ئێمە لە تۆرە کۆمەڵایەتیەکان

عێراق

ساڵی داهاتوو سەرژمێری گشتی دانیشتووانی عێراق دەكرێت

خەڵك – بەشی هەواڵ

وەزارەتی پلاندانانی عیراق ئامادەكاری دەكات بۆ بەڕێوەچوونی سەرژمێری گشتی دانیشتووان لەساڵی 2020دا.
وەزارەتی پلاندانانی عیراق لە راگەیەندراوێكدا ئاماژەبەوەدەدات: نوری سەباح دلێمی وەزیری پلاندانان لەنزیكەوە چاودێری كارەكانی تایبەت بەئامادەكارییەكان دەكات بۆ ئەنجامدانی سەرژمێری گشتی دانیشتووانی عیراق لەساڵی 2020دا كە لەلایەن دەزگای ناوەندی بۆ سەرژمێری ئەنجامدەدرێت.
راگەیەندراوەكە ئەوەشیخستۆتە ڕوو، وەزیری پلاندانانی عیراق لەكاتی بەسەركردنەوەی دەزگای ناوەندی بۆ سەرژمێری گشتی، تەئكیدی لەسەر گرنگی باشتركردنی تواناكانی كاری دەزگاكە كردۆتەوە لە رێگەی دروستكردنەوەی چەند ناوەندێكی كاركردنی تایبەتمەند بەو بوارە بۆ پەرەپێدان بە شارەزاییەكانی بواری سەرژمێری گشتی و ئاشناكردنیان بە نوێترین تەكنیكەكان كە رۆڵیان دەبێت لە لە ووردی كاركردن و خێرایی بەڕێوەچوونی پڕۆسەكە.

عێراق

كارمەندانی تەندروستی لە سێ پارێزگای عیراق بایكۆتیان دەستپێكرد

خەڵك – بەشی هەواڵ

ئەمڕۆ چوارشەممە كارمەندانی تەندروستی لە پارێزگەكانی میسان و واست و زی قار بایكۆتیان دەست پێكردەوە , كارەكانیان جێهێشتووە لەپێناو جێبەجێ كردنی داواكارییەكانیان.

ماڵپەڕی سۆمەرییە نیوز بڵاویكردەوە، كارمەندانی ئەو سێ پارێزگەیە بایكۆتی كارەكانیان لە ناو بنكەكانی تەندروستی و نەخۆشخانەكان دەستپێكردووە.
كارمەندان داوای زیادكردنی مووچە و بەرزكردنەوەی دەرماڵەی مەترسی لە %50 بۆ %80 و لەخۆگرتنی مافی دابەشكردنی زەوی دەكەن.

بەردەوام بە لە خوێندنەوە

عێراق

“عیراقییەكان هێشتا توانایان نییە بۆ پارێزگاریكردن لە ئاسایشی وڵاتەكەیان”

خەڵك – بەشی هەواڵ

بەرپسێكی باڵیۆزخانەی ئەمریكا لە بەغدا، دەڵێت، عیراقییەكان هێشتا ئامادەیی و توانایان نییە بۆ پارێزگاریكردن لە ئاسایشی وڵاتەكەیان، بەڵام هەر كات بەغدا داوا بكات، ئەوا وڵاتەكەی ئامادەیە، هێزەكانی لە عیراق بكشێنێتەوە.

جۆی هوود، یەكێك لەكار بەڕێوەبەرانی باڵیۆزخانەی ئەمریكا لە بەغدا، ڕایگەیاندووە” هێزەكانی ئەمریكا لەسەر داوای حكومەتی عیراق لەو وڵاتەن هەر كات حكومەتی عیراق داوایان لێ بكات، هێزەكانی هاوپەیمانی نێودەوڵەتی و هێزەكانی ناتۆ و هێزەكانی ئەمریكاش عیراق بەجێ دەهێڵن.

بە بڕوای جۆی هوود، ئەگەر یارمەتی هێزە بیانییەكان نەبێت تا ئێستا هێزە ئەمنییەكانی عیراق توانا و ئامادەیی پاراستنی ئاسایشی وڵاتیان نییە و ناتوانن بەرگری لە سەروەری خاكەكەیان بكەن و بپارێزن.

ئەو بەرپرسەی ئەمریكائەوەشی وتووە: ئەمریكا بنكەی سەربازی لە عیراق نییە ئەوەی هەن، ڕاهێنەرو ڕاوێژكاری سەربازیین.

دۆناڵد ترەمپ، سەرۆكی ئەمریكا، لە سەرەتای مانگی دوودا، ڕایگەیاندبوو” بەنیازە هێزەكانی وڵاتەكەی لە عیراق بۆ چاودێری ئێران بهێڵێتەوە”، ئەم وتەیە، كاردانەوەی هێزە عیراقیی و بەرپرسە حكومییەكانی لێكەوتەوە و هەر داوایەكی لەوجۆرە لە لایەن ئەمریكاوە بۆ چاودێری و پەلاماری ئێران ڕەتكرایەوە.

پەیوەست بەو پرسە، جۆی هوود، ئەو هەواڵانەی ڕەتكردەوە كە گوایە هێزەكانی ئەمریكا لە عیراقەوە بیانەوێت چاودێری ئێران بكەن.

جۆی هوود، كار بەڕێوەبەرلە باڵیۆزخانەی ئەمریكا لە بەغدا

بەردەوام بە لە خوێندنەوە

عێراق

بەرپرسێكی ئەمریكایی: ئەگەر حكومەتی عیراق داوا بكات، دەكشێینەوە

خەڵك-بەشی هەواڵ

ڕاسپێردراوی باڵیۆزخانەی ئەمریكا لە عیراق ڕایدەگەیەنێت، ئەگەر حكومەتی بەغدا داوا بكات دەشێت سەربازەكانمان لە عیراق بكشێنینەوە.
دوای بڕیاری كشانەوەی هێزەكانی ئەمریكا لە سوریا، بەشێك لە هێزە شیعییەكانی عیراق دەیانەوێ لە ڕێگای پڕۆژە یاسایەكەوە هێزەكانی ئەمریكا لە عیراق وەدەرنێن، هاوكات جەمال ئەحمەد پەڕلەمانتاری عیراق بە (خەڵك)ی ڕاگەیاند، هێزەكانی ئەمریكا بە پڕۆژە یاسا و یاسایەك كە لەلایەن چەند پەڕلەمانتارێكەوە دەردەچێت، ناچنە دەرەوەی عیراق.

ووتیشی”عیراق لە ئێستادا پێویستی بەو هێزانە هەیە، بەڵام ئەو هێزە شیعییانە ئەجێندای وڵاتانی دیكە لە عیراق جێبەجێ دەكەن”.

لای خۆشییەوە جۆی هود ڕاسپێردراوی باڵیۆزخانەی ئەمریكا لە عیراق ڕایگەیاند، لەسەر بانگەوازی حكومەتی ناوەندی عیراق، هاتووینەتە عیراق.

وتیشی”ئەگەر حكومەتی عیراقی داوا بكات هاوپەیمانی نێودەوڵەتی و هێزەكانی ناتۆ دەكشێنەوە.

ئاماژەی بۆ ئەوەش كرد، تەنیا راوێژكاری سەربازی و مەشقپێكەرانی ئەمریكایی لە عیراقدا بوونیان هەیە و هیچ بنكەیەكی سەربازی تایبەت بە ئەمریكا بوونی نییە، ئاشكراشیكرد، ٥ هەزار و ٢٠٠ سەربازی ئەمریكایی هاوشانی هێزە عیراقییەكان جموجۆڵ دەكەن، چونكە هێزە عیراقییەكان نەگەیشتوونەتە ئاستێك بەبێ راوێژكارانی سەربازی بیانی ئاسایش بپارێزن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان