ئێمە لە تۆرە کۆمەڵایەتیەکان

کوردستان

6 فڕاكسیۆنی كوردستانی لە ئەنجومەنی نوێنەران لەسەر 5 خاڵ رێككەوتن

خەڵك – بەشی هەواڵ

لە راگەیەنراوێكدا كە وێنەیەیەكی دەست (تۆڕی میدیای خەڵك) كەوتووە، شەش فراكسیۆنی كوردستانی لە ئەنجومەنی نوێنەرانی عیراق دوای كۆبوونەوەیەیان لەسەر 5 خاڵ رێككەوتوون كە گرنگترینیان كۆك بوونیانە لەسەر گرنگی شەفافیەت لە دۆسییەی نەوتی عێراق و هەرێمی كوردستان و ناوچە دابڕێنراوەكان و هەوڵدان بۆ باشكردنی پەیوەندییەكانی نێوان هەرێم و بەغداد.

دەقی راگەیەنراوەكە:
راگەیەنراوی كۆبوونەوەی شەش فڕاكسیۆنی كوردستانی لە ئەنجومەنی نوێنەرانی عیراق
ئەمڕۆ دووشەممە 21/1/2019 شەش فڕاكسیۆنی كوردستانی لە ئەنجومەنی نوێنەرانی عیراق بەسەرپەرشتی بەڕێز جێگری سەرۆكی ئەنجومەنی نۆینەرانی عیراق (د.بەشیر حەداد) كۆبوونەوە.
لە كۆبوونەوەكەدا هەمووان كۆك بوون لەسەر ئەم خاڵانەی خوارەوە:
یەكەم: فڕاكسۆنە كوردستانییەكان پاڵپشتی داخوازی ڕەوای سەرجەم پارێزگاكانی عیراق دەكەن، بەتایبەت بەسڕە و نەینەوا و سەرجەم ئەو ناوچانەی پێویستیان بە ئاوەدانكردنەوە هەیە.
دووەم: فڕاكسیۆنە كوردستانییەكان هەموو هەوڵێكی خۆیان دەخەنە‌گەڕ بۆ بەدەستهێنانی مافەكانی خەڵكی هەرێمی كوردستان و ناوچە دابڕێنراوەكان، بە تایبەت لە پرسی بودجە، لەم ڕووەشەوە داوا لە هەردوو حكومەتی هەرێمی كوردستان و حكومەتی عیراقی فیدڕاڵ دەكەن پابەند بن بەیاسای بودجەی عیراقەوە دوای پەسندكردنی.
سێیەم: فڕاكسیۆنە كوردستانییەكان جەختیان كردەوە لەسەر گرنگی هەماهەنگی نێوان (نوێنەرانی كورد و حكومەتی هەرێم و كاربەدەستانی كورد لە حكومەتی فیدڕاڵ) بەشێوەیەكی شەفاف و بەردەوام.
چوارەم: فڕاكسیۆنە كوردستانییەكان كۆك بوون لەسەر گرنگی شەفافیەت لە دۆسییەی نەوتی عێراق و هەرێمی كوردستان و ناوچە دابڕێنراوەكان و هەوڵدان بۆ باشكردنی پەیوەندییەكانی نێوان هەرێم و بەغداد.
پێنجەم: فڕاكسیۆنە كوردستانییەكان رێككەوتن لەسەر بەردەوامی كۆبوونەوە هاوبەشەكان بەشێوەیەكی مانگانە بۆ ئەو پرسانەی كە پەیوەستن بە ژیانی خەڵكی هەرێمی كوردستان و ناوچە دابڕێنراوەكان.

1.فڕاكسیۆنی پارتی دیموكراتی كوردستان
2. فڕاكسیۆنی یەكێتیی نیشتمانیی كوردستان
3. فڕاكسیۆنی گۆڕان
4.فڕاكسیۆنی هاوپەیمانی دیموكراسی و دادپەروەری
5. فڕاكسیۆنی یەكگرتووی ئیسلامی كوردستان
6. فڕاكسیۆنی كۆمەڵی ئیسلامی كوردستان
21/1/2019

کوردستان

پۆلیسی هەولێر دەستگیركردنی تۆمەتبارێكی هەڵاتووی ڕاگەیاند

خەڵك – بەشی هەواڵ

بەڕێوەبەرایەتی پۆلیسی هەولێر ڕایدەگەیەنێت، دوای هەڵاتنی تۆمەتبارێك لە كەركوكەوە بۆ هەولێر توانیویانە دەستگیری بكەن و ڕادەستی پۆلیسی ئەو پارێزگایەی بكەنەوە.

بەڕێوەبەرایەتی پۆلیسی هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، دوای هەڵاتنی تۆمەتبارێك لە پارێزگای كەركوك، كە بۆ ماوەی 15 ساڵ سزای زیندانی بۆ بڕابووەوە بەپێی ماددەكانی (٤٥٦، ٤٤۳، ۲٦۷)، ڕایكردبوو بۆ سنوری پارێزگای هەولێر، ئەمڕۆ یەكشەممە 18/8/2019 لەلایەن هێزەكانی بەڕێوەبەرایەتییەكەیانەوە تۆمەتبار دەستگیر كراوە.

ئاماژە بەوەشدراوە، دوای ئاگاداركردنەوەی پۆلیسی هەولێر لە ڕاكردنی ئەم تۆمەتبارە، تیمێك لە بەڕێوەبەرایەتی پۆلیسی هەولێر بەسەرپەرشتی (مقەدەم/ سالار ساڵح ئەحمەد) توانیویانە تۆمەتبارەكە دەستگیر بكەن و دواتر ڕادەستی پۆلیسی پارێزگای كەركوك بكەنەوە و نێردراوەتەوە بۆ پارێزگای كەركوك.

بەردەوام بە لە خوێندنەوە

کوردستان

وێنە.. لە گەرمیان ڕووداوێكی هاتوچۆ 3 برینداری لێكەوتەوە

خەڵك – بەشی هەواڵ

پۆلیسی هاتوچۆی گەرمیان ڕایدەگەیەنێت، بەهۆی نەبوونی مەرجەكانی توندوتۆڵی و دڵنیایی ئۆتۆمبێلێك لەسەر ڕێگای كەلار – دەربەندیخان وەرگەڕا و بەهۆیەوە سێ كەس برینداربوون.

ڕاگەیاندنی پۆلیسی هاتوچۆی گەرمیان لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردووەتەوە، كاتژمێر (4:00)ی پاش نێوەڕۆی ئەمڕۆ یەكشەممە 18/8/2019 ڕووداوێكی هاتوچۆ لەسەر ڕێگای كەلار – دەربەندیخان لەنزیك گوندی پارێوڵەی بچووك ڕوویداوە.

پۆلیسی هاتوچۆی گەرمیان ڕوونیشیكردووەتەوە، ڕووداوەكە 3 برینداری لێكەوتووەتەوە و بەهۆی سەختی برینی یەكێك لە بریندارەكان ڕەوانەی نەخۆشخانەی فریاكەوتنی سلێمانی كراوە.

پۆلیسی هاتوچۆی گەرمیان هۆكاری ڕووداوەكەشی ئاشكرا كردووە و ڕایگەیاندوە، بەهۆی نەبوونی مەرجەكانی توندوتۆڵی و دڵنیایی ئۆتۆمبێلی جۆری (هیوندای – مینی پاس) لەكاتی ڕۆیشتن ئەكسڵی تێكچووە و كۆنتڕۆڵی لەدەستداوە و وەرگەڕاوە.

بەردەوام بە لە خوێندنەوە

کوردستان

سەرۆكایەتی هەرێم: جموجوڵی تیرۆریستانی داعش هەڕەشە و مەترسیی ڕاستەقینەن

خەڵك – بەشی هەواڵ

سەرۆكایەتی هەرێمی كوردستان لە ڕاگەیەندراوێكدا بە توندی سەركۆنەی ئەو هێرشە تیرۆربستییە دەكات كە تیرۆریستانی داعش ئەمڕۆ یەكشەممە 18/8/2019 لە قامیشلۆ‌ ئەنجامیاندا و زیانی گیانی و ماددی لێكەوتەوە، هەروەها لە حەسەكەش مینێك بە ئۆمبێلێكدا تەقێندراوەتەوە و كەسێك بریندار بووە.

سەرۆكایەتی هەرێمی كوردستان لە ڕاگەیەندراوەكەدا، پرسە و سەرەخۆشی لە كەسوكاری قوربانییان دەكات و هاوخەمی بۆیان دەربڕیوە، هیوای زووچاكبوونەوەشی بۆ برینداران و بەركەوتووان خواستووە.

سەرۆكایەتی هەرێمی كوردستان لە ڕاگەیەندراوەكەدا ئەوەشیخستووەتەڕوو، سەرهەڵدانەوەی جموجوڵی تیرۆریستانی داعش و كارە تیرۆرستییەكانیان لە ناوچەكە، هەڕەشە و مەترسیی ڕاستەقینەن و لەسەر ئاستی وڵاتانی ناوچەكە و نێودەوڵەتیش پێویستی بە هاوكاری و هەماهەنگیی زیاتر و كاری جددیترە بۆ ڕووبەڕووبوونەوە و لەناوبردنیان.

بەردەوام بە لە خوێندنەوە

کوردستان