ئێمە لە تۆرە کۆمەڵایەتیەکان

کوردستان

خەڵكی هەولێر و كەلاری تێدایە
لە قەندیل پێنج گەریلای پەكەكە شەهید بوون

خەڵك- بەشی هەواڵ
هێزەكانی پاراستنی گەل (هەپەگە) ئاشكرای دەكات، لە هێرشێكی دەوڵەتی توركدا بۆ سەر ناوچەی حەفتانین و ئاڤاشینی هەرێمەكانی پاراستنی میدیا، پێنج گەریلا شەهیدبوون، كە دووانیان خەڵكی هەولێر و كەلاری باشوری كوردستانن.

ناوەندی ڕاگەیاندنی هەپەگە، كە باڵی سەربازی (پەكەكە)یە ناسنامەی پێنج گەریلای ئاشكراكرد، كە لە ئەنجامی هێرشی دەوڵەتی تورك لە ١٧ و ١٩ی مانگی ١١ی ٢٠١٨ لە ناوچەی حەفتانین و ئاڤاشینی سەر بە هەرێمەكانی پاراستنی میدیا شەهید بوون.

وەك لە ڕاگەیەنراوەكەدا هاتووە، “گەریلا ئاسۆ سلێمان ساڵح بە نازناوی (ئاسۆ كەلار) كە خەڵكی شارۆچكەی كەلاری ناوەندی گەرمیانە و لەگەڵ دوو گەریلای دیكەدا بەناوەكانی (فەداكار دیادن و شۆڕشگێڕ كچی) لە هەرێمی حەفتانین لە بەرواری ١٧-١١-٢٠١٨دا شەهیدبوون”.

ئاشكراشی كردووە، “گەریلا عەبدولباست ئەحمەد مستەفا، ناسراو بە (فرات قەندیل)، كە خەڵكی پارێزگای هەولێری باشوری كوردستانە لە ئەنجامی هێرشی فڕۆكە جەنگیەكانی دەوڵەتی داگیركەری تورك لە هەرێمی ئاڤاشین لەگەڵ هەڤاڵێكی بەناوی (سیابەند فارقین) لە ١٩-١١-٢٠١٨دا شەهیدبوون”.

ناو و ناسناوی شەهیدەكان:
1- ئاسۆ سلێمان سالح جەبار ناسراو بە ئاسۆ كەلار
2- عەبدولباست ئەحمەد مستەفا ناسراو بە فرات قەندیل
3- جەزمی گورسەر ناسراو بە فەداكار دیادن
4- فرات بابات ناسراو بە شۆرەشگەر كچی
5- فەخرەدین شەن ناسراو بە سیابەند فارقین

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان