ئێمە لە تۆرە کۆمەڵایەتیەکان

عێراق

“تەواوی ئاوارەكان دەگەڕێنەوە”
ئۆردوگایەكی ئاوارەكان لە كەركوك دادەخرێت

خەڵك- بەشی هەواڵ
وەزارەتی كۆچ و كۆچبەران، گەڕانەوەی 402 ئاوارە لە ئۆردوگای نزراوای سەر بە ناحیەی لەیلان لە پارێزگای كەركوك بۆ ناوچەكانی خۆیان كە لە قەزای حەویجە لە چنگی رێكخراوی داعش رزگاركراون، رادەگەیەنێت.

ئەمڕۆ شەممە، ستار نەورۆز، بەڕێوەبەری گشتی فەرمانگەی كاروباری لقەكان لە وەزارەتی كۆچ و كۆچبەران، لە بەیاننامەیەكدا رایگەیاندووە”تیمی كاری وەزارەتەكەیان لە كەركوك، لەڕێی ئەو پاسانەی لەلایەن وەزارەتەوە ئامادەكراون بە هەماهەنگی لەگەڵ وەزارەتی گواستنەوە، ئاوارەكانی ئۆردوگای نزراوای بۆ ناوچەكانی خۆیان لە قەزای حەویجە گواستۆتەوە، وێڕای دابەشكردنی یارمەتییە خۆراكییەكان بەسەریاندا”.

بە وتەی ستار نەورۆز”ئەوانەی گەڕاونەتەوە، دوایین ئەو خێزانانە بوون كە لە ئۆردوگای نزراوا مابوونەوە و لە دوای گەڕانەوەشیان ئۆردوگاكە دادەخرێت”.

بە وتەی ئەو بەرپرسەی وەزارەتی كۆچ و كۆچبەرانی عیراق”لەماوەی رۆژانی داهاتوودا، ئۆردوگاكانی ئاوارەكان لە پارێزگای كەركوك، گەڕانەوەی زۆربەی خێزانە ئاوارەكان بۆ ناوچە رزگاركراوەكان، بەخۆوەدەبینن”.

دوای ئەوەی لەمانگەكانی حوزەیران و ئاب و تشرینی یەكەمی ساڵی 2014، رێكخراوی داعش دەستی بەسەر پارێزگاكانی نەینەوا و سەڵاحەدین و دیالە و ئەنبار و باشووری كەركوكدا گرت، زۆرێك لە دانیشتوانی ئەو ناوچانە ئاوارەی پارێزگاكانی ترى عيراق بوون، لەئێستاشدا لەپاش رزگاركردن و پاككردنەوەی ناوچەكانیان، زۆربەی هەرە زۆری ئەو ئاوارانە دەگەڕێنەوە ناوچەكانیان.

عێراق

داڤۆس.. ترەمپ بەجیا لەگەڵ بەرهەم ساڵح و نێچیرڤان بارزانی كۆدەبێتەوە

خەڵك – بەشی هەواڵ

كۆشكی سپی بەرنامەی كۆبوونەوەكانی سەرۆكی ویلایەتە یەكگرتووەكانی ئەمریكای لە داڤۆس بڵاوكردەوە و بەپێی بەرنامەكە لەگەڵ ژمارەیەك سەرۆك كۆدەبێتەوە لەوانە: سەرۆك كۆماری عیراق و سەرۆكی هەرێمی كوردستان.

ئاژانسی ڕۆیتەرز بڵاویكردەوە، كۆشكی سپی بەرنامەی سەردانەكەی دۆناڵد ترەمپ سەرۆكی ویلایەتە یەكگرتووەكانی ئەمریكای بڵاوكردووەتەوە كە بەجیا لەگەڵ بەرهەم ساڵح سەرۆك كۆماری عیراق، نێچیرڤان بارزانی سەرۆكی هەرێمی كوردستان، سیمۆنێتا سۆماروگا سەرۆكی سویسرا و عیمران خان سەرۆك وەزیرانی پاكستان كۆدەبێتەوە.

پێشتر سەرۆكایەتیی هەرێمی كوردستان ڕاگەیەنراوێكی بڵاوكردەوە و ڕایگەیاند، نێچیرڤان بارزانی سەرۆكی هەرێمی كوردستان بە بانگهێشتێكی فەڕمی بەشداری لە كۆڕبەندی ئابووریی جیهانیی (داڤۆس) دەكات و لەگەڵ دۆناڵد ترەمپ سەرۆكی ئەمریكا و ئەنتۆنیۆ گۆتێرێز، سكرتێری گشتیی نەتەوە یەكگرتووەكان كۆدەبێتەوە.

هاوكات بەپێی بەرنامەی كۆڕبەندەكە، بەرهەم ساڵح سەرۆك كۆماری عیراق ڕۆژی چوارشەممە 22/1/2020 لە كاتژمێر 18:00 وتاری دەبێت و دواتر لەلایەن فەرید زەكەریا، پێشكەشكاری (سی ئێن ئێن) چاوپێكەوتنی تەلەفزیۆنی لەگەڵ سازدەكرێت.

سبەینێ‌ سێشەممە 21/1/2020، كۆڕبەندی ساڵانەی ئابووریی (داڤۆس) لە شارۆچكەی داڤۆس لە ڕۆژهەڵاتی سویسرا دەستپێبكات، لە كۆڕبەندەكە دەیان سەركردە، گەورە بازرگان و چالاكوان بەشداریدەكەن، لەنێویاندا دۆناڵد ترەمپ، سەرۆكی ئەمریكا.

ك.ج

بەردەوام بە لە خوێندنەوە

عێراق

كەنەدا لەبارەی كێشەیەكی مەترسیدارەوە هۆشداری دەداتە عیراق

خەڵك – بەشی هەواڵ

باڵیۆزی كەنەدا لە بەغدا لەبارەی (كێشەیەكی مەترسیدار) هۆشداریداوەتە حكومەتی عیراق.

ئولریك شانۆن باڵیۆزی كەنەدا لە بەغدا لە هەژماری تایبەتی خۆی لە تۆڕی كۆمەڵایەتی تویتەر بڵاویكردووەتەوە، ئەمڕۆ دووشەممە 20/1/2020 لەگەڵ عادل عەبدولمەهدی كۆبووەتەوە.

باڵیۆزی كەنەدا لە بەغدا ئاماژەی بەوەشداوە:”لە كۆبوونەوەكەدا هۆشداریداوەتە حكومەتی عیراق دەربارەی پرسێكی گرنگ كە ناوی بردووە بە (كێشەی مەترسیدار)، كێشەكەش پەیوەندی بەوەوە هەیە كە حكومەتی عیراق تا ئێستا ڤیزا و مۆڵەتی كاركردنی بۆ ڕێكخراوە فریاگوزارییە نێودەوڵەتییەكان لە عیراق نوێ‌ نەكردووەتەوە”.

ئولریك شانۆن ئەوەشیخستووەتەڕوو:”ئەمە كێشەیەكی گەورەو مەترسیدارە، كێشەكەشی لەگەڵ عادل عەبدولمەهدی باسكردووە”.

ڕوونیشیكردووەتەوە:”كەنەدا وڵاتێكی كاریگەرە لەبواری فریاگوزاری مرۆیی لە عیراق، بەرنامەكانیشمان ڕۆڵی بەرچاوی هەبووە، لەگەڵ هاوبەشەكانیشمان بۆ چارەسەركردنی كێشەكە گوشار دەكەین”.

ك.ج

بەردەوام بە لە خوێندنەوە

عێراق

دەیانی تریش برینداربوون
رۆیتەرز: دوو خۆپیشاندەر لە بەغدا كوژران

خەڵك- بەشی هەواڵ
ئاژانسی (رۆیتەز) لە زاری پۆلیسی عیراقییەوە، ئاماژە بە كوژرانی دوو خۆپیشاندەر دەكات لە بەغدا، دوای ئەوەی لەلایەن هێزە ئەمنییەكانەوە گازی فرمێسكڕێژ و دەستڕێژی گوللـەيان لەدژ بەكارهێنرا، سەرچاوەكانی تریش ئاماژە بە برینداربوونی دەیانی تر دەكەن.

ئەمڕۆ دوو شەممە، ئاژانسی (رۆیتەرز) لە زاری پۆلیسی عیراقییەوە بڵاویكردەوە”دوو خۆپیشاندەر لە بەغدا كوژراون كە یەكێكیان گوللـە بەر سەری كەوتووە و ئەوی تر بەهۆی گازی فرمێسكڕێژەوە گیانی لەدەستداوە”.

بەوتەی ئەو سەرچاوەیە”هەردوو خۆپیشاندەرەكە لە نەخۆشخانە بەهۆی سەختی برینەكانیانەوە گیانیان لەدەستداوە”.

هەر لەو چوارچێوەیەدا، شانەی میدیای ئەمنی عیراقی ڕایگەیاندبوو، 14 ئەفسەر بە بەردی هەندێك لەوانەی خۆیان خزاندووەتە نێو خۆپیشاندەران و ئاژاوە دەنێنەوە، برینداربوون.

لە شارەكانی تری باشووری عیراقيش، سەدان خۆپیشاندەر تایەیان لەسەر شەقامەكان سوتاند و ڕێگە سەرەكییەكانیان لە شارەكانی ناسریە و كەربەلا و عەممارە داخست.

خۆپیشاندەران دەڵێت”عادل عەبدولمەهدی سەرۆك وەزیرانی كاربەڕێكەر، بەڵێنەكانی جێبەجێ‌ً نەكردووە، لەوانەش پێكهێنانی حكومەتێكی نوێ‌ كە جێگەی ڕەزامەندی عیراقییەكان بێت”.

پەیوەست بە خۆپیشاندانەكانی ئەمڕۆی عیراق، هێزەكانی پۆلیس لە بەغدا دەڵێن”هێزەكانیان توانیویانە هەموو ئەو ڕێڕەوانە بكەنەوە كە پێشتر لەلایەن خۆپیشاندەرانەوە داخرابوون”.

 

أ.ج

بەردەوام بە لە خوێندنەوە

کوردستان