ئێمە لە تۆرە کۆمەڵایەتیەکان

کوردستان

ژمارەی حزبە ئیسلامییەكان روو لە هەڵكشانە و جەماوەرەكەشیان روو لە داكشانە

خەڵك-بەشی هەواڵ
تا دێت حزبە ئیسلامییەكان لە رووی ژمارەوە روو لە زیاد بوون دەكەن، بەڵام متمانە و دەنگی جەماوەر زیاتر لە دەست دەدەن، ئەمەش بە پێی ئەنجامی هەڵبژاردنەكان كە ئیسلامییەكان ژمارەیەكی زۆری كورسی پەرلەمان و دەنگی جەماوەریان لە دوو هەڵبژاردنی 2018دا لە دەستداوە، سەرۆكی سەنتەری هودا بۆ لێكۆڵینەوەی ستراتیژیش رایدەگەیەنێت، دروستبوونی حزبێكی دیكەی ئیسلامی ئەگەرێكی كراوەیە.

بەهۆی كێشە نێوخۆییەكانی نێوانیان، حزبە ئیسلامییەكانی كوردستان نەیانتوانیوە یەكپارچەیی خۆیان بپارێزن و چەند ساڵ جارێك حزبێكی دیكە لە هەناویانەوە دەردەچێت و بەم شێوەیە ژمارەی ئەو حزبانە روو لە زیاد بوون دەكات، بەڵام متمانەی جەماوەرییان تا دێت كەم دەكات بەپێی ئەنجامی هەڵبژاردنەكان.

هەندێكیان لە سەركردەی حزبە ئیسلامییەكان متمانەیان بە حزبی ئیسلامی نەماوەو وەك خۆیان ئاماژەی بۆ دەكەن دەبێت ئەو جۆرە لە سیاسەتكردنە تێپەڕێنن و لە ئێستاشدا ئارام قادر و محەمەد رەئوف ئەو مۆدێلە لە حزبایەتییەیان تێپەڕاندووە و هاوپەیمانی نیشتمانییان دروستكردووە، كە حزبێكە چەندین ئایدیای تێدا لە خۆی كۆكردوەتەوە، ئەمەش لەكاتێكدایە دوو كەسن لە دامەزرێنەرانی حزبی ئیسلامی لە هەرێمی كوردستان.

محەمەد بازیانی سەرۆكی سەنتەری هودا بۆ لێكۆڵینەوەی ستراتیژی بە (خەڵك)ی راگەیاند، ئاگاداری جموجوڵی هەندێك لە سەركردە ئیسلامییەكانم، هەرچەندە بابەتەكە لە بنەڕەتدا و لەنێو گروپە ئیسلامییەكاندا یەكڕیزییە، ئەو حاڵەتەی هەیە لە ئێستادا زیاتر لە حزبێك هەیە، ئەمە حاڵەتێكی جیاوازە و واقعەكە ئەوە دەخوازێت.

وتیشی”پێمان وایە دەبێت برایەتی و خۆشەویستیی لەنێوان یەكتردا دروست ببێتەوە و هەوڵ بدرێت پێداچونەوەیەك بكرێت لەكاری ئیسلامیدا لەناو واقیعی كوردستاندا، چونكە ئەم پەرتەوازەییەی دروست دەبیـَت، خەلەلێكی گەورەیە و دەبێتەهۆی ئەوەی پێگەی ئیسلامییەكان لە كوردستان لاواز بێت و رۆڵیان نەبێت”.
ئاماژەی بۆ ئەوەش كرد، واقیعی ئیسلامییەكان چینێكە كاریگەری زۆری داناوە، بەڵام ئەم حاڵەتەی ئێستا ناتەندروستە.

ئاشكراشیكرد، پێموانییە حزبی ئیسلامی رابگەیەنرێت، ئەو كەسانەش كە جیادەبنەوە داوای چاكسازی دەكەن، هەرچەندە هەموو ئەگەرێك لە ئارادایە و دەبێت لایەنە ئیسلامییەكان بەخۆیاندا بچنەوە.

کوردستان

بەهۆی بۆردوومانی فڕۆكەكانی توركیا لە سنووری گرێ سپی دوو هاووڵاتی شەهید بوون

خەڵك – بەشی هەواڵ

بەهۆی بۆردوومانی فڕۆكەی بێفڕۆكەوانی توركیا لە گوندەكانی ڕۆژئاوای شاری گرێ سپی ڕۆژئاوای كوردستان، دوو هاووڵاتی مەدەنی شەهید بوون و ژمارەیەكی تریش برینداربوون.

بەهۆی هێرشی فڕۆكەیەكی بێفڕۆكەوانی توركیا بۆسەر ئۆتۆمبێلێكی هاووڵاتیانی مەدەنی لەگوندی قەرەنفول لە ڕۆژئاوای گرێ سپی، دوو هاووڵاتی شەهید بوون و ژمارەیەكی تریش بریندار بوون و ڕەوانەی نەخۆشخانەكانی مەنبەج و كۆبانێ‌ كراون.

بەردەوام بە لە خوێندنەوە

کوردستان

خەبات.. كچە خوێندكارێك گیانیلەدەستدا

خەڵك – بەشی هەواڵ

لە شارۆچكەی خەباتی سەر بە پارێزگای هەولێر كچە خوێندكارێك لەكاتی دابەزین لەو پاسەی هاتوچۆی خوێندنگەی پێدەكات، بەهۆی بێ ئاگایی شۆفێری پاسەكەیەوە كەوتووەتە ژێر تایەی پاسەكە و دەستبەجێی گیانی لەدەستداوە.

مقەدەم فازڵ حاجی وتەبێژی پۆلیسی هاتوچۆی هەولێر لەلاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە: ئێوارەی ئەمڕۆ چوارشەممە 20/11/2019 لە شارۆچكەی خەبات خوێندكارێكی كچ بەهۆی بێ ئاگایی و خەمساردی شۆفێرەكەیەوە كە هاتوچۆی خوێندنگەی پێدەكات كەوتە ژێر تایەكانی ئەو پاسەی كە لێی دابەزیوە.

وتەبێژی پۆلیسی هاتوچۆی هەولێر ئاماژەی بەوەشداوە، بەهۆی ڕووداوەكەوە كچە خوێندكارەكە دەستبەجێ گیانی لەدەستداوە.

بەردەوام بە لە خوێندنەوە

کوردستان

“بێ‌ ڕێزی بەرامبەر لیژنەكانی تەندروستی دەكرێت”

خەڵك – بەشی هەواڵ
بەڕێوەبەرایەتی گشتی تەندروستی هەڵەبجە ڕایدەگەیەنێت، وەك ئەوەی تێبینی كراوە لە لایەن زۆرینــەی خاوەنكارەكانەوە بێ ڕێزی بەرامبەر ئەندامانی لیژنە تەندروستیەكان دەكرێت، دەشڵێت: “هەر خاوەنكــارێك بێ ڕێزی بەرامبەریان بكات ڕێكاری یاسایی توند لەدژیان دەگیرێتەبەر و ڕووبەڕووی یاسا دەكرێنەوە”.

بەڕێوەبەرایەتی گشتی تەندروستی هەڵەبجە لە ئاگادارییەكدا، كە وێنەیەكی بۆ (خەڵك) نێردراوە ڕایگەیاندووە، وەك هـەمـوو لایەكتان ئاگـادارن لیـژنەكانی چاودێری تەندروستی و خۆپاراستنی تەندروستی سەر بە بەڕێوبەرایەتیمان شەو و ڕۆژ بەبێ وچان و ماندوبوون بە سەرما و گەرما لە خزمەت هاووڵاتیاندان لە پێناو پاراستنی تەندروستیان.

ڕاشیگەیاندووە، وەك ئەوەی تێبینی كراوە لە لایــەن زۆرینەی خاون كارەكانەوە بێ ڕێزی بەرامـبـەر ئەندامانی لیژنە تەندروستیەكان دەكرێت، كە كوڕ و كچی ئەم شارەن.

جەختیشی كردۆتەوە، ئاگاداری تەواوی خاوەنكارەكان دەكەینەوە بۆ داهاتوو ئەگەر بێتو هەر خاوەن كـارێك بێ ڕێزی بەرامبەر بە ئەندامانی هەر لیــژنەیەك بكـات ئاوا ڕێكاری یاسایی توند دەگیرێتەبەر و ڕووبەڕووی یاسا دەبێتەوە.

بەردەوام بە لە خوێندنەوە

کوردستان