ئێمە لە تۆرە کۆمەڵایەتیەکان

عێراق

“ڕێكخستنەوەی كاری ڕاستەقینەی دەوێت”
محەمەد كەربولی بۆ (خەڵك) باس لە دامەزراوەی سەربازی عیراق دەكات

خەڵك- بەشی هەواڵ
ئەندامێكی لیژنەی ئاسایش و بەرگری لە پەرلەمانی عیراق، پێیوایە بنیاتنانەوەی دامەزراوەی سەربازی لە عیراق، پێویستی بە هەنگاوی ڕێكخراو و كاری دانەبڕاوە هەیە.

محەمەد كەربولی، ئەندامی لیژنەی ئاسایش و بەرگری لە پەرلەمانی عیراق لە لێدوانێكی تایبەتدا بۆ (خەڵك) ڕایگەیاند، “بنیاتنانی دامەزراوەی سەربازی عیراق، پێویستی بە هەنگاوی ڕێكخراو و كاری ڕاستەقینەیە، تا بتوانرێت سوپا و دامەزراوەیەكی هاوشێوەی وڵاتە پەرەسەندووەكان دروست بكرێت”.

بە وتەی كەربولی، “پێویستە پشت بە ڕێكارە سەربازی و یاساییەكان ببەسترێت لە دەستنیشان كردنی كەسەكان و دانانیان لە پۆست و پێگە سەربازییەكان و دەبێت لەو كارەدا مەحسوبیەت و پەیوەندییە تایبەتییەكان وەلابخرێن”.

ئەو ئەندامەی لیژنەی ئاسایش و بەرگری پەرلەمانی عیراق دەڵێت: “ناكرێت جگە لەوانەی كۆلێژی سەربازییان تەواو كردووە یان ئەزموونی گەورەیان هەیە لە بەرگری كردن لە نیشتمان لە پۆستە سەربازییەكاندا دابنرێن”، داواشی كرد، كاری ڕاستەقینە لەپێناو دامەزراندن و بنیاتنانی دامەزراوەیەكی سەربازی ڕەسەن لە عیراقدا بكرێت.

محەمەد كەربولی لە درێژەی قسەكانیدا بۆ (خەڵك) وتی، “ئەوان وەك لایەنی چاودێری لە پەرلەمان، بۆشایی و كەلێنەكان دیاری دەكەن و عادل عەبدولمەهدی، سەرۆكی دەسەڵاتی ڕاپەڕاندنی لێ ئاگادار دەكەنەوە، هیواداریشین پێشنیار و داواكارییەكامیان ڕەچاو بكرێت، بە تایبەت لە بواری دامەزراوەی سەربازیدا، كە بە بوارێكی گرنگ و كاریگەر بۆ ئاسایش و سەقامگیری وڵات دادەنرێت”.

عێراق

عیراق ئیدانەی پەلامارەكەی هەولێر دەكات

خەڵك – بەشی هەواڵ

وەزارەتی دەرەوەی عیراق ئیدانەی ئەو پەلامارە دەكات كە كرایە سەر دیپلۆماتكارانی كونسوڵخانەی توركیا لە هەولێر.

ئەحمەد سەحاف وتەبێژی وەزارەتی دەرەوەی عیراق لە ڕاگەیەندراوێكدا ئەوەیخستەڕوو، ئیدانەی ئەو پەلامارە دەكەن كە كرایە سەر دیپلۆماتكارانی كونسوڵخانەی توركیا لە هەولێر.

ئەحمەد سەحاف ئاماژەی بەوەشدا، لە پەیوەندیدان لەگەڵ لایەنە پەیوەندیدارەكان بە ئامانجی بەدەستهێنانی وردەكاری و زانیاری زیاتر لەبارەی ڕووداوەكەوە.

جێی ئاماژەیە، ئەمڕۆ چوارشەممە 17/7/2019 لە چێشتخانەی (هۆك باز)ی نزیك ئێمپایەر لە شاری هەولێر پەلاماری ژمارەیەك لە كارمەندانی كونسوڵخانەی توركیا درا و تێیدا جێگری كونسوڵی توركیا و كارمەندێك كوژرا و كەسێكی تریش برینداربوو.

بەردەوام بە لە خوێندنەوە

عێراق

ئەمریكا پەلامارەكەی هەولێر ئیدانە دەكات

خەڵك – بەشی هەواڵ

نێردەی ویلایەتە یەكگرتووەكانی ئەمریكا لە بەغدا پەلامارەكەی سەر كارمەندانی كونسوڵخانەی توركيا لە هەولێر ئیدانە دەكات.

باڵیۆزخانەی ئەمریكا لە بەغدا لە هەژماری فەڕمی خۆی لە تۆڕی كۆمەڵایەتی فەیسبوك بڵاویكردەوە، بەهۆی ئەو پەلامارە قێزەونەی كرایە سەر كارمەندانی كونسوڵخانەی توركیا لە هەولێر هاوخەمی خۆمان بۆ نێردەی دیپلۆماتیی توركیا ڕادەگەیەنین.

باڵیۆزخانەی ئەمریكا لە بەغدا ئەوەشی خستووەتەڕوو، پشتیوانی خۆمان بۆ پاراستنی سەلامەتیی دیپلۆماتكارە بیانییەكان و نێردە دیپلۆماتییەكان لە عیراق دووپاتدەكەینەوە.

بەردەوام بە لە خوێندنەوە

عێراق

ڕاگەیەندراوێك لەبارەی موچەی خانەنشینكراوەكان بڵاوكرایەوە

خەڵك- بەشی هەواڵ

دەستەی خانەنشینی نیشتیمانی عیراق لە ڕاگەیەندراوێكدا وەڵامی ئەو دەنگۆیانەی دایەوە، كە لە تۆڕە كۆمەڵایەتییەكان و چەند مێدیایەكدا بڵاوكراونەتەوە.

دەستەكە لە ڕاگەیەندراوەكە ڕەتیكردووەتەوە، ئەو لیستە بكرێت بە بنەمای موچەی خانەنشینكراوەكان و نوسیویەتی”ئەو هەواڵانەی لەو بارەوە بڵاوكراونەتەوە دوورن لە ڕاستییەوە”.

 

بەردەوام بە لە خوێندنەوە

کوردستان