ئێمە لە تۆرە کۆمەڵایەتیەکان

جیهانی

(به‌بێ هۆ مێسی ٣٠ خوله‌ک یاریی کرد) کلاسیکۆی ئیسپانیا تایم به‌ تایم و به‌بێ ڕه‌نگ کۆتایی هات !

خه‌ڵک سپۆرت

ئه‌مشه‌و ڕووبه‌ڕوبونه‌وه‌ی چونی قۆناغی نیوه‌ی کۆتایی جامی ئاسیا له‌نێوان یانه‌کانی به‌رشلۆنه‌ و ڕیاڵ مه‌درید به‌ یه‌کسانبون کۆتایی هات.

له‌تایمی یه‌که‌مدا کوڕانی سانتیاگۆ سۆلاری ئاستێکی ناوازه‌یان پێشکه‌ش کرد و به‌پێچه‌وانه‌ی بۆچونه‌کانه‌وه‌ توانیان کۆنترۆڵی زۆرینه‌ی کاته‌کانی ڕووبه‌روبونه‌وه‌که‌ بکه‌ن.

له‌ خوله‌کی شه‌ش لوکاس ڤاسکێز گۆڵی یه‌که‌می یانه‌ی شاهانه‌ی تۆمار کرد و توانیان له‌و تایمه‌دا چه‌ندین هێرشی هه‌ڵگه‌ڕاوه‌ی به‌هێز و هه‌لی گۆڵکردن دروست بکه‌ن، به‌ڵام کارامه‌یی ئه‌ندرێ تێر شتیگنی گۆڵپاریزی بارسا و به‌رگری یانه‌ی ڕکابه‌ر وه‌ڵامده‌ره‌وه‌ی زۆرینه‌ی هه‌له‌کان بوون.

یه‌کێک له‌ خاڵه‌ دژواره‌کان بۆ بارسا ئه‌وه‌بوو مێسی به‌بڕیاری هونه‌ری ئێرنیستۆ ڤاڵڤێردی له‌سه‌ر کورسی یه‌ده‌گ توند کرا، له‌کاتێکدا پێکانی به‌هێزی نییه‌ و ده‌سته‌ی پزیشکی یانه‌که‌ گڵۆپی سه‌وزیان بۆ داگیرساندبوو.

له‌ تایمی دووه‌مدا بارسا به‌هێزه‌وه‌ گه‌ڕایه‌وه‌ و به‌پێچه‌وانه‌ی تایمی یه‌که‌مه‌وه‌ کۆنترۆڵی ورد و درشتی ڕسته‌ تاکتیکی کرد و پۆزیشن له‌به‌رده‌م پێیه‌کانیاندا به‌هێزتر و ڕێژه‌که‌ی به‌رزتر بوو، چه‌ندین هه‌لیان بۆ گۆڵکردن دروست کرد تا ماڵکۆمی به‌رازیلی له‌ خوله‌کی ٥٧ گۆڵی یه‌کسانکردنه‌وه‌ی ئه‌نجامه‌که‌ی تۆمار کرد (١ – ١)، له‌و ساتانه‌شدا هانده‌رانی “کامپ نو” به‌یه‌ک ده‌نگ بانگهێشتی لیۆ مێسی-یان ده‌کرد بۆ نێو یاریگا، ئه‌وه‌ش کاریگه‌ری له‌سه‌ر بڕیاره‌ نادروسته‌که‌ی ڤاڵڤێردی دروست کرد (به‌یه‌ده‌گ کردنی مێسی) و ناچار بوو له‌ کۆتا ٣٠ خوله‌کدا به‌شداری پێبکات.

به‌شداریکردنی لیۆ گۆڕانکاری به‌سه‌ر ڕیتمی یارییه‌که‌دا هێنا و که‌ته‌لۆنیه‌کان توانیان زیاتر له‌ سێ بۆ چوارجار مه‌ترسی ڕاسته‌قینه‌ له‌سه‌ر گۆڵه‌که‌ی کیلۆر ناڤاس دروست بکه‌ن، له‌به‌رامبه‌ردا سۆلاری زنجیره‌یه‌ک ئاڵوگۆڕی کرد و به‌یل وئاسینسیۆی خسته‌ نێو یاریگا، به‌ڵام له‌ ڕووی ئه‌نجامه‌وه‌ ئاڵوگۆڕه‌کان سودێکی ئه‌وتۆیان نه‌بوو و ئه‌نجامه‌که‌ به‌ یه‌کسانبون کۆتایی هات.

به‌پێی ئه‌و ئاسته‌ی هه‌ردوو یانه‌ نیشانیاندا، ئازولگرانا به‌ڕێژه‌یه‌کی زیاتر له‌ڕووی ئاست و کۆنترۆڵه‌وه‌ باشتر بوو، به‌ڵام به‌پێی ورده‌کارییه‌کان ده‌کرێت ئاماژه‌ بۆ ئه‌وه‌ بکه‌ین که‌ ئه‌نجامی نێوانیان دادپه‌روه‌ری پێوه‌ دیاره‌، به‌هۆیه‌وه‌ له‌ یاریی گه‌ڕانه‌وه‌دا له‌ یاریگای سانتیاگۆ بێرنابیۆ هه‌موو شتێک یه‌کلایی ده‌بێته‌وه‌ که‌ بڕیاره‌ ٢٧ی ئه‌م مانگه‌ ئه‌نجام بدرێت.

جیهانی

(ئیسپانیا باڵاده‌سته‌) به‌هێزترین ئه‌و (١٠) بۆنده‌ی له‌ گواستنه‌وه‌کانی هاوینه‌ی ٢٠١٩دا واژو کراون !

خه‌ڵک سپۆرت

له‌ گواستنه‌وه‌کانی هاوینه‌ی ٢٠١٩دا یانه‌کانی ئه‌وروپا جموجحۆڵی به‌هێزیان بۆ پڕکردنه‌وه‌ی که‌لێنی پێکهاته‌کانیان کردووه‌، به‌و هۆیه‌شه‌وه‌ چه‌ندین بۆندی گه‌وره‌ و هه‌ژێنه‌ر واژو کراون.

میریکاتۆی ٢٠١٩ جیاوازیه‌که‌ی له‌وه‌دایه‌ که‌ تا ئه‌م ساته‌ سێ بۆندی به‌ زیاتر له‌ (١٠٠) ملیۆن یورۆ تیادا واژو کراوه‌، ئه‌وه‌ش یه‌که‌مینجاره‌ له‌مێژووی گواستنه‌وه‌کاندا ڕووده‌دات، بگره‌ چاوه‌ڕوانیش ده‌کرێت گواستنه‌وه‌ی پۆل پۆگبا له‌ یانه‌ی مانچسته‌ر یونایتده‌وه‌ به‌ره‌و ڕیاڵ مه‌درید به‌هه‌مان شێوه‌ ئه‌نجام بدرێت، هه‌روه‌ها گه‌ڕانه‌وه‌ی نایمار دا سیلڤا له‌ پاریس سانت جێرمانه‌وه‌ بۆ به‌رشلۆنه‌ ئه‌گه‌رێکی تره‌ و به‌ زیاتر له‌ ١٠٠ ملیۆن ڕووده‌دات.

سه‌یر له‌وه‌دایه‌، له‌م هاوینه‌دا یانه‌کانی ئیسپانیا له‌ڕووه‌کانی فرۆش و کڕینه‌وه‌ باڵاده‌ستیان به‌سه‌ر خوله‌کانی تردا نیشانداوه‌ و زۆرینه‌ی بۆنده‌ گه‌وره‌کان له‌لایه‌ن یانه‌کانی ئیسپانه‌وه‌ به‌جێگه‌یه‌نراون:

  • جواو فیلێکس (به‌نفیکا بۆ ئه‌تله‌تیکۆ مه‌درید): ١٢٦ ملیۆن یورۆ
  • ئه‌نتوان گریزمان (ئه‌تله‌تیکۆ مه‌درید بۆ به‌رشلۆنه‌): ١٢٠ ملیۆن
  • ئیدین هازارد (چێڵسی بۆ ڕیاڵ مه‌درید): ١٠٠ ملیۆن
  • لوکاس هێرناندێز (ئه‌تله‌تیکۆ مه‌درید بۆ بایرن میونشن): ٨٠ ملیۆن
  • فرینکی دی یۆنگ (ئه‌یاکس ئه‌مسته‌ردام بۆ به‌رشلۆنه‌): ٧٥ ملیۆن
  • ڕۆدری (ئه‌تله‌تیکۆ مه‌درید بۆ مانچسته‌ر سیتی): ٧٠ملیۆن
  • لوکا یوڤیچ (ئینتراخت فرانکفۆرت بۆ ڕیاڵ مه‌درید): ٦٠ ملیۆن
  • تانگوی ندۆمبێلی (لیۆن بۆ تۆتنهام): ٦٠ ملیۆن
  • ئارۆن وان بیساکا (کریستاڵ باڵاس بۆ مان یونایتد): ٥٥ ملیۆن
  • ئیدێر میلیتاو (پۆرتۆ بۆ ڕیاڵ مه‌درید): ٥٠ ملیۆن
بەردەوام بە لە خوێندنەوە

جیهانی

(وێنە و ڤیدیۆ) گەیشتنی دی لیخت بۆ ئیتاڵیا و تێپەڕاندنی پشکنینە پزیشکیەکان !

خەڵک سپۆرت

گواستنەوەی ماتیاس دی لیختی هۆڵەندی بەرگریکاری یانەی ئەیاکس ئەمستەردام بۆ یانەی یوڤانتۆس بەفەرمی کۆتایی هات و شەوی ڕابردوو ناوبراو گەیشتە شاری تۆرینۆ.

درەنگانێکی شەوی ڕابردوو گەوهەرە هۆڵەندیە ١٩ ساڵەکە  بە فڕۆکەی تایبەت گەیشتە شاری تۆرینۆ و ئەمڕۆ لە نەخۆشخانەی تایبەتی بیانکۆنێری پشکنینە پزیشکیەکانی ئەنجامدا، بڕیاریشە لە چەند کاتژمێری داهاتوودا بەفەرمی پێشکەشی هاندەرانی یانە ئیتاڵیە ناودارەکە بکرێت.

گواستنەوەی دی لیخت بۆ یوڤانتۆس پاش ململانێیەکی قورسی یانە ئیتاڵیەکە بەرامبەر یانەکانی بەرشلۆنە و لیڤەرپوڵ یەکلایی کرایەوە، کە بەهەمان شێوە داواکاری یاریزانەکە بوون، گواستنەوەکە بەبڕی ٧٥ ملیۆن یورۆ ڕێکەوتنی لەسەر کراوە و یاریزانەکە ساڵانە موچەی ١٢ ملیۆن یورۆ بەدەست دەهێنێت.

 

بەردەوام بە لە خوێندنەوە

جیهانی

یونایتد ماگوایه‌ری یه‌کلایی کردۆته‌وه‌ و ئاماده‌کاری بۆ دووه‌م گه‌وره‌ بۆندی هاوینه‌ ده‌که‌ن !

خه‌ڵک سپۆرت

سه‌رۆکایه‌تی یانه‌ی مانچسته‌ر یونایتد له‌سه‌ر ڕاسپارده‌ی ئۆلی گۆنار سۆڵشایه‌ری ڕاهێنه‌ری یانه،‌ ده‌ستیان به‌ هه‌وڵه‌کانیان بۆ گواستنه‌وه‌ی ئه‌ستێره‌یه‌کی پورتوگالی کردووه‌.

ڕۆژنامه‌ی “ده‌یلی مه‌یڵ”ی به‌ریتانی پاڵپشت به‌زانیاریه‌کانی ڕۆژنامه‌ی “ئه‌بۆلا”ی پورتوگالی ئاشکرای کردووه‌، نوێنه‌رانی یونایتد توانیویانه‌ گواستنه‌وه‌ی هاری ماگوایه‌ری به‌رگریکار له‌ یانه‌ی لیسته‌ر سیتیه‌وه‌ به‌بڕی ٨٠ ملیۆن یورۆ یه‌کلایی بکه‌نه‌وه‌، به‌م هه‌نگاوه‌ش گره‌ویان له‌ یانه‌ی مانچسته‌ر سیتی بردۆته‌وه‌ که‌ ‌به‌هه‌مان شێوه‌ داواکاری به‌رگریکاره‌ ئینگلیزیه‌که‌ بوون.

به‌پێی سه‌رچاوه‌کان، نوێنه‌رانی یونایتد له‌ پورتوگال له‌چه‌ند ڕۆژی داهاتوودا ده‌ست به‌ گفتوگۆکردن بۆ گواستنه‌وه‌ی برونۆ فێرناندێزی ئه‌ستێره‌ی یانه‌ی سپۆرتینگ لشبۆنه‌ و هه‌ڵبژارده‌ی پورتوگال ده‌که‌ن، وه‌ک ده‌ستپێک ئۆفه‌رێک به‌بڕی ٥٠ ملیۆن یورۆ پێشکه‌ش ده‌که‌ن.

“ده‌یلی مه‌یڵ” ئاماژه‌ی کردووه‌، ئیمزاکردنی بۆند له‌گه‌ڵ فێرناندێز له‌سه‌ر ڕاسپارده‌ی سۆڵشایه‌ر ئه‌نجام ده‌درێت و په‌یوه‌ندی به‌ به‌رده‌وامبون و ڕۆیشتنی پۆل پۆگبای فه‌ره‌نسیه‌وه‌ نییه‌، به‌ڵکو ئه‌گه‌ر ناوه‌ندسازه‌ فه‌ره‌نسیه‌که‌ش به‌رده‌وامبێت بۆندی یاریزانه‌ پورتوگالیه‌که‌ ئیمزا ده‌کرێت.

فێرناندێزی ته‌مه‌ن ٢٤ ساڵ نۆڤارا و ئودینێزی و سامپدۆریا و سپۆرتینگ لشبۆنه‌ یاریی کردووه‌، یه‌کێکه‌ له‌ یاریزانه‌ کاریگه‌ره‌کانی هه‌ڵبژارده‌ی پورتوگال و له‌پێگه‌ی ناوه‌ندی هێرشبه‌ریدا یاریی ده‌کات.

بەردەوام بە لە خوێندنەوە

کوردستان