ئێمە لە تۆرە کۆمەڵایەتیەکان

عێراق

عیراق ناوی ئەو وەزارەت و شوێنانەی بڵاوكردەوە كە مووچەكانیان زیاد ناكات

خەڵك – بەشی هەواڵ

ئەندامێكی خوولی پێشووی ئەنجومەنی نوێنەرانی عیراق ڕایدەگەیەنێت، حكومەتی عیراق جارێكی دیكە بیر لەجێ بەجێكردنی بڕیاری زیادكردنی مووچەی فەرمانبەرانی پلە نزم دەكاتەوە، كە بڕیارەكە لەكاتی خۆی لەسەردەمی حكومەتەكەی نوری مالكی دەرچوو، بەهۆی خراپی دۆخی دارایەوە جێ بەجێ نەكراو.

ئەمین بەكر، سەرۆكی فراكسیۆنی گۆران لە خوولی پێشووی ئەنجومەنی نوێنەرانی عیراق لە هەژماری تایبەتی خۆی ڕایگەیاندووە، حكومەتی عیراق جارێكی دیكە بیر لەجێ بەجێكردنی بڕیاری زیادكردنی مووچەی فەرمانبەرانی پلە نزم واتە لە پلە 10 تا پلە 4 دەكاتەوە، ئەم بڕیارەكاتی خۆی لەسەردەمی حكومەتەكەی نوری مالكی لە 21/3/2013 دەرچوو، بەهۆی خراپی دۆخی دارایەوە جێ بەجێ نەكراوە.

دەشڵێت،” ئەو بڕیارە تەنها بۆ ئەو مووچە خۆرانەیە كەموچەكانیان كەمە و بەڕێژەیەكی تنازلی زیاد دەكات، واتە تا مووچەكەی زۆرتر بێت ڕێژەی زیادكردنەكە كەمتر دەبێتەوە”

ڕاشیگەیاندووە، مووچەخۆرانی ئەو دامەزڕاوەو دەستەو وەزارەتانە ناگرێتەوە كەدەرماڵەی تایبەتیان هەیە، بڕیارەكە بەدەرە لە یاسای مووچەی فەرمانبەرانی دەوڵەت و كەرتی گشتی ژمارە22ی ساڵی 2008، وەكو ئەنجومەنی وەزیران و ئەنجومەنی نوێنەران، سەرۆكایەتی كۆمارو كۆمیسیۆنی باڵای هەڵبژاردنەكان و هەندێك وەزارەت و دەستەو دامەزراوەی دیكە .

عێراق

عیراق.. خانەنشینكردنی لێپرسراوە باڵاكان ٥٣ ملیار دیناری بەهەدەر بردووە

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ئاشكرایدەكات، لە خانەنشینكردنی لێپرسراوە باڵاكانی حكومەتی عیراقدا ٥٣ ملیار دینار بە ھەدەردراوە و دۆسیەكەش ڕەوانەی دەستەی دەستپاكی كراوە.

لیژنەی دارایی ئەنجومەنی نوێنەرانی عیراق لە ڕاگەیەندراوێكدا ئاماژەبەوەدەدات، دوای وردبینی كردنی دۆسیەی خانەنشینی لێپرسراوە باڵاكانی حكومەت، لە بودجەی پێداچوونەوەی ساڵی ٢٠١٩، ئاشكرابووە بڕی (٥٣) ملیار دینار بە ھەدەردراوە.

هەروەك لیژنەكە ئەوەشیخستووەتەڕوو، بەشێك لەو لێپرسراوانەی كە بە مووچەی باڵا خانەنشینكراون، ھیچ بەراییەك لەناو دۆسیەكانیاندا نییە و بەشێكیشیان ناوی وەھمین.

لیژنەی دارایی ئەنجومەنی نوێنەرانی عیراق ئاشكراشیكردووە، پەرلەمانتاران و چەند وەزیرێكی كابینەكانی پێشووی تێدایە و لە ئێستادا بۆ بەدواداچوون و لێكۆڵینەوە دۆسیەكان خراونەتە بەردەست دەستەی دەستپاكی.

بەردەوام بە لە خوێندنەوە

عێراق

12 داعشى لەنێو شاری كەركوكدا دەستگیركران

خەڵك- بەشی هەواڵ
وەزارەتی ناوخۆی حكومەتی فیدراڵ، دەستگیركردنی 12 ئەندامی سەر بە ڕێكخراوی (داعش) لە كەركوك ڕادەگەیەنێت.

وەزارەتی ناوخۆی عیراق، لە بەیاننامەیەكدا ڕایگەیاندووە”كاروباری ناوخۆ و هێزە ئەمنییەكان لە كەركوك، توانیان 12 ئەندامی سەر بە گروپە تیرۆريستییەكانی داعش دەستگیربكەن كە پێشتر بەپێی ماددەی 4ی تیرۆر داواكرابوون”.

هەر لە بەیاننامەكەدا هاتووە”پرۆسەی دەستگیركردنەكە دوای نانەوەی چەند بۆسەیەك بوو لە ناوچە جیاجیاكانی نێو شاری كوركوك”، ئاماژەی بە ڕادەستكردنی دەستگیركراوەكانیش كردووە بە لایەنە پەیوەندیدارەكان، لەپێناو تەواوكردنی ڕێوشوێنە یاساییەكان لە دژیان.

“.

بەردەوام بە لە خوێندنەوە

عێراق

زیاتر لە 30 كەس خۆیان كاندید كردووە
(خەڵك) وادەی هەڵبژاردنی پارێزگاری نوێی نەینەوا ئاشكرا دەكات

خەڵك-بەشی هەواڵ
ئەندامێكی ئەنجومەنی پارێزگای نەینەوا، وادەی هەڵبژاردنی پارێزگاری نوێی نەینەوا ئاشكرا دەكات و دەڵێت، زیاتر لە 30 كەس خۆیان بۆ پۆستەكە كاندید كردووە.

بنیان جەربا، ئەندامی ئەنجومەنی پارێزگای نەینەوا، لە لێدوانێكی تایبەت بە (خەڵك) ڕایگەیاند:”دوابەدوای تەوابوونی پرۆسەی خۆكاندیدكردن، بەپێی مەرجی دیاریكراو، ڕێوشوێنی یاسایی بۆ پەسەندكردنی داواكانی خۆكاندیدكردن دەگیرێتەبەر و پاشان ناوەكان لە دانیشتنێكی ئەنجومەنی پارێزگادا دەخرێنەڕوو بۆ هەڵبژاردنی شیاوترین”.

بە وتەی جەربا:”هەموو هاوڵاتییەك دەتوانێت خۆی بۆ پۆستەكە كاندید بكات، چەندان دۆسێی گرنگیش هەن كە چاوەڕوانی كاندیدەكە دەكەن و دەبێت خۆی بۆ ڕووبەڕبوونەوەی دۆسێی ئاوارەكان و دۆسێی شەهیدان و دۆسێی زیانلێكەوتووەكان، و دۆسێی خزمەتگوزری، و ئاوەدانكردنەوە و دۆسێكانی تر ئامادە بكات”.

ئەو ئەندامەی ئەنجومەنی پارێزگای نەینەوا دەڵێت”دەرگای خۆكاندیدكردن بۆ پۆستی پارێزگاری نوێ‌ لە 2ی ئایاری داهاتوو دادەخرێت، دوای ئەوەش ئەنجومەنی پارێزگا وادەیەك بۆ سازدانی كۆبوونەوەیەك دیاریی دەكات كە لێوەی لەنێوان كاندیدەكاندا، شیاوترین هەڵدەبژێردرێت”.

بەهۆی ڕووداوی نوقمبوونی بەلەمێك لە ڕووباری دیجلە لە 21ی ئاداری ڕابردوو لە دوورگەی گەشتیاری لە شاری موسڵ كە تێیدا زیاتر لە 100 كەس گیانیان لەدەستدا و زۆربەیان ژن و منداڵ بوون، ئەنجومەنی وەزیرانی عیراق بڕیاریدا نەوفل عاكوب پارێزگاری نەینەوا لە پۆستەكەی دووربخاتەوە.

بەردەوام بە لە خوێندنەوە

کوردستان