ئێمە لە تۆرە کۆمەڵایەتیەکان

جیهان

ئەبولغێت: زیاتر لە نیوەی ئاوارە و پەنابەران لە جیهاندا هاووڵاتیانی وڵاتانی عەرەبین

خەڵك – بەشی هەواڵ

ئەمینداری گشتیی كۆمكاری وڵاتانی عەرەبی رایگەیاند، بەداخەوە زیاتر لە نیوەی ئاوارە و پەنابەران لە جیهاندا عەرەبن و ئیتر بەسە.
ئەحمەد ئەبولغێت ئەمینداری گشتیی كۆمكاری وڵاتانی عەرەبی لە وتەیەكدا لە لووتكەی عەرەبی بۆ پەرەپێدانی ئابووری و كۆمەڵایەتی لە لوبنان رایگەیاند، بەداخەوە زیاتر لە نیوەی ئاوارە و بێماڵ و پەنابەران لە جیهاندا عەرەبن و دەبێت ئاگاداربین لەوەی كە نزیكەی 4 ملیۆن منداڵی سوریا بەهۆی ئەو جەنگەی كە حەوت ساڵە هەڵگیرساوە، لە خوێندن دابڕاون.
ئەمینداری گشتیی كۆمكاری وڵاتانی عەرەبی ئاشكراشی كرد، نزیكەی 20% دانیشتووانی وڵاتانی عەرەبی لە رەوشی هەژاریدا دەژین، كە ئەم هەژارییە تەنیا بە پێوەری داهات ناپێورێت، بەڵكو بەشێكی سەرەكی پەیوەندی بە پەروەردە و چاودێری تەندروستی و گوزەرانەوە هەیە. جێی ئاماژەیە، ئەمڕۆ 20/1/2019 بەبێ بەشداری نوێنەرایەتی سوریا و لیبیا لوتكەی ئابووری وڵاتانی عەرەبی لە بەیروتی پایتەختی لوبنان بەڕێوەچوو، بڕیاریشە لە كۆتایی لوتكەكەدا، لوبنان پڕۆژەیەك بۆ چارەسەركردنی پرسی كۆچبەرانی سوریا لە وڵاتانی دراوسێی بخاتەڕوو.

جیهان

ترەمپ خەڵاتی گفتووگۆ لەگەڵ تاران ناباتەوە

خەڵك –بەشی هەواڵ

وەزیری دەرەوەی ئێران ڕایگەیاند هەڵسوكەوتەكانی دۆناڵد ترەمپ سەرۆكی ئەمریكا تائەوپەڕی نایگەیەنەتە بردنەوەی خەڵاتی گفتووگۆ لەگەڵ تاراندا.

محەمەد جەواد زەریف بە ڕۆژنامەی ناشناڵ ئێنترێست-ی ڕاگەیاند، ترەمپ ئەوپەڕی فشار دەكاتەسەر ئێران بەهۆی ڕاوێژە هەڵەكانی كە پێیانداوە.

ناوبراو لەبارەی لێدوانی ئەمریكاییەكان بۆ خستنەخوارەوەی فڕۆكەیەكی ئێرانی ڕایگەیاند هیچ زانیارییەكی لەوبارەیەوە نییە.

دەشڵێت” تا ئێستا لەبارەی چ ڕوویداوە نازانم، كە ترەمپ دەڵێت فڕۆكەیەكی بێفڕۆكەوانی ئێرانیان خستووەتەخوارەوە”.

بەردەوام بە لە خوێندنەوە

جیهان

ئەمریكا هاوپەیمانی لەشكری دژی تاران دروستناكات

خەڵك –بەشی هەواڵ

كاربەدەستێكی پایەبڵندنی وەزارەتی بەرگری ئەمریكا پێنتاگۆن دەڵێت “ئەمریكا ئامانجی لە دەستپێشخەری ئەمنی نوێ بۆ كەنداو پێكهێنانی هاوپەیمانێتییەكی لەشكری نییە لە دژی ئێران”.

كاسرینم وێلبارجر لە بارەی پێشنیارێكی وڵاتەكەی بۆ ئەندامانی پەیمانی باكوری ئەتڵەسی ڕونكردنەوەی داوە و ڕایگەیاندووە پێشنیارەكە جەخت دەكات لەسەر چڕكردنەوەی تواناكانی چاودێریكردن.

دەشڵێت “ئەمە هاوپەیمانی نییە دژی ئێران، ئامانج لێی فراوانكردنی بواری هۆشیاری دەریایی و توانای چاودێریكردنە لە ناوچەكە بۆ پێشگرتن بە هەر كردەوەیەكی تێكدەرانە”.

لەگەڵ بەرفراوانبوونی ناكۆكییەكانی ئەمریكا و ئێران، ئاسایشی كەنداو بەتایبەت گەرووی هورمز تێكچووە و تا ئێستا چەند كەشتییەك هێرشیانكراوەتەسەر و ژمارەیەكیش بێسۆراخ بوون.

بەردەوام بە لە خوێندنەوە

جیهان

تەقینەوەیەك كابوڵی هەژاند

خەڵك –بەشی هەواڵ

وەزارەتی تەندروستی ئەفغانستان ڕایگەیاند، ئەمڕۆ هەینی بەهۆی تەقینەوەیەكەوە دوو كەس كوژران و 10ی دیكەش بریندار بوون.

وەحید مایار وتەبێژی وەزارەتی تەندروستی لە توێنەر ڕاشیگەیاند، تەقینەوەكە لە نێوەڕاستی كابوڵی پایتەخت ڕوویداوە لە بەیانی زووی ئەمڕۆ هەینیدا.

هاوكات وتەبێژی پۆلیسی كابوڵ بەسیر موجاهید بۆ ئاژانسی سپۆتنیك دەڵێت “تەقینەوەكە لە دەروازەی زانكۆی كابوڵ بووە”.

ڕاشیگەیاند، تا ئێستا شێوازی تەقینەوەكە نەزاندراوە.

 

بەردەوام بە لە خوێندنەوە

کوردستان