ئێمە لە تۆرە کۆمەڵایەتیەکان

عێراق

سادیقون بۆ (خەڵك): پێویستە حوكمڕانی ئێستای ئەمریكا بڕوخێنرێت

خەڵك- بەشی هەواڵ
فراكسیۆنی سادیقون، باڵی سیاسی بزووتنەوەی ئەهلی حەق لە پەرلەمانی عیراق، وەڵامی لێدوانەكانی دۆناڵد ترەمپ، سەرۆكی ئەمریكا دەداتەوە سەبارەت بە خواستی مانەوەی هێزەكانیان لە عیراق و داوای ڕوخانی حوكمڕانی ئێستای ئەمریكا دەكات.

عەبدولئەمیر حەسەن عەلی، لە لێدوانێكی تایبەت بە (خەڵك) ڕایگەیاند، “ویلایەتە یەكگرتووەكان، هەموو جیهانی بۆ ڕوخاندنی ڕژێمەكەی سەدام حسێن كۆكردەوە بە بیانووی ئەوەی دەست لە كاروباری وڵاتانی دەورووبەر وەردەدات، ئیتر بۆچی دەبێت ڕێگە بە سەرۆك ترەمپ بدرێت، دەست لە كاروباری وڵاتانی دەورووبەری ئێمە وەربدات و سیخوڕییان بەسەرەوە بكات”.

بە وتەی پەرلەمانتارەكەی سادیقون، “پێویستە ڕژێمی فەرمانڕەوا لە ئەمریكا بڕوخێت وەك چۆن ڕژێمەكەی سەدام ڕوخێنرا و سیستمێكی دیموكراتی، نەك خۆسەپێن جێگەی گرتەوە”.

عەبدولئەمیر حەسەن دەڵێت: “كاتێك ئەمریكا لە ساڵی 2003 ڕژێمەكەی سەدام حسێنی ڕوخاند و لەلایەن گەلی عیراقەوە بە گوڵ پێشوازی لێكرا، پێمانوابوو دەبێتە مایەی خێر و خۆشی بۆ عیراق، بەڵام ئەوەی ڕوویدا پێچەوانەوە بوو، چونكە ئەمریكا دواتر بووە وڵاتێكی داگیركەر”.

پەرلەمانتارەی سادیقون پێیوایە، “ئەمریكا لە بری پاراستنی سەروەری و سەربەخۆیی عیراق، ڕێگەی بە دەستوەردانی توركیا و وڵاتانی تر داوە لە عیراق و بە بەرچاوی ئەمریكاییەكانەوە لە سوریاوە گروپە تیرۆرستییەكان هاتنە وڵات و كاولكاری گەورەیان بەسەر عیراقدا هێنا”.

پێشتر دۆناڵد ترەمپ، سەرۆكی ئەمریكا ڕایگەیاندبوو، “ئیدارەكەی خواستی وایە هێزەكانی ئەمریكا لە عیراقدا بمێنێتەوە بۆ چاودێری ئێران”، بوونی بنكەیەكی سەربازیشی لە عیراقدا بە “زۆر گونجاو” دانابوو بۆ چاودێریكردنی ڕەوشی خۆرهەڵاتی ناوەڕاست.

ترەمپ بە تۆڕی (سی بی ئێس)ی تەلەفیزیۆنی ڕاگەیاندبوو، “هەموو ئەوەی دەمەوێت ئەوەیە بتوانین چاودێری بكەین، بنكەیەكی سەربازی نایاب و بە بەهامان هەیە لە عیراق، ئەو بنكەیەش زۆر گونجاوە بۆ چاودێریكردنی ڕەوشی هەموو بەشەكانی ناوچەی خۆرهەڵاتی ناوەڕاست، كە ئاڵۆزی و پشێوی بەخۆوە دەبینێت”.

ئابوری

ھۆشداری دەدرێت لەداخستنی گەرووی ھورمز

خەڵك – بەشی هەواڵ

وەزیری نەوتی عیراق ھۆشداریدا بەھۆی ناكۆكییەكانی نێوان ئەمریكا و ئێران، گەرووی ھورمز دابخرێت.

سامر غەزبان وەزیری نەوتی عیراق ڕایگەیاند، وەزارەتی نەوت لە ئێستاوە ڕێوشوێنی پێویستی لەبارەی دابینكردنی سووتەمەنی پێویست بۆ وێستگەكانی كارەبا لە وەرزی ھاویندا گرتووەتەبەر و بەروارد بە ساڵی ڕابردوو زۆربەی كێشەكان چارەسەر دەكرێن.

وەزیری نەوتی عیراق وتیشی، داخستنی گەرووی ھورمز بەھۆی ناكۆكییەكانی نێوان ئەمریكا و ئێرانەوە كاریگەری لەسەر عیراق و وڵاتانی ھەناردەكردنی نەوت لەناوچەكە دەبێت.

پێشتر، سامر غەزبان ڕایگەیاندبوو، وەزارەتەكەی بەنیازە ڕێوشوێنی پێویست لەكاتی ڕوودانی ھەر پێشھاتێكی چاوەڕواننەكراو بەھۆی ناكۆكییەكانی نێوان واشنتۆن و تاران لەناوچەكەدا بگرێتەبەر.

بەردەوام بە لە خوێندنەوە

ئابوری

هەوڵدەدرێت مووچەی خانەنشینی زیادبكرێت

خەڵك – بەشی هەواڵ

ژمارەیەك لە ئەندامانی ئەنجومەنی نوێنەرانی عیراق لە هەوڵدان مووچەی خانەنشینی لە عیراق زیاد بكرێت.

سامر زیبان ئەندامی لیژنەی دارایی ئەنجومەنی نوێنەرانی عیراق لە لێدوانێكی ڕۆژنامەوانیدا ڕایگەیاند، لیژنەی خزمەتگوزارییەكانی ئەنجومەنی نوێنەران لەهەوڵدایە بۆ دۆزینەوەی شێوازێك بۆ زیادكردنی مووچەی خانەنشینان، چونكە ئەو توێژەی كۆمەڵگە زوڵمێكی زۆریان بەرامبەر كراوە.

ئەو ئەندامەی لیژنەی دارایی ئەنجومەنی نوێنەرانی عیراق ئاماژەی بەوەشدا، جیاوازییەكی زۆر لە مووچەی خانەنشینان هەیە بەتایبەت خانەنشینانی سوپای پێشوو.

سامر زیبان جەختیشیكردەوە، لیژنەكە كاردەكات بۆ زیادكردنی مووچەی خانەنشینان لەماوەی چەند مانگی داهاتوودا.

بەردەوام بە لە خوێندنەوە

ئابوری

لەئەگەری ڕوودانی جەنگ، عیراق شوێنی بۆ هەناردەكردنی نەوت دۆزیوەتەوە

خەڵك – بەشی هەواڵ

بەڕێوەبەری كۆمپانیای نەوتی بەسڕە ئاشكرایدەكات، لەكاتێكدا جەنگ لەنێوان ئەمریكا و ئێران ڕووبدات عیراق جێگرەوەی بۆ هەناردەكردنی نەوتی وڵاتەكەی دۆزیوەتەوە.

ئیحسان عەبدولجەبار بەڕێوەبەری كۆمپانیای نەوتی بەسڕە رایگەیاندووە، بەرهەمهێنانی نەوتی ڕۆژئاوای قوڕنەی یەك بۆ 500 هەزار بەرمیلی ڕۆژانە بەرزبووەتەوە، ئەوەش دوای ئەوەدێت كە كارمەندانی كۆمپانیای ئیكسۆن مۆبیل لەو كێلگەیە كشانەوە و بە هاوكاری كارمەندانی ناوخۆیی چەند یەكەیەكی نوێ، بەرهەمهێنان بۆ ئەو كێڵگەیە زیادكرا.

بەڕێوەبەری كۆمپانیای نەوتی بەسڕە ئاماژەی بەوەشكرد، فەرماندەیی پۆلیسی نەوتی پارێزگای بەسڕە، جێگرەوەی بۆ هەناردەكردنی نەوت دۆزیووەتەوە، ئەگەر بێتو جەنگ لە نێوان ئەمریكا و ئێران ڕووبدات (بێ ئەوەی شوێنەكەی ئاشكرابكات)، جێگرەوەكەش بە هەماهەننگی وەزارەتی نەوتی عیراق بووە و دەتوانرێت بۆ چەند مانگێك كاری لەسەر بكرێت، چونكە هەناردەكردنی نەوت تاكە سەرچاوەی ئابووری عیراقە.

ئیحسان عەبدولجەبار ئەوەشی خستەڕوو، عیراق توانای تەواوی هەیە بۆ ئەوەی بڕێكی زۆر نەوت هەناردە بكات، بەڵام بەهۆی ڕێككەوتنی وڵاتانی هەناردەكاری نەوت (ئۆپیك)ەوە ئاستی هەناردەكردنی كەمكردووەتەوە.

بەردەوام بە لە خوێندنەوە

کوردستان