ئێمە لە تۆرە کۆمەڵایەتیەکان

عێراق

بەدووری دەزانێت كرابێتە ئامانجی سیاسی
پەرلەمانتارێكی وەتەنیە بۆ (خەڵك): موچەكەی ئەیاد عەللاوی دەبڕدرێت

خەڵك- بەشی هەواڵ
پەرلەمانتارێكی هاوپەیمانی وەتەنیە كە لەلایەن ئەیاد عەللاوییەوە سەرۆكایەتی دەكرێت، بەدووری دەزانێت عەللاوی كرابێتە ئامانجی سیاسی سەبارەت بە ئاگاداركردنەوەی لەبارەی ئامادەنەبوونی لە دانیشتنەكانی پەرلەمان و پێیوایە، ئەو رێوشوێنانەی لە دژی سەرۆكی هاوپەیمانییەكەیان دەگیرێنەبەر، ناگەنە ئەوەی لە پەرلەمان دەربكرێت و رەنگە تەنیا لەبەر ژمارەی رۆژەكانی ئامادەنەبوونی، موچەكەی ببڕدرێت.

یەحیا ئەحمەد عیساوی، پەرلەمانتاری هاوپەیمانی وەتەنیە لە لێدوانێكی تایبەت بە (خەڵك) ڕایگەیاند:”بەئامانجگرتنی سیاسی لە ئاگاداركردنەوەی ئەیاد عەللاوی سەرۆكی هاوپەیمانی وەتەنیە لەلایەن محەمەد حەلبوسی سەرۆكی پەرلەمانەوە سەبارەت بە ئامادەنەبوونی لە دانیشتنەكانی پەرلەمان بەدووردەزانین، چونكە پرۆگرامی ناوخۆی پەرلەمان سەبارەت بە ئامادەنەبوون رۆشنە كە پێویستە هۆكارێكی یاسایی بۆ ئامادەنەبوون هەبێت، لە حاڵەتی دووبارەبوونەوەشدا پەرلەمانتارەكە ئاگاداردەكرێتەوە، تا پابەند بێت بە ئامادەبوون لە دانیشتنەكان”.

بە وتەی ئەو پەرلەمانتارەی هاوپەیمانی وەتەنیە”ئەو رێوشوێنانەی لە دژی عەللاوی دەگیرێنەبەر، ناگەنە ئاستی دوورخستنەوەی لە پەرلەمان، رەنگە تەنیا موچەكەی ببڕن بەهۆی ژمارەی رۆژەكانی ئامادەنەبوونی، ئەو رێوشوێنانەش هەموان دەگرێتەوە بەبێ‌ جیاوازیی لەنێوان كوتلە سیاسییەكان و بەبێ‌ جیاكاریی لەنێوان سەرۆك و ئەندامانی كوتلەكان”.

پێشتر محەمەد حەلبوسی، سەرۆكی پەرلەمانی عیراق، ئەیاد عەللاوی سەرۆكی هاوپەیمانی وەتەنیەی سەبارەت بە ئامادەنەبوونی لە دانیشتنەكانی پەرلەماندا بەبێ‌ بوونی هۆكارێكی یاسایی، ئاگاداركردبۆوە.

عێراق

وێنە.. سەرۆك كۆمار: ‌هێزە سیاسییەكان لە ‌بەردەم بەرپرسیاریەتی پابەندبوونن بە ‌دەستور

خەڵك – بەشی هەواڵ

 

نووسینگەی ڕاگەیاندنی سەرۆك كۆمار بڵاویكردەوە، شاندێكی حزبی دوعاتی ئیسلام- ڕێكخراوی عیراق بەسەرۆكایەتی د. خوزەیر خوزاعی سەرۆكی مەكتەبی سیاسی، ئەمڕۆ پێنج شەممە ٢١|٢|٢٠١٩ لە كۆشكی سەلام لە بەغدا سەردانی سەرۆك كۆمار د. (بەرهەم ساڵح)یان كرد.
لەمیانی دیدارەكەدا سەرۆك كۆمار جەختی كردەوە كە ‌هێزە سیاسییەكان لە ‌بەردەم بەرپرسیاریەتی پابەندبوونن بە ‌دەستور بۆ تێپەڕاندانی ناكۆكییەكان و هەنگاونان بەرەوە قۆناغی ئاوەدانكردنەوە و برەودان بە ‌پڕۆسەی گەشەپێدانی ئابووری بەجۆرێك كەببێتە مایەی بەدیهێنانی خواستەكانی گەلی عیراق.
لایخۆیەوە، د. خوزەیر خوزاعی هەوڵەكانی سەرۆك كۆماری بەرز نرخاند لە نزیككردنەوەی دید و بۆچوونی لایەنە سیاسییەكان و پاراستنی دەستكەوتەكان و ئەزموونی دیموكراسی لە عیراقدا.

بەردەوام بە لە خوێندنەوە

عێراق

هاوپەیمانی بنیاتنان: ئەمریكا لە پشت ڕفاندن و پەلامارەكانەوەيە

خەڵك- بەشی هەواڵ
پەرلەمانتارێكی هاوپەیمانی بنیاتنان دەڵێت، ئەمریكا لە پشت ڕفاندن و تیرۆركردنەكانی ئەم چەند ڕۆژەی ڕابردووەوە بووە.

سامر زێبان، پەرلەمانتاری هاوپەیمانی بنیتنان لە پەرلەمانی عیراق، لە لیدوانێكی ڕۆژنامەوانیدا ڕایگەیاندووە”ڕێكەوتنی ستراتیژی لەگەڵ واشنتۆن هەڵوەشاوەتەوە و هیچ بەهایەكی نییە دوای ئەوەی لەكاتی هاتنی گروپە تیرۆریستییەكانی داعش بۆ چەند پارێزگەیەك و گەیشتنی چەكدارانی ڕێكخراوەكە بۆ پشتێنەی بەغدا، هیچ هەڵوێستێكی نەنواند و دەستی لەو گروپە تیرۆریستییانە نەوەشاند كە دەبوو بەپێی ڕێكەوتنەكە بەرگری بكردایە، بەپێچەوانەوە كاریی بۆ یارمەتیدانی ئەو گروپە تیرۆریستیانە كرد لەنێو عیراقدا”.

بە وتەی زێبان، پەرلەمانی عیراق بە گشتی و هاوپەیمانی بەنیاتنان بە تایبەتی، ڕێگە بە باڵێوزخانەی ئەمریكا و هیچ لایەنێكی تر نادەن، دەست لەكاروباری عیراق وەربدەن، داواشی لە حكومەتی عیبنياتناراق و وەزارەتی دەرەوە كرد، هەڵوێستی خۆیان بەرانبەر بە لێدوانەكانی باڵێوزخانەی ئەمریكا بخەنەڕوو.

بۆ وەرگرتنی زانیاریی زیاتر لەو بارەیەوە،  (خەڵك) چەند جارێك پەیوەندی كرد بە سامر زێبان پەرلەمانتاری هاوپەیمانی بنیاتنان لە پەرلەمانی عیراق، بەڵام پەیوەندییەكان بێ‌ وەڵام بوون.

بەردەوام بە لە خوێندنەوە

عێراق

(هەسەدە) 502 چەكداری داعش رادەستی عیراق دەكات

خەڵك- بەشی هەواڵ
سەرچاوەیەكی ئەمنی ڕایگەیاندووە، عیراق وەجبەی تری چەكدارانی داعش كە لە سوریا دەستگیركراون، وەردەگرێتەوە.

ئەمڕۆ پێنج شەممە، سەرچاوەیەكی ئەمنی عیراقی بە ئاژانسی (رۆیتەرز)ی ڕاگەیاندووە”دەسەڵاتدارانی عیراق، وەجبەی تری چەكدارە دەستگیركراوەكانی داعش لە سوریا وەردەگرنەوە”.

بە وتەی سەرچاوەكە كە نەیویستبوو ناوی خۆى ئاشكرا بكات”وەرگرتنەوەی ئەو چەكدارانە، بەپێی ڕێكەوتنێكە لەگەڵ هێزەكانی سوریای دیموكرات (هەسەدە)، تا تەواوی چەكدارە داعشە عیراقییەكان ڕادەست بە عیراق بكرێن كە ژمارەیان 502 كەسە”.

پێشتر هێزەكانی سوریای دیموكرات (هەسەدە)، دەیان چەكداری ڕێكخراوی داعشيان ڕادەستی عیراق كردبوو كە لە شەڕەكانی باغوز و دێرلزور لە خۆرهەڵاتی سوریا بەدیل كەوتووە بەردەستییان.

قەتری عوبەیدی، سەركردە لە حەشدی عەشایەری لە پارێزگای ئەنبار، لە لێدوانێكی ڕۆژنامەوانیدا ڕایگەیاندبوو”فەرماندەی ئۆپەراسیۆنەكانی جەزیرە و فیرقەی حەوتی سوپای عیراق، 151 داعشییان ڕادەستكراوە كە زۆربەیان بەپێی یاسای تیرۆر داواكراون و دانیشتووی پارێزگە جیاجیاكانی عیراقن”.

باغوز گوندێكی سورییە و دەكەوێت سەر سنورەكانی عیراق، لەئێستاشدا بە دوایین شوێنی ژێر دەستی داعش لە ناوچەی دۆڵی فورات دادەنرێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان