ئێمە لە تۆرە کۆمەڵایەتیەکان

عێراق

مالكی: عیراق نایەوێت ببێتە گۆڕەپانی ململانێی نێودەوڵەتی

خەڵك- بەشی هەواڵ
نوری مالكی، سەرۆكی هاوپەیمانی دەوڵەتی یاسا ڕادەگەیەنێت، عیراق دەیەوێت ببێتە خاڵی پێكگەیشتن نەك بكرێتە گۆڕەپانی ململانێی نێودەوڵەتی.

بەپێەی بەیاننامەیەك، كە لەلایەن نوسینگەی مالكییەوە بڵاوكرایەوە، “سەرۆكی هاوپەیمانی دەوڵەتی یاسا، لە نوسینگەی خۆی پێشوازی لە میخائیل بۆگدانۆڤ، جێگری وەزیری دەرەوە و نێردەی تایبەتی سەرۆكی ڕوسیا بۆ خۆرهەڵاتی ناوەڕاست و شاندی هاوڕێی كردووە”.

بەپێی بەیاننامەكە، “لە چاوپێكەوتنەكەدا دوایین پەرەسەندنی ڕەوشی ئیقلیمی و نێودەوڵەتی، لەگەڵ پتەوكردنی پەیوەندییەكانی دۆستانەی نێوان عیراق و ڕوسیا و فراوانكردنیان لە هەموو بوارەكاندا، تاوتوێ‌ كراون”.

هەر لە بەیاننامەكەدا هاتووە، “مالكی لە چاوپێكەوتنەكەدا ڕایگەیاندووە، كە عیراق خواستی لەسەر زیادكردنی هەماهەنگی دوو قۆڵی نێوان هەردوو وڵات و سوود وەرگرتن لە شارەزایی ڕوسی لە بواری ئاسایش و ئابووریدا هەیە”، ئاماژەی بە هەوڵەكانی عیراق-یش كردووە تا ببێتە ئەڵقەی پێكگەیشتن لەنێوان وڵاتانی ناوچەكە، نەك ببێتە گۆڕپانی ململانێ‌ یان خاڵی ناكۆكی نێوان وڵاتان.

لای خۆیەوە، بۆگدانۆڤ، جەختی لەسەر بایەخدانی ڕوسیا بە پەرەپێدانی پەیوەندییەكانیان لەگەڵ عیراق-دا كردۆتەوە.

عێراق

مەبەست ڤایرۆسی كۆرۆنایە
لەسەر داخستنی سنور لەگەڵ ئیران ڕاگەیەندراوێك بڵاودەكرێتەوە

خەڵك- بەشی هەواڵ
وەزارەتی تەندروستی حكومەتی فیدراڵ، ڕەتیدەكاتەوە داوای داخستنی مەرزە سنورییەكانی كردبێت لەگەڵ ئێران.

بەپێی بەیاننامەیەك كە لەلایەن وەزارەتی تەندروستی حكومەتی عیراقەوە بڵاوكرایەوە”ئەو هەواڵانەی باسیان لە داواكاریی وەزارەتی تەندروستی كردووە سەبارەت بە داخستنی مەرزە سنورییەكان لەگەڵ ئێران بەهۆی دەركەوتنی حاڵەتەكانی توشبوون بە ڤایرۆسی كۆرۆنا، دوورن لە ڕاستییەوە”.

وەزارەتی تەندروستی حكومەتی فیدراڵ داوای كردووە، میدیاكان لەكاتی گواستنەوەی هەواڵەكاندا بەدیقەت بن و زانیارییەكان لە سەرچاوە فەرمییەكانەوە وەربگرن.

هەر لەو چوارچێوەیەدا، غەیدا كبمش، پەرلەمانتاری عیراقی، داوای لە حكومەت كردبوو، دەستبەجێ‌ سنورەكان لەگەڵ ئێراندا دابخرێن، بەهۆی بڵاوبوونەوەی ڤایرۆسی كۆرۆنا لە ئێران.

پێشتر وەزارەتی تەندروستی ئێران حاڵەتەكانی توشبوونی بە ڤایرۆسی كۆرۆنا لە وڵاتەكەدا ڕاگەیاندبوو كە بەو هۆیەوە، تائێستا دوو كەس گیانیان لەدەستداوە، دەسەڵاتدارانی ئێران لەئێستادا ڕێوشوێنی خێرایان بۆ ڕێگرتن لە بڵاوبوونەوەی ڤایرۆسەكە گرتۆتەبەر.

بەردەوام بە لە خوێندنەوە

عێراق

وەزیری كشتوكاڵی عیراق بەڵێنی چارەسەركردنی كێشەكانی گەنمی جوتیارانی هەرێمیدا

سلێمانی – نزار جەزا
لیژنەیەكی حكومەتی هەرێم لەبارەی پارەی گەنمی جوتیارانی هەرێم لەبەغدادە و وەزیری پلاندانانی هەرێمیش ئاشكرای دەكات، وەزیری كشتوكاڵی عیراق بەڵێنی چارەسەركردنی كێشەكانی داوە.

دارا ڕەشید وەزیری پلاندانانی حكومەتی هەرێم لەوەڵامی پرسیارێكی (خەڵك)دا ڕایگەیاند، پێشتر وەفدێكی حكومەتی هەرێمی كوردستان بەبەشداری وەزیری كشتوكاڵ و وەزیری هەرێم بۆ كاروباری بەغداد سەردانی بەغدادیان كرد، و بڕیاریاندا لیژنەیەك بەبەشداری نوێنەری سەرجەم وەزارەتە پەیوەندیدارەكان دروستبكرێت.

زیاتر ڕوونیكردەوە، ئەو لیژنەیە ئێستا لەبەغدادن و وەزیری كشتوكاڵی عیراق بەڵێنی چارەسەركردنی كێشەكانی داوە، بەڵام تاكو ئێستا لیژنەكە لەبەغداد نەگەڕاونەتەوە، تاكو وردەكاری بەڵێن و دەستكەوتەكانی ئەو لیژنەیە بزانن و باسی بكەن.

جوتیارانی هەرێمی كوردستان لەساڵانی 2014 و 2015 و 2016 گەنمیان بە حكومەتی عیراق داوە، بەڵام حكومەتی عیراق بەشێك لەو پارەیەی پێ نەداون، پێشتریش لەڕێگەی دادگاوە ئەو مافە بۆ جوتیارانی هەرێم گەڕێنرایەوە، بەڵام حكومەتی عیراق ئامادەنەبوو پارەكە دابین بكات.

بەردەوام بە لە خوێندنەوە

عێراق

دەرمانخانەیەك لە بەغدا ماددەی هۆشبەری فرۆشتووە

خەڵك- بەشی هەواڵ

دادگای باڵای عیراق ئاشكرای كرد، كە یاریدەدەرێكی پزیشك دەستگیركراوە كە ماددەی هۆشبەری فرۆشتووە بە گەنجان.

میدیاكانی عیراق ئەمڕۆ ئاماژەیان بە ڕاگەیەندراوێكی دادگای باڵای عیراق كرد، كە ئەو دەرمانخانەیە بەناوی فرۆشتنی دەرمانەوە كراوەتەوە، بەڵام بەنهێنی ماددەی هۆشبەری فرۆشتووە بە گەنجان.

هەر بەپێی ڕاگەیەندراوەكە بەپێی یاسا مامەڵە لەگەڵ ئەو یاریدەدەری پزیشكە كراوە و سزادراوە.

دوای داگیركردنی عیراق لە ساڵی 2003دا، فرۆشتن و بەكارهێنانی ماددەی هۆشبەر زۆر زیادی كردووە، بەتایبەتی لە پارێزگاكانی باشوری عیراق.

بەردەوام بە لە خوێندنەوە

کوردستان