ئێمە لە تۆرە کۆمەڵایەتیەکان

عێراق

بەرەی توركمانی: بوونی (پەكەكە) هەڕەشەیە بۆسەر توركمان

خەڵك- بەشی هەواڵ

سەرۆكی بەرەی توركمانی، پەكەكە بە “تیرۆرست” وەسفدەكات و پێی وایە، دەیەوێت دەست بەسەر 20 گوندی توركمانی نزیكی شنگال بگرێت، دەشڵێت: “قەزای تەلەعفەر، كە توركمانی تێیدا نیشتەجێیە، ڕووبەڕووی مەترسی دەبێتەوە”.

ئەرشەد ساڵحی، سەرۆكی بەرەی توركمان لە لێدوانێكی بۆ ئاژانسی (ئەنادۆڵ)ی توركیا، ڕایگەیاندووە، “بوونی ڕێكخراوی (پەكەكە)ی تیرۆریستی جوداخواز، لە قەزای شنگالی سەر بە پاریزگای نەینەوا، هەڕەشەیە بۆ سەر ئاسایشی توركمان لە ناوچەكەدا”.

بە وتەی ساڵحی، “ڕێكخراوی پەكەكە هەوڵ دەدات دەست بەسەر 20 گوندی توركمانی نزیك شنگالدا بگرێت، لەو حاڵەتەشدا قەزای تەلەعفەر، كە توركمان تێیدا نیشتەجێیە، ڕووبەڕووی مەترسی دەبێتەوە”.

سەرۆكی بەرەی توركمانی ئاماژەی تێوەگلانی (پەكەكە) دەكات لە هێرشەكانی ئەم دواییەی تەلەعفەر و دەڵێت: “ڕێكخراوی (پەكەكە)پیلانی فراوانبوونی هەیە بۆ سنورەكانی سوریا لەڕێی تەلەعفەرەوە تا بگاتەوە بە لقەكەی تری، كە ڕێكخراوی (یەپەگە)یە و هەوڵدەدات بۆشاییە سنورییەكانی نێوان عیراق و سوریا لە ناوچەكە پڕبكاتەوە، كە دەكەوێتە پشت شنگال”.

ئەرشەد ساڵی پێیوایە، ئێزدییەكانیش لە شنگال گیرۆدەی دەستی (پەكەكە)ن لە ناوچەكەدا و دەڵێت: “ئەو ئێزدیانەی بەهۆی ڕێكخراوی داعشەوە زیانیان پێگەیشت، لەئێستاشدا ڕووبەڕووی گیروگرفت دەبنەوە بەهۆی ڕێكخراوی (پەكەكە)ی تیرۆریست، كە كار بۆ فریودانی ئێزدییەكان دەكات، بە تایبەت كچان و لاوان تا ڕایانبكێشت بۆ نێو ڕێكخراوەكەی”.

ئەرشەد ساڵحی سەرۆكی بەرەی توركمان، تەئكید لەسەر گرنگی هێنانەدی گەشەكردن و سەقامگیری دەكاتەوە بۆ ناوچەكە و پێیوایە، تەنیا لە ڕێی توركیاوە ئەوە دێتەدی، بە تایبەتیش وەك باسی دەكات، “ناوچەكە گەشەكردن و بوژاندنەوە بەخۆوە دەبینێت لە حاڵەتی كرانەوەی مەرزێكی نوێی سنوری لەنێوان عیراق و توركیا، كە وابڕیارە بەمزیكانە لە ناوچەكەدا بكرێتەوە”.

عێراق

عیراق؛ ئاماری توشبوون بە كۆرۆنای بڵاوكردەوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 4593 حاڵەتی نوێی تووشبوون بە ڤایرۆسی كۆرۆنا تۆماركراوە و 4505 كەسیش چاكبوونەتەوە و 68 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 662 پشكنینی تایبەت بە كۆرۆنا ئەنجام دراوە و دەركەوتووە 4593 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 191 و هەولێر 250 و كەركوك 131 و دهۆك 265 حاڵەت تۆماركراوە.

ڕوونیشی كردۆتەوە ، كە 4505 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 101 و هەولێر 194 و دهۆك 226 و كەركوك 111 كەس چاكبوونەوە.

ڕاشیگەیاندووە، 68 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8867 كەس.

بەردەوام بە لە خوێندنەوە

عێراق

وەزیری دەرەوەی ئەمریكا: باڵیۆزخانەكەمان لە بەغدا دادەخەین

خەڵك- بەشی هەواڵ
سەرچاوەیەك لە نوسینگەی بەرهەم ساڵح سەرۆك كۆماری عیراق ڕایدەگەیەنێت، مایك پۆمپیۆ وەزیری دەرەوەی ئەمریكا بە سەرۆك كۆماری ڕایگەیاندووە، واشنتن باڵیۆزخانەكەی لە بەغدا دادەخات گەر هێرشە مووشەكییەكان ڕانەگیرێن، ئەمەش لەكاتێكدایە كە دەستی حەشدی شەعبی خۆی لە بۆردومانكردنی باڵیۆزخانەكە بە مووشەك، بێ‌ بەری كرد.

ئەمڕۆ هەینی، سەرچاوەیەك لە نوسینگەی سەرۆك كۆماری عیراق بە میدیاكانی عیراقی ڕاگەیاند”پۆمپیۆ لە پەیوەندییەكی تەلەفۆنیدا بە سەرۆك بەرهەمی ڕاگەیاندووە، وڵاتەكەی بەنیازە لەماوەیەكی كورتدا باڵیۆزخانەكەی لە بەغدا دابخات، گەر بەئامانجگرتنی باڵیۆزخانەكە بە مووشەك بەمێشوەی ئێستا بەردەوام بێت و ڕانەگیرێت”.

بە وتەی سەرچاوەكە”پۆمپیۆ بە سەرۆكی عیراقی وتووە، بڕیارەكه بۆ سەرۆك دۆناڵد ترەمپ دەگەڕێتەوە، چونكە ئەو نایەوێت بچێتە كێبڕكێی هەڵبژاردنەوە، لەكاتێكدا باڵیۆزخانەی وڵاتەكەی لە بەغدا ڕووبەڕووی بۆردومان و هەڕەشەی بەردەوام دەبێتەوە”.

بەردەوام بە لە خوێندنەوە

عێراق

عیراق، هۆكاریی بەرزبوونەوەی ژمارەى تووشبوون بە كۆرۆنا ئاشكرا دەكرێت

خەڵك- بەشی هەواڵ
وەزارەتی تەندروستی عیراق هۆكاریی بەرزبوونەوەی ئاستی تووشبوون بە ڤایرۆسی كۆرۆنا لە وڵاتدا بۆ جێبەێنەكردنی سزاكان دژ بە سەرپێچیكاران دەگێڕێتەوە.

ئەمڕۆ هەینی ئاژانسی فەرمی (العراقیە) لە زاری حازم جومەیلی بریكاری وەزیری تەندروستیى عيراقەوە بڵاویكردەوە”بەردەوامبوونی تۆماركردنی تووشبوونی زۆر دەستەواژەیەكی مەترسیدارە، جێبەجێنەكردنی سزاكانیش لەدژی سەرپێچیكاران بۆتە مایەی زیادبوونی ژمارەی تووشبوان”.

بە وتەی جومەیلی”ڕەوشی ئابوری وڵات وایكرد بڕیاری هەڵگرتنی قەدەغەكردنی هاتووچۆ دەربكرێت، ڕێكارەكانی وەزارەتی تەندروتیش خۆیان لە دابینكردنی نەخۆشخانەكان و كارمەندانی تەندروستی و ئۆكسیجیندا دەبینێتەوە بۆ بەرەنگاربوونەوەی پەتاكە”.

بەپێی دوایین ئامار كە دوێنێ‌ پێنج شەممە لەلایەن وەزارەتی تەندروستی عیراقەوە بڵاوكرایەوە، لەماوەی 24 كاتژمێری ڕابردوودا 4471 حاڵەتی تووشبوون بە ڤایرۆسی كۆرۆنا تۆماركراوە و 45 كەسیش بە ڤایرۆسەكە گیانيانلەدەستداوە.

بەردەوام بە لە خوێندنەوە

کوردستان