ئێمە لە تۆرە کۆمەڵایەتیەکان

ئابوری

ڕێباز حەملان ڕوونكردنەوەیەك دەربارەی فەرمانبەران بڵاودەكاتەوە

خەڵك- بەشی هەواڵ
وەزیری دارایی و ئابووری حكومەتی هەرێم ڕوونكردنەوەیەك سەبارەت بە نووسراوەكەی سەرۆكایەتی ئەنجومەنی وەزیران بۆ لادان و دانانی 100 فەرمانبەری گرێبەست بڵاودەكاتەوە و ڕایدەگەیەنێت، بەرێوەبەرایەتی شارەوانی ڕاپەرین تازە كراوەتەوە و گواستنەوەی میلاكیان بۆ ئەنجام دراوە.

نووسینگەی ڕێباز حەملان، وەزیری دارایی و ئابوووری هەرێم لە ڕوونكردنەوەكەدا، كە وێنەی دراوە بە (خەڵك) ئاماژەی بەوەكردووە، دامەزراندن و دانانی فەرمانبەری گرێبەست لە شوێنی فەرمانبەری گرێبەست، كە واز دێنێت بەمەبەستی پڕكردنەوەی شوێنیان، لە جیاتی دانانیان بۆ دەكرێت بەپێی ڕێنماییەكان لەدەسەڵاتی سەرۆكایەتی ئەنجومەنی وەزیرانە بەپێی پێویست و داواكاری فەرمانگەكان.

ئاماژەی بەوەشكردووە، لەبەر ئەوەی بەرێوەبەرایەتی شارەوانی ڕاپەرین تازە كراوەتەوە (استحداپ) كراوە و جیا كراوەتەوە لە بەڕێوەبەرایەتی شارەوانیەكانی سلێمانی، بۆیە گواستنەوەی میلاكیان بۆ ئەنجام دراوە.

ڕوونكردنەوەیەك له ڕاگەیاندنی نووسینگەی وەزیری دارایی وئابووری

دەربارەی بڵاوبوونەوەی نوسراوێكی سەرۆكایەتی ئەنجومەنی وەزیران ژمار (6800)لە 19/12/2018، تایبەتە بەلادان و دانانی (100) فەرمانبەری گرێبەست لە بەرێوەبەرایەتی شارەوانیەكانی ڕاپەرین بە پێویستمان زانی ئەم ڕوونكردنەوەیە ڕابگەیەنین:
1- دامەزراندن و دانانی فەرمانبەری گرێبەست لە شوێنی فەرمانبەری گرێبەست، كە واز دێنێت بەمەبەستی پركردنەوەی شوێنیان، لە جیاتی دانانیان بۆ دەكرێت بەپێی ڕێنماییەكان لەدەسەڵاتی سەرۆكایەتی ئەنجومەنی وەزیرانە بەپێی پێویست و داواكاری فەرمانگەكان.
2- رۆژانە چەندەها نوسراوی هاوشێوە ئەنجام دەدرێت بۆ سەرجەم وەزارەتەكان و فەرمانگەكان بەپێی ڕەزامەندی سەرۆكایەتی ئەنجومەنی وەزیران جێبەجێ دەكرێت لەلایان وەزارەتمان.
3- هیچ جۆرە لادانێكی نایاسایی لەو نووسراوەدا بەدی ناكەین.
4- لەبەر ئەوەی بەرێوەبەرایەتی شارەوانی ڕاپەرین تازە كراوەتەوە (استحداپ) كراوە و جیا كراوەتەوە لە بەرێوەبەرایەتی شارەوانیەكانی سلێمانی بۆیە گواستنەوەی میلاكیان بۆ ئەنجام دراوە.

ڕاگەیاندنی نووسینگەی وەزیری دارایی وئابووری
10/2/2019

ئابوری

ھۆشداری دەدرێت لەداخستنی گەرووی ھورمز

خەڵك – بەشی هەواڵ

وەزیری نەوتی عیراق ھۆشداریدا بەھۆی ناكۆكییەكانی نێوان ئەمریكا و ئێران، گەرووی ھورمز دابخرێت.

سامر غەزبان وەزیری نەوتی عیراق ڕایگەیاند، وەزارەتی نەوت لە ئێستاوە ڕێوشوێنی پێویستی لەبارەی دابینكردنی سووتەمەنی پێویست بۆ وێستگەكانی كارەبا لە وەرزی ھاویندا گرتووەتەبەر و بەروارد بە ساڵی ڕابردوو زۆربەی كێشەكان چارەسەر دەكرێن.

وەزیری نەوتی عیراق وتیشی، داخستنی گەرووی ھورمز بەھۆی ناكۆكییەكانی نێوان ئەمریكا و ئێرانەوە كاریگەری لەسەر عیراق و وڵاتانی ھەناردەكردنی نەوت لەناوچەكە دەبێت.

پێشتر، سامر غەزبان ڕایگەیاندبوو، وەزارەتەكەی بەنیازە ڕێوشوێنی پێویست لەكاتی ڕوودانی ھەر پێشھاتێكی چاوەڕواننەكراو بەھۆی ناكۆكییەكانی نێوان واشنتۆن و تاران لەناوچەكەدا بگرێتەبەر.

بەردەوام بە لە خوێندنەوە

ئابوری

هەوڵدەدرێت مووچەی خانەنشینی زیادبكرێت

خەڵك – بەشی هەواڵ

ژمارەیەك لە ئەندامانی ئەنجومەنی نوێنەرانی عیراق لە هەوڵدان مووچەی خانەنشینی لە عیراق زیاد بكرێت.

سامر زیبان ئەندامی لیژنەی دارایی ئەنجومەنی نوێنەرانی عیراق لە لێدوانێكی ڕۆژنامەوانیدا ڕایگەیاند، لیژنەی خزمەتگوزارییەكانی ئەنجومەنی نوێنەران لەهەوڵدایە بۆ دۆزینەوەی شێوازێك بۆ زیادكردنی مووچەی خانەنشینان، چونكە ئەو توێژەی كۆمەڵگە زوڵمێكی زۆریان بەرامبەر كراوە.

ئەو ئەندامەی لیژنەی دارایی ئەنجومەنی نوێنەرانی عیراق ئاماژەی بەوەشدا، جیاوازییەكی زۆر لە مووچەی خانەنشینان هەیە بەتایبەت خانەنشینانی سوپای پێشوو.

سامر زیبان جەختیشیكردەوە، لیژنەكە كاردەكات بۆ زیادكردنی مووچەی خانەنشینان لەماوەی چەند مانگی داهاتوودا.

بەردەوام بە لە خوێندنەوە

ئابوری

لەئەگەری ڕوودانی جەنگ، عیراق شوێنی بۆ هەناردەكردنی نەوت دۆزیوەتەوە

خەڵك – بەشی هەواڵ

بەڕێوەبەری كۆمپانیای نەوتی بەسڕە ئاشكرایدەكات، لەكاتێكدا جەنگ لەنێوان ئەمریكا و ئێران ڕووبدات عیراق جێگرەوەی بۆ هەناردەكردنی نەوتی وڵاتەكەی دۆزیوەتەوە.

ئیحسان عەبدولجەبار بەڕێوەبەری كۆمپانیای نەوتی بەسڕە رایگەیاندووە، بەرهەمهێنانی نەوتی ڕۆژئاوای قوڕنەی یەك بۆ 500 هەزار بەرمیلی ڕۆژانە بەرزبووەتەوە، ئەوەش دوای ئەوەدێت كە كارمەندانی كۆمپانیای ئیكسۆن مۆبیل لەو كێلگەیە كشانەوە و بە هاوكاری كارمەندانی ناوخۆیی چەند یەكەیەكی نوێ، بەرهەمهێنان بۆ ئەو كێڵگەیە زیادكرا.

بەڕێوەبەری كۆمپانیای نەوتی بەسڕە ئاماژەی بەوەشكرد، فەرماندەیی پۆلیسی نەوتی پارێزگای بەسڕە، جێگرەوەی بۆ هەناردەكردنی نەوت دۆزیووەتەوە، ئەگەر بێتو جەنگ لە نێوان ئەمریكا و ئێران ڕووبدات (بێ ئەوەی شوێنەكەی ئاشكرابكات)، جێگرەوەكەش بە هەماهەننگی وەزارەتی نەوتی عیراق بووە و دەتوانرێت بۆ چەند مانگێك كاری لەسەر بكرێت، چونكە هەناردەكردنی نەوت تاكە سەرچاوەی ئابووری عیراقە.

ئیحسان عەبدولجەبار ئەوەشی خستەڕوو، عیراق توانای تەواوی هەیە بۆ ئەوەی بڕێكی زۆر نەوت هەناردە بكات، بەڵام بەهۆی ڕێككەوتنی وڵاتانی هەناردەكاری نەوت (ئۆپیك)ەوە ئاستی هەناردەكردنی كەمكردووەتەوە.

بەردەوام بە لە خوێندنەوە

کوردستان