ئێمە لە تۆرە کۆمەڵایەتیەکان

کوردستان

عەلی حەمەساڵح: ئەم جۆرە لە گرتن و زیندانیكردن لێكەوتەی سیاسی دەبێت

خەڵك – بەشی هەواڵ
سەرۆكی فراكسیۆنی گۆڕان لە پەرلەمانی كوردستان ڕایدەگەیەنێت، هەشت هەڵسوڕاوی بزوتنەوەی گۆڕان لە نێویاندا ئەندامی جڤاتی نیشتیمانی هەیە، لەلایەن هێزە ئەمنیەكانی دهۆك-ەوە دەستگیركراون، دەشڵێت: “ئەم جۆرە لە گرتن و زیندانیكردن لێكەوتەی سیاسی دەبێت”.

عەلی حەمە ساڵح، سەرۆكی فراكسیۆنی گۆڕان لە پەرلەمانی كوردستان لەهەژماری خۆی ناوی ئەو كەسانەی بڵاوكردەوە، كە لە دهۆك دەستگیركراون و ڕایگەیاندووە، وەك فراكسیۆنی گۆڕان دوای بەدواداچون، دڵنیابوین لە لایەن ئاسایشی دهۆكەوە دەستگیركراون، لە بەدواداچونداین بۆ ئازادكردنی هەڵسوڕاوانی گۆڕان و سەرجەم چالاكوانانی مەدەنی، كە ژمارەیان نزیكەی ٢٥ كەسە.

جەختیشی كردۆتەوە، ئاسایشی دهۆك و پارتی دیموكرات بە بەرپرسن دەزانین لە ژیان و سەلامەتیان.

دەشڵێت: “بەردەوامی ئەم گرتن و زیندانیكردنە لێكەوتەی سیاسی دەبێت، زۆرێك لەوانەی بەشداری خۆپیشاندان و سوتاندنی بارەگای سوپای توركیایان كردوە، كادیر و بەرپرسی پارتی دیموكراتن، بەڵام ئێستا خەڵكی دیكە زیندانی دەكرێت”.

وەك عەلی حەمەساڵح بڵاویكردۆتەوە، ئەم هەڵسوڕاوانەی گۆڕان زیندانی كراون:
1. حاجی ڕیكانی
2. ئیهان سەعید عومەر
3.كاوار حەسەن عەلی
4.زێرەڤان الدین ئادەم
5. ولێد عەبدول
6.عوسمان حەمەد ئەحمەد
7.گوڤان شاهین ئادم
8. عبدالرحمن شكری عبدالرحمن

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان