ئێمە لە تۆرە کۆمەڵایەتیەکان

کوردستان

پڕۆتۆكۆڵێك لەنێوان هەرێم و ئێراندا واژۆكرا

خەڵك – بەشی هەواڵ
كۆمەڵگای دەروازەی نێودەوڵەتی پەروێزخان ڕایدەگەیەنێت، لە كۆبوونەوەی شاندێكی ئیدارەی گەرمیان و مەرزی نێودەوڵەتی پەروێزخان لەگەڵ كۆماری ئیسلامی ئێران پڕۆتۆكۆڵێكی ١٢ خاڵی واژۆ كرا.

كۆمەڵگای دەروازەی نێودەوڵەتی پەروێزخان لە ڕاگەیەنراوێكدا، كە وێنەیەكی دەست (خەڵك) كەوتووە ڕاگەیاندووە، كۆبوونەوەكە بەمەبەستی چارەسەركردنی كێشە و ئاستەنگەكانی بەردەم ئاڵوگۆڕی بازرگانی بوو لە مەرزی نێودەوڵەتی پەروێزخان.

دەشڵێت: “لە كۆبوونەوەكەدا تیشك خرایە سەر ڕێكخستنەوەی كاتی ئاڵوگۆڕی بارەكان و ڕێگریكردن لە كاری قاچاخچێتی و بەرزكردنەوەی كوالێتی ئەو كاڵا و بەرهەمانەی، كە لە ئێرانەوە دەهێنرێنە هەرێم، لەگەڵ باشتركردنی ڕێگەوبانەكان لەپێناو خێراتر كردنی جوڵەی بازرگانی”.

ڕاشیگەیاندووە، پڕۆتۆكۆلێكی ١٢ خاڵی لەنێوان هەرێم و كۆماری ئیسلامی ئێراندا ئیمزا كرا.

شاندەكەی گەرمیان پێكهاتبوون لەهەریەك لە نەجم عەبدوڵا، قائیمقام لە دیوانی ئیدارەی گەرمیان، فاتیح ئەحمەد، جێگری بەڕێوەبەری گومرگی گەرمیان، عەلی تۆفیق، سەرپەرشتیاری كۆمەڵگای دەروازەی نێودەوڵەتی پەروێزخان و بەرپرسانی بەشەكانی پەیوەندییەكان و تاقیگەی بیناسازی و كۆنتڕۆڵی جۆری و كەرەنتینەی كشتوكاڵ و بەڕێوبەری كۆمپانیای لۆكس ئەیجنسی و نوێنەری بازرگان و شوفێرانی مەرزی پەروێزخان.

كۆبونەوەی شاندەكەی گەرمیان لەگەڵ موراد عەلی تاتار، قائیمقامی قەسری شیرین، حیشمەت ڕەزایی جێگیری و ئاغای محەمەدی، ڕاوێژكاری ئابوری و ئاغای ئیسلامی بەڕێوەبەری مەرزی پەروێزخان/ئێران، شەهرام تەجەری بەڕێوەبەری گومرگی پەروێزخان/ ئێران و ئاغای كریمی، فەرمانداری هەنگی مەرزەكە، نازەنین باباغانی لە ئاژانسی هەواڵی ئیرنا ئەنجامدرا.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان