ئێمە لە تۆرە کۆمەڵایەتیەکان

عێراق

فەتح و سائیرون كۆبوونەوە
سیهام موسەوی بۆ (خەڵك): نابێت هێڵی سور لەسەر كەسێك دابنرێت

خەڵك- بەشی هەواڵ
بۆ مەبەستی تاوتوێكردنی پەرەسەندنی ڕەوشی وڵات و پرسی تەواوكردنی كابینە وەزارییەكە و چەند پرسێكی تر، هەردوو هاوپەیمانی فەتح و سائیرون لە بەغدا كۆبوونەوە.

لەبارەی ئەو كۆبوونەوەیە، سیهام موسەوی، پەرلەمانتاری هاوپەیمانی (فەتح) بە (خەڵك)ی ڕاگەیاند، “ئەمڕۆ هاوپەیمانی سائیرون و هاوپەیمانی فەتح بە سەرۆكایەتی هادی عامری لە بارەگای ڕێكخراوی بەدر لە بەغداد كۆبوونەوە بۆ مەبەستی لێكنزیككردنەوەی ڕاوبۆچوونەكان”، جەختیشی كردەوە، ئەوان وەك فەتح، پشتیوانی لە هەموو پێكهاتنێك دەكەن لەپێناو تێپەڕاندنی ناكۆكییەكان و تەواوكردنی كابینەی وەزاری”.

بە وتەی موسەوی، “لەگەڵ پرسی تەواوكردنی كابینەی وەزاری، هەوڵی لێكنزیكبوونەوە دەدەن لە پەرلەمان لەپێناو داڕشتنی یاسا گرنگەكان و چارەسەركردنی دۆسێكانی تری وەك دۆسێی گەندەڵی و بنیاتنانی دەوڵەت و دۆسێی پێشكەشكردنی خزمەتگوزارییەكان بە كۆمەڵگەی عیراقی، بەو پێیەی لەئێستا شەقام ڕازیی نییە بەرانبەر بە ئەدا و كاركردنی حكومەتەكانی پێشوو و هەموو وەزارەتەكانی حكومەت”، بەپێویسیشی زانی هەنگاوی ڕاستەقینە بەرەو چارەسەكردنی ئەو كێشانە هەڵبنرێت و عیراق بەرەو ڕۆخی ئارامی ببرێت.

پەرلەمانتارەكەی هاوپەیمانی فەتح دەڵێت: “دۆخی ئێستای وڵات بەرگەی هیچ ناكۆكییەك ناگرێت و لەئێستاشدا ئێمە لەسەر ڕێڕەوی تێپەڕاندنی ئەو ناكۆكیانەین و هەنگاو بەرەو پێشەوە هەڵدەنێین”.

سەبارەت بە ئامانجی كۆبوونەوەكەی ئەمڕۆی نێوان فەتح و سائیرون، سیهام موسەوی وتی، “یەكەم ئامانج لێی نزیككردنەوەی ڕاوبۆچوونەكان و دروستكردنی لیژنەی هاوبەشە لەنێوان فراكسیۆنەكانی بنیاتنان و چاكسازی، لەپێناو چارەسەكردنی ئەو دۆسێیانەی سەبارەت بە پێكهێنانی حكومەت و دەستە سەربەخۆكان و پلە تایبەتەكان و ڕووداوەكانی شەقام، ناكۆییان لەسەرە”.

لەبارەی سوربوونی هاوپەیمانی فەتح-یش لەسەر تاكە كاندیدێك بۆ وەزارەتی ناوخۆ، كە لەمپەری سەرەكی بەردەم تەواوكردنی كابینە وەزارییەكەیە، موسەوی وتی، “هاوپەیمانی فەتح و هیچ هاوپەیمانییەك، نابێت لەپێناو بەرژەوەندی كەسێكدا بەرژەوەندی گشتی و بەرژەوەندی وڵات وەلابنێت، ئەوەی ئێمە مەبەستمانە ئەوەیە، كە نابێت لایەنێك خواست و ئیرادەی خۆی بەسەر لایەنێكی تردا بسەپێنێت و پەرلەمان بكرێتە یەكلاكەرەوە وەك لەپێشوودا ڕوویداوە، بەو پێیەی هەندێك لە وەزیرەكان تێپەڕێنراون و هەندێكیشیان تێنەپەڕێنراون و دەنگی پێویستییان نەهێناوە”.

پەرلەمانتارەكەی هاوپەیمانی فەتح، پێیوایە، “ئێمە لەگەڵ ئەو ئاڕاستەیەداین، كە نابێت هێڵی سور لەسەر كەسێك دابنرێت لەپێناو شكاندنی ئیرادەی لایەنێكی تر، پێویستە بەرژەوەندی وڵات لەسەروو هەموو بەرژەوەندییەكان بێت و كارامەیی و لێوەشاوەیی بكرێتە پێوەر، لەئێستاشدا ئێمە ڕەتیدەكەینەوە لەسەر حسابی بەرژەوەندی گشتی، پێداگری لەسەر كەسێتییەك بكەینەوە و سوربین لەسەری”.

ئابوری

ھۆشداری دەدرێت لەداخستنی گەرووی ھورمز

خەڵك – بەشی هەواڵ

وەزیری نەوتی عیراق ھۆشداریدا بەھۆی ناكۆكییەكانی نێوان ئەمریكا و ئێران، گەرووی ھورمز دابخرێت.

سامر غەزبان وەزیری نەوتی عیراق ڕایگەیاند، وەزارەتی نەوت لە ئێستاوە ڕێوشوێنی پێویستی لەبارەی دابینكردنی سووتەمەنی پێویست بۆ وێستگەكانی كارەبا لە وەرزی ھاویندا گرتووەتەبەر و بەروارد بە ساڵی ڕابردوو زۆربەی كێشەكان چارەسەر دەكرێن.

وەزیری نەوتی عیراق وتیشی، داخستنی گەرووی ھورمز بەھۆی ناكۆكییەكانی نێوان ئەمریكا و ئێرانەوە كاریگەری لەسەر عیراق و وڵاتانی ھەناردەكردنی نەوت لەناوچەكە دەبێت.

پێشتر، سامر غەزبان ڕایگەیاندبوو، وەزارەتەكەی بەنیازە ڕێوشوێنی پێویست لەكاتی ڕوودانی ھەر پێشھاتێكی چاوەڕواننەكراو بەھۆی ناكۆكییەكانی نێوان واشنتۆن و تاران لەناوچەكەدا بگرێتەبەر.

بەردەوام بە لە خوێندنەوە

ئابوری

هەوڵدەدرێت مووچەی خانەنشینی زیادبكرێت

خەڵك – بەشی هەواڵ

ژمارەیەك لە ئەندامانی ئەنجومەنی نوێنەرانی عیراق لە هەوڵدان مووچەی خانەنشینی لە عیراق زیاد بكرێت.

سامر زیبان ئەندامی لیژنەی دارایی ئەنجومەنی نوێنەرانی عیراق لە لێدوانێكی ڕۆژنامەوانیدا ڕایگەیاند، لیژنەی خزمەتگوزارییەكانی ئەنجومەنی نوێنەران لەهەوڵدایە بۆ دۆزینەوەی شێوازێك بۆ زیادكردنی مووچەی خانەنشینان، چونكە ئەو توێژەی كۆمەڵگە زوڵمێكی زۆریان بەرامبەر كراوە.

ئەو ئەندامەی لیژنەی دارایی ئەنجومەنی نوێنەرانی عیراق ئاماژەی بەوەشدا، جیاوازییەكی زۆر لە مووچەی خانەنشینان هەیە بەتایبەت خانەنشینانی سوپای پێشوو.

سامر زیبان جەختیشیكردەوە، لیژنەكە كاردەكات بۆ زیادكردنی مووچەی خانەنشینان لەماوەی چەند مانگی داهاتوودا.

بەردەوام بە لە خوێندنەوە

ئابوری

لەئەگەری ڕوودانی جەنگ، عیراق شوێنی بۆ هەناردەكردنی نەوت دۆزیوەتەوە

خەڵك – بەشی هەواڵ

بەڕێوەبەری كۆمپانیای نەوتی بەسڕە ئاشكرایدەكات، لەكاتێكدا جەنگ لەنێوان ئەمریكا و ئێران ڕووبدات عیراق جێگرەوەی بۆ هەناردەكردنی نەوتی وڵاتەكەی دۆزیوەتەوە.

ئیحسان عەبدولجەبار بەڕێوەبەری كۆمپانیای نەوتی بەسڕە رایگەیاندووە، بەرهەمهێنانی نەوتی ڕۆژئاوای قوڕنەی یەك بۆ 500 هەزار بەرمیلی ڕۆژانە بەرزبووەتەوە، ئەوەش دوای ئەوەدێت كە كارمەندانی كۆمپانیای ئیكسۆن مۆبیل لەو كێلگەیە كشانەوە و بە هاوكاری كارمەندانی ناوخۆیی چەند یەكەیەكی نوێ، بەرهەمهێنان بۆ ئەو كێڵگەیە زیادكرا.

بەڕێوەبەری كۆمپانیای نەوتی بەسڕە ئاماژەی بەوەشكرد، فەرماندەیی پۆلیسی نەوتی پارێزگای بەسڕە، جێگرەوەی بۆ هەناردەكردنی نەوت دۆزیووەتەوە، ئەگەر بێتو جەنگ لە نێوان ئەمریكا و ئێران ڕووبدات (بێ ئەوەی شوێنەكەی ئاشكرابكات)، جێگرەوەكەش بە هەماهەننگی وەزارەتی نەوتی عیراق بووە و دەتوانرێت بۆ چەند مانگێك كاری لەسەر بكرێت، چونكە هەناردەكردنی نەوت تاكە سەرچاوەی ئابووری عیراقە.

ئیحسان عەبدولجەبار ئەوەشی خستەڕوو، عیراق توانای تەواوی هەیە بۆ ئەوەی بڕێكی زۆر نەوت هەناردە بكات، بەڵام بەهۆی ڕێككەوتنی وڵاتانی هەناردەكاری نەوت (ئۆپیك)ەوە ئاستی هەناردەكردنی كەمكردووەتەوە.

بەردەوام بە لە خوێندنەوە

کوردستان