ئێمە لە تۆرە کۆمەڵایەتیەکان

جیهان

ئیسرائیل بەهێزترین گورزی سەربازی لە فەیلەقی قودسی ئێران لە سوریا وەشاند

خەڵك- بەشی هەواڵ

سوپای ئیسرائیل لە راگەیەندراوێكدا ئاشكرای كرد، شەوی رابردوو ئامانجەكانی فەیلەقی قودسی سەر بە سوپای پاسدارانی ئێرانیان لە سوریادا بۆردومان كردووە.

سوپای ئیسرائیل هۆشداریشی داوەتە سوپای سوریا كە بە هیچ شێوەیەك وەڵامی هێرشەكانی ئیسرائیل نەدەنەوە.

شایەتحاڵەكانیش لە دیمەشق دەڵێن، دەنگی تەقینەوەی زۆر گەورەیان بیستووە لە ئاسمانی ناوچەكانیان.

بەپێی سەرچاوە رۆژنامەوانییە رۆژئاواییەكان ئەو هێرشەی شەوی رابردوو ئیسرائیل كردویەتییە سەر پێگەكانی ئێران، بە بەهێزترین هێرش دادەندرێت لە ماوەی چەند ساڵی رابردوودا.

سوپای ئیسرائیل رونیشیكردەوە، هۆكاری وەشاندنی ئەو گورزە بەهۆی هاوێشتنی موشەكێكەوە بووە بۆ نێو خاكی ئیسرائیل لە خاكی سوریاوە.

لای خۆیەوە بنیامین نەتەنیاهۆ سەرۆك وەزیرانی ئیسرائیل رایگەیاند لەسەر هێرشەكانی بۆ سەر پێگەكانی ئێران لە سوریادا بەردەوام دەبن.

لای خۆیەوە سوپای سوریا ئاشكرایكردووە، دژە ئاسمانییەكانیان بەشێكی زۆری موشەكەكانی ئیسرائیلیان بەرداوەتەوە پێش گەیشتنیان بە شوێنی مەبەست.

جیهان

سەرۆكی میسر باری نائاسایی لە وڵاتەكەی ڕاگەیاند

خەڵك – بەشی هەواڵ

سەرۆكی میسر بۆ ماوەی سێ‌ مانگ باری نائاسایی لە وڵاتەكەی ڕاگەیاند.

عەبدولفەتاح سیسی سەرۆكی میسر لە ڕاگەیەندراوێكدا كە ڕۆژنامەی فەڕمی ئەو وڵاتە بڵاویكردەوە، بڕیاریدا لەمڕۆوە بۆ سێ مانگ باری نائاسایی لە میسر بەردەوام بێت.

سەرۆكی میسر لە ڕاگەیەندراوەكەیدا هۆكاری دەركردنی ئەو بڕیارەی بۆ مەترسی ئەنجامدانی پەلاماری تیرۆریستی و گەشەكردنی شانە نووستووەكانی گروپە تیرۆریستییەكان گەڕاندووەتەوە.

هاوكات سیسی فەرمانیكردووە هێزەكانی سوپا و پۆلیس و سەرجەم هێزە ئەمنییەكانی تر بۆ پاراستنی ئاسایشی وڵات و شوێنە گشتی و تایبەتییەكان و پارێزگاریكردن لەگیانی هاووڵاتیان لەئامادەباشیدا بن.

بەردەوام بە لە خوێندنەوە

جیهان

پوتن: دەبێت گرەنتی ئاسایشی پیۆنگ یانگ بكرێت

خەڵك – بەشی هەواڵ

كۆبوونەوەی لوتكەی نێوان ڤلادیمیر پوتن سەرۆكی ڕوسیا و كیم جۆنگ ئون سەرۆكی كۆریای باكور لە شاری ڤلادیڤۆستۆك بەڕێوەچوو.

ئەمڕۆ پێنجشەممە 25/4/2019 ڤلادیمیر پوتن لە كۆشكی فیدراڵی ڕوسیا، پێشوازیی لە كیم جۆنگ ئون كرد و دوای ئەوەی بۆ ماوەی 3 كاتژمێر و نیو گفتوگۆیان كرد پوتن لە كۆنفڕانسێكی ڕۆژنامەوانیدا ڕایگەیاند، ئەم لوتكەیە سودی بۆ پەیوەندییەكانی نێوان پیۆنگ یانگ و مۆسكۆ دەبێت و ڕاوبۆچوونیشیان بۆ باشكردنی دۆخی نیمچە دوورگەی كۆریا ئاڵوگۆڕ كردووە.

سەرۆكی ڕوسیا گەشبینیی خۆشی بە ئەنجامی دانوستانەكان لەگەڵ ھاوتا كۆرییەكەی دەربڕی و ڕایگەیاند: جگە لە ڕێگەچارەی ئاشتییانە ھیچ ڕێگە چارەیەكی تر بۆ نیمچە دوورگەی كۆریا نییە.

پوتن وتیشی: بەرژەوەندییەكانی ڕوسیا و ئەمریكا لەبارەی كۆریاوە ھاوبەشن و ھەردوو وڵاتیش نایانەوێت چەكی ئەتۆمی بە جیھاندا بڵاوببێتەوە.
هەروەك سەرۆكی ڕوسیا ئاماژەی بەوەدا: دەبێت گرەنتی ئاسایشی پیۆنگ یانگ بكرێت و بەرژەوەندی لایەنەكان بپارێزرێت، ئاشكراشیكرد: كیم داوای لێكردوون ئەنجامی دانوستانەكانیان بە لایەنی ئەمریكی ڕابگەیەنن.

لایخۆیەوە، كیم جۆنگ ئون ڕایگەیاند: دانوستانەكانیان چڕ و بنیاتنەر بووە لەسەر تەواوی دۆسییەكان و دۆخی نیمچە دوورگەی كۆریا جێی گرنگیپێدانی كۆمەڵی نێودەوڵەتییە.

جێی ئاماژەیە، كۆبوونەوەكەی كیم جۆنگ ئون سەرۆكی كۆریای باكور و ڤلادیمیر پوتن سەرۆكی ڕوسیا یەكەمین لوتكەی نێوان پیۆنگ یانگ و مۆسكۆیە لە دوای ساڵی 2011ەوە.

بەردەوام بە لە خوێندنەوە

جیهان

ژمارەی كوژراوە مەدەنییەكان لە شەڕی داعشدا ئاشكرا دەكرێت

خەڵك- بەشی هەواڵ
هاوپەیمانی نێودەوڵەتی، كوژرانی 1291 مەدەنی لە مانگی ئابی ساڵی 2014 و لە كاتی ئۆپەراسیۆنەكانی دژ بە چەكدارانی ڕێكخراوی (داعش) لە عیراق و سوریا، ڕاەگەیەنێت.

بەپێی بەیاننامەیەكی هاوپەیمانی نێودەوڵەتی كە لەلایەن ئاژانسی (سپۆتنیك)ی ڕوسییەوە بڵاوكراوەتەوە”هاوپەیمانی نێودەوڵەتی لە نێوان مانگی ئابی 2014 تا كۆتایی مانگی ئاداری 2019، (34464) هێرشی ئاسمانی ئەنجامدراوە، لەو ماوەیەشدا بەپێی ئەو زانیارییانەی دەستبەركراون و بەپێی هەڵسەنگانی گروپە مەیدانییە یەكگرتووە هاوبەشەكان، لانی كەم 1291 مەدەنی بەهۆی ئەو هێرشانەوە كوژراون”.

لە دوای ڕاگەیاندنی تێكشكاندنی ڕێكخراوی (داعش) لە سوریا، دۆناڵد ترەمپ سەرۆكی ئەمریكا، لە 19ی كانوونی یەكەمی ڕابردوو، پاشەكشەپێكردنی هێزەكانی وڵاتەكەی لە سوریا ڕاگەیاند، بەبێ‌ ئەوەی وادەیەك بۆ ئەو پاشەكشەپێكردنە دیاریی بكات.

بەردەوام بە لە خوێندنەوە

کوردستان