ئێمە لە تۆرە کۆمەڵایەتیەکان

جیهانی

یەکێتی تۆپی پێی ئیسپانیا بەفەرمی کات و یاریگای یاریی کۆتایی جامی شای ئاشکرا کرد

خەڵک سپۆرت

ئەمڕۆ بە فەرمی یەکێتی تۆپی پێی ئیسپانیا کات و یاریگای یاریی کۆتایی جامی شای ئیسپانیا “کۆپا دێل رێ”ی ئاشکرا کرد.

بەپێی بەیاننامەیەک کە لەلایەن یەکێتی تۆپی پێی ئیسپانیاوە بڵاوکراوەتەوە، یاریی کۆتایی جامی شا بۆ وەرزی ٢٠١٨/٢٠١٩ لە یاریگای بینیتۆ ڤیامارین ئەنجام دەدرێت کە تایبەتە بە یانەی ڕیاڵ بیتیس، هەروەها وادەی ئەنجامدانی دەکەوێتە ڕێکەوتی ٢٥/٥/٢٠١٩ واتا پاش هەفتەیەک لەکۆتایی هاتنی ململانێکانی خولی ئیسپانیا، هەروەها پێش چوار ڕۆژ لە یاریی کۆتایی “یوروپا لیگ” و حەوت ڕۆژ لە یاریی کۆتایی خولی یانە پاڵەوانەکانی ئەوروپا.

هۆکاری هەڵبژاردنی یاریگای “بینیتۆ ڤیامارین” بۆ ئەوە دەگەڕێتەوە کە یەکێکە لە یاریگا گەورەکانی ئیسپانیا و ٦٠ هەزار هاندەر لەخۆدەگرێت، جگە لەوەش یەکێکە لەو یاریگا مۆدێرنانەی کە سەرجەم پێداوێستی هاندەران لە شارەکانی ترەوە دابین دەکات و لە حاڵەتی بەردەست نەبونی یاریگاکانی یانەی ڕیاڵ مەدرید و بەرشلۆنە و ئەتلەتیکۆ مەدرید و سڤیلیە دەکرێت پشتی پێببەسترێت.

یانەی ڕیاڵ بیتیس یەکێکە لەجەمسەرەکانی چارەکی کۆتایی جامی شای ئیسپانیا و هەنگاوێکی ماوە بگاتە قۆناغی نیوەی کۆتایی جامەکە، واتا ئەگەر هەیە یانەی بیتیس لەنێو یاریگای خۆیدا یاریی کۆتایی ئەنجام بدات.

جیهانی

(ئیسپانیا باڵاده‌سته‌) به‌هێزترین ئه‌و (١٠) بۆنده‌ی له‌ گواستنه‌وه‌کانی هاوینه‌ی ٢٠١٩دا واژو کراون !

خه‌ڵک سپۆرت

له‌ گواستنه‌وه‌کانی هاوینه‌ی ٢٠١٩دا یانه‌کانی ئه‌وروپا جموجحۆڵی به‌هێزیان بۆ پڕکردنه‌وه‌ی که‌لێنی پێکهاته‌کانیان کردووه‌، به‌و هۆیه‌شه‌وه‌ چه‌ندین بۆندی گه‌وره‌ و هه‌ژێنه‌ر واژو کراون.

میریکاتۆی ٢٠١٩ جیاوازیه‌که‌ی له‌وه‌دایه‌ که‌ تا ئه‌م ساته‌ سێ بۆندی به‌ زیاتر له‌ (١٠٠) ملیۆن یورۆ تیادا واژو کراوه‌، ئه‌وه‌ش یه‌که‌مینجاره‌ له‌مێژووی گواستنه‌وه‌کاندا ڕووده‌دات، بگره‌ چاوه‌ڕوانیش ده‌کرێت گواستنه‌وه‌ی پۆل پۆگبا له‌ یانه‌ی مانچسته‌ر یونایتده‌وه‌ به‌ره‌و ڕیاڵ مه‌درید به‌هه‌مان شێوه‌ ئه‌نجام بدرێت، هه‌روه‌ها گه‌ڕانه‌وه‌ی نایمار دا سیلڤا له‌ پاریس سانت جێرمانه‌وه‌ بۆ به‌رشلۆنه‌ ئه‌گه‌رێکی تره‌ و به‌ زیاتر له‌ ١٠٠ ملیۆن ڕووده‌دات.

سه‌یر له‌وه‌دایه‌، له‌م هاوینه‌دا یانه‌کانی ئیسپانیا له‌ڕووه‌کانی فرۆش و کڕینه‌وه‌ باڵاده‌ستیان به‌سه‌ر خوله‌کانی تردا نیشانداوه‌ و زۆرینه‌ی بۆنده‌ گه‌وره‌کان له‌لایه‌ن یانه‌کانی ئیسپانه‌وه‌ به‌جێگه‌یه‌نراون:

  • جواو فیلێکس (به‌نفیکا بۆ ئه‌تله‌تیکۆ مه‌درید): ١٢٦ ملیۆن یورۆ
  • ئه‌نتوان گریزمان (ئه‌تله‌تیکۆ مه‌درید بۆ به‌رشلۆنه‌): ١٢٠ ملیۆن
  • ئیدین هازارد (چێڵسی بۆ ڕیاڵ مه‌درید): ١٠٠ ملیۆن
  • لوکاس هێرناندێز (ئه‌تله‌تیکۆ مه‌درید بۆ بایرن میونشن): ٨٠ ملیۆن
  • فرینکی دی یۆنگ (ئه‌یاکس ئه‌مسته‌ردام بۆ به‌رشلۆنه‌): ٧٥ ملیۆن
  • ڕۆدری (ئه‌تله‌تیکۆ مه‌درید بۆ مانچسته‌ر سیتی): ٧٠ملیۆن
  • لوکا یوڤیچ (ئینتراخت فرانکفۆرت بۆ ڕیاڵ مه‌درید): ٦٠ ملیۆن
  • تانگوی ندۆمبێلی (لیۆن بۆ تۆتنهام): ٦٠ ملیۆن
  • ئارۆن وان بیساکا (کریستاڵ باڵاس بۆ مان یونایتد): ٥٥ ملیۆن
  • ئیدێر میلیتاو (پۆرتۆ بۆ ڕیاڵ مه‌درید): ٥٠ ملیۆن
بەردەوام بە لە خوێندنەوە

جیهانی

(وێنە و ڤیدیۆ) گەیشتنی دی لیخت بۆ ئیتاڵیا و تێپەڕاندنی پشکنینە پزیشکیەکان !

خەڵک سپۆرت

گواستنەوەی ماتیاس دی لیختی هۆڵەندی بەرگریکاری یانەی ئەیاکس ئەمستەردام بۆ یانەی یوڤانتۆس بەفەرمی کۆتایی هات و شەوی ڕابردوو ناوبراو گەیشتە شاری تۆرینۆ.

درەنگانێکی شەوی ڕابردوو گەوهەرە هۆڵەندیە ١٩ ساڵەکە  بە فڕۆکەی تایبەت گەیشتە شاری تۆرینۆ و ئەمڕۆ لە نەخۆشخانەی تایبەتی بیانکۆنێری پشکنینە پزیشکیەکانی ئەنجامدا، بڕیاریشە لە چەند کاتژمێری داهاتوودا بەفەرمی پێشکەشی هاندەرانی یانە ئیتاڵیە ناودارەکە بکرێت.

گواستنەوەی دی لیخت بۆ یوڤانتۆس پاش ململانێیەکی قورسی یانە ئیتاڵیەکە بەرامبەر یانەکانی بەرشلۆنە و لیڤەرپوڵ یەکلایی کرایەوە، کە بەهەمان شێوە داواکاری یاریزانەکە بوون، گواستنەوەکە بەبڕی ٧٥ ملیۆن یورۆ ڕێکەوتنی لەسەر کراوە و یاریزانەکە ساڵانە موچەی ١٢ ملیۆن یورۆ بەدەست دەهێنێت.

 

بەردەوام بە لە خوێندنەوە

جیهانی

یونایتد ماگوایه‌ری یه‌کلایی کردۆته‌وه‌ و ئاماده‌کاری بۆ دووه‌م گه‌وره‌ بۆندی هاوینه‌ ده‌که‌ن !

خه‌ڵک سپۆرت

سه‌رۆکایه‌تی یانه‌ی مانچسته‌ر یونایتد له‌سه‌ر ڕاسپارده‌ی ئۆلی گۆنار سۆڵشایه‌ری ڕاهێنه‌ری یانه،‌ ده‌ستیان به‌ هه‌وڵه‌کانیان بۆ گواستنه‌وه‌ی ئه‌ستێره‌یه‌کی پورتوگالی کردووه‌.

ڕۆژنامه‌ی “ده‌یلی مه‌یڵ”ی به‌ریتانی پاڵپشت به‌زانیاریه‌کانی ڕۆژنامه‌ی “ئه‌بۆلا”ی پورتوگالی ئاشکرای کردووه‌، نوێنه‌رانی یونایتد توانیویانه‌ گواستنه‌وه‌ی هاری ماگوایه‌ری به‌رگریکار له‌ یانه‌ی لیسته‌ر سیتیه‌وه‌ به‌بڕی ٨٠ ملیۆن یورۆ یه‌کلایی بکه‌نه‌وه‌، به‌م هه‌نگاوه‌ش گره‌ویان له‌ یانه‌ی مانچسته‌ر سیتی بردۆته‌وه‌ که‌ ‌به‌هه‌مان شێوه‌ داواکاری به‌رگریکاره‌ ئینگلیزیه‌که‌ بوون.

به‌پێی سه‌رچاوه‌کان، نوێنه‌رانی یونایتد له‌ پورتوگال له‌چه‌ند ڕۆژی داهاتوودا ده‌ست به‌ گفتوگۆکردن بۆ گواستنه‌وه‌ی برونۆ فێرناندێزی ئه‌ستێره‌ی یانه‌ی سپۆرتینگ لشبۆنه‌ و هه‌ڵبژارده‌ی پورتوگال ده‌که‌ن، وه‌ک ده‌ستپێک ئۆفه‌رێک به‌بڕی ٥٠ ملیۆن یورۆ پێشکه‌ش ده‌که‌ن.

“ده‌یلی مه‌یڵ” ئاماژه‌ی کردووه‌، ئیمزاکردنی بۆند له‌گه‌ڵ فێرناندێز له‌سه‌ر ڕاسپارده‌ی سۆڵشایه‌ر ئه‌نجام ده‌درێت و په‌یوه‌ندی به‌ به‌رده‌وامبون و ڕۆیشتنی پۆل پۆگبای فه‌ره‌نسیه‌وه‌ نییه‌، به‌ڵکو ئه‌گه‌ر ناوه‌ندسازه‌ فه‌ره‌نسیه‌که‌ش به‌رده‌وامبێت بۆندی یاریزانه‌ پورتوگالیه‌که‌ ئیمزا ده‌کرێت.

فێرناندێزی ته‌مه‌ن ٢٤ ساڵ نۆڤارا و ئودینێزی و سامپدۆریا و سپۆرتینگ لشبۆنه‌ یاریی کردووه‌، یه‌کێکه‌ له‌ یاریزانه‌ کاریگه‌ره‌کانی هه‌ڵبژارده‌ی پورتوگال و له‌پێگه‌ی ناوه‌ندی هێرشبه‌ریدا یاریی ده‌کات.

بەردەوام بە لە خوێندنەوە

کوردستان