاگەیاند، لە ئێستادا دابەشكردنی بەشەخۆراك لە ناو سلێمانی تەواو بووە، بەڵام دابەشكردن لە دەرەوەی شار دەستی پێكردووە و لە كۆتاییەكان نزیك بۆتەوە.

وتیشی، “لە ئێستادا هەرسێ بەشەخۆراكی زەیت و شەكر و برنجی مانگی پێنجی ئەمساڵ دابەشدەكرێت و ناوچەی شارەزوور تەواوبووە و دەستمان كردووە بە ئیدارەی ڕاپەڕین، ڕۆژانە دابەشكردنمان بۆ ئەو ناوچانە هەیە”.

ڕاشیگەیاند، بۆ مانگی شەش هیچ بەشەخۆراكێكی تێدا نیە و بۆ مانگی حەوت-یش پسوڵەمان لە بەغداوە بۆ كراوە و چاوەڕێی هاتنی بەشی سلێمانی دەكەین و هەر بە گەیشتنی ئەویش دابەشدەكرێت.

لە بارەی قەرەبووی خۆراكی فەوتاوی هاووڵاتیان بەڕێوەبەری كۆمپانیای دابەشكردنی خۆراك ئاشكراشیكرد، لە ئێستادا هیچ باسێك نیە و هیچ نووسراوێكمان بەدەست نەگەیشتووە، چاوەڕێ دەرچوونی ڕێنمایی دەكەین لە بەغداوە بێت بۆمان تا كاری لەسەر بكەین.

بەردەوام بە لە خوێندنەوە

کوردستان