ئێمە لە تۆرە کۆمەڵایەتیەکان

ئابوری

هەلی كار ڕادەگەیەنرێت
ناوی دەرچووانی زانكۆ و پەیمانگەكان تۆمار دەكرێت

خەڵك – بەشی هەواڵ
بەمەبەستی تۆماركردنی ناوی بێكارانی سنوورەكە و ڕەخساندنی هەلی كار بۆیان، نوێنەری وەزارەتی كار و كاروباری كۆمەڵاتی و ڕێكخراوی (giz) سەردانی ئیدارەی گەرمیان دەكەن، سەرپەرشتیاری ئیدارەی گەرمیان-یش دەڵێت: “بەهۆی ئەوەی كەرتی تایبەت هاوشێوەی پارێزگاكان نیە باشتر وایە لە دۆزینەوەی هەلی كار بۆ دەرچووانی زانكۆ و پەیمانگاكان ئەولەویەت بە گەرمیان بدرێت”.

ئیدارەی گەرمیان لە ڕاگەیەنراوێكدا، كە وێنەیەكی بۆ (خەڵك) ناردووە ڕایگەیاندووە، ئەمڕۆ دوو شەممە 4-2-2019 بەمەبەستی تۆماركردنی ناوی بێكارانی سنوورەكە و ڕەخساندنی هەلی كار بۆیان، نوێنەری وەزارەتی كار و كاروباری كۆمەڵاتی و ڕێكخراوی (giz) سەردانی ئیدارەی گەرمیانیان كرد.

نەزمی موسا، جێگری بەڕێوەبەری گشتی كار و دەسبەری كۆمەڵایەتی لە وەزارەتی كار و كاروباری كۆمەڵایەتی ڕایگەیاند، وەزارەتەكەیان لەگەڵ ڕێكخراوی (giz) هەماهەنگی كردووە بۆ تۆماركردنی ناوی ئەو كەسانەی دەرچووی زانكۆ و پەیمانگاكانن، كە دانەمەزراون یان بێكارن، ئەوەش بەو ئامانجەی هەوڵبدرێت بەپێی پسپۆڕییان كاریان بۆ بدۆزرێتەوە.

دەشڵێت: “شێوازی ناو تۆماركردنەكە لەلایەن تیمی گەڕۆكی وەزارەتمان و ڕێكخراوی (giz) دەبێت، بەجۆرێك ئۆتۆمبیلێك لە جۆری پاس وەك ئۆفیسێكی گەڕۆك ئامادەكراوە و بەسەرجەم شارۆچكە و شارەدێیەكاندا دەگەڕێت”.

نەزمی موسا داواشیكرد، ئیدارەی گەرمیان لە سنورەكە هاوكاری تیمەكەیان بێت، كە لە ئەمڕۆوە دەست بەكارەكانیان دەكەن.

هاوكات سەڵاح كوێخا، سەرپەرشتیاری ئیدارەی گەرمیان لە كۆبوونەوەكەدا ڕایگەیاندووە، ئەوە ماوەی چەند ساڵێكە بەهۆی قەیرانی داراییەوە حكومەتی هەرێم فەرمانبەرانی دانەمەزراندووە، بۆیە تۆماركردنی ناوی دەرچووان و دۆزینەوەی كار بۆیان كارێكی گرنگە حكومەت بیكات، ئێمەش لە ڕێگەی بەڕێوەبەرایەتی كاروباری مرۆیی ئیدارەكەمان ئەوپەڕی هاوكارتان دەبین بۆ ئەنجامدانی كارەكانتان بە شێوەیەكی سەركەوتوو.

جەختیشی كردۆتەوە، بەهۆی ئەوەی كەرتی تایبەت لە سنوری ئیدارەی گەرمیان هاوشێوەی پارێزگاكانی هەولێر و سلێمانی نیە، باشتر وایە لە دۆزینەوەی هەلی كار بۆ دەرچووانی زانكۆ و پەیمانگاكان ئەولەویەت بە گەرمیان بدرێت.

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان