ئێمە لە تۆرە کۆمەڵایەتیەکان

کوردستان

كۆسرەت رەسول: بەبێ‌ یەكلاكردنەوەی چارەنووسی كەركوك چارەسەری بنەڕەتی پرسی كورد ناكرێت

خەڵك – بەشی هەواڵ

جێگری سكرتێری گشتی یەكێتیی نیشتمانیی كوردستان رایدەگەیەنێت، پرسی كەركوك‌و چارەنووسی ناوچە كوردستانيیە دابڕێنراوەكان، پرسێكی كوردستانی گشتگیرە و داهاتووی پرسەكە پەیوەندی بەهەموو تاكێكی كوردەوە هەیە لە هەموو بەشەكانی كوردستان.
سەرلە بەیانی ئەمڕۆ 20/1/2019 كۆسرەت رەسول عەلی جێگری سكرتێری گشتی (ی.ن.ك)، لەشاری سلێمانی لەگەڵ ژمارەیەك لە كارگێڕان و ئەندامانی مەكتەبی سیاسی‌ وسەركردایەتی حزبەكەی، لەگەڵ ئەنجومەنی مەڵبەندی كەركوك‌ و ژمارەیەك لە كادرانی حزبەكەی كۆبۆوە.
كۆسرەت رەسول عەلی لە كۆبوونەوەكەدا رایگەیاند، بەدرێژایی مێژوو كەركوك پرسێكی گرنگ ‌و چارەنووسساز بووە و بەبێ‌ یەكلایی كردنەوەی چارەنووسی كەركوك، چارەسەری بنەڕەتی پرسی كورد ناكرێت.
جەختیشی كردەوە، “پرسی كەركوك‌ و چارەنووسی ناوچە كوردستانیە دابڕێنراوەكان، پرسێكی كوردستانی گشتگیرە و داهاتووی پرسەكە پەیوەندی بەهەموو تاكێكی كوردەوە هەیە لەهەموو بەشەكانی كوردستان.”
كۆسرەت رەسول عەلی روونیشیكردەوە، لە پێناوی كەركوك ‌و كەركوكيیەكاندا، بەدرێژایی مێژوو، لە خەباتی چەكداری ‌و سیاسی‌ و پەرلەمانی ‌و یاسایی ‌و دیموكراسیدا یەكێتی قوربانی زۆری بۆ كەركوك داوەو لەو پێناوەیشدا هەمیشە بەردەوام دەبێت.
جێگری سكرتێری گشتی، تەئكیدی كردەوە، پێكەوەژیانی ئاشتییانەی نێوان هەموو پێكهاتە ڕەسەنەكانی كەركوك‌ و قوڵكردنەوەی گیانی لێبوردەیی ‌و تەبایی لە شارەكەدا، ئەركێكی گرنگە ‌و یەكێتی لە ڕابردوودا درێغی نەكردووە و بۆ داهاتووش بەردەوام دەبێت.

کوردستان

عەربەت.. شەش ئۆتۆمبێل پێكیاندادا

خەڵك –بەشی هەواڵ

بەیانی ئەمڕۆ پێنج شەممە ڕووداوێكی هاتوچۆ لەسەر ڕێگەی عەربەت- تانجەرۆ لە سنوری پارێزگای سلێمانی ڕووی دا.

بەپێی زانیارییەكانی پۆلیسی هاتوچۆ، شەش ئۆتۆمبێل بە یەكیانداداوە بەهۆی نەپاراستنی ماوەی سەلامەتییەوە و ڕووداوەكە زیانی گیانی نەبووە، بەڵام زیانی ماڵی هەبووە.

ڕۆژانە بەهۆی خراپی ڕێگاوبانەكان و پابەندنەبوونی شۆفێران بە ڕێنماییەكانی هاتوچۆوە، چەندین ڕووداو ڕوو دەدەن و دەیان كەس دەبنە قوربانی سەرباری زیانە ماڵییەكانی.

بەردەوام بە لە خوێندنەوە

کوردستان

پڕۆژەی دۆکیۆمێنتی بینا کۆنەکانی سلێمانی ڕاگەیەندرا

سلێمانی ـ نزار جەزا

ئەمڕۆ پێنج شەممە سیتی لابی سلێمانی کۆتاییهاتنی پڕۆژەی بەدۆکیۆمێنتکردنی گەڕەک و بینا کۆنەکانی سلێمانی ڕاگەیاند.

پڕۆژەی بەدۆکیۆمێنتکردنی گەڕەک و بینا کۆنەکانی سلێمانی کۆمەڵێک گرنگی هەیە کە لەکورتەی پڕۆژەکەدا بەچەند خاڵێک گرنگییەکەی خراوەتەڕوو:

یەکەم: پاریزگاریکردن لەپێناسە و ناسنامەی شاری سلێمانی، کە خەریکە لەدەستدەدرێت، بەهۆی تەشەنەکردنی شێوازە نوێ و هاوردە و نەخوازراوەکانی تەلارسازی لەدەرەوەی وڵات.

دووەم: گرنگی زۆریئەو خانوو گەڕەکە کۆنانە بۆپەرەپێدانی لایەنی ئابووری شار لەڕێگەی پەرەدان بە بواری گەشتوگوزار لەو خانوو و گەڕەکانەدا.

سێهەم: نەبوونی ئامارێکی تەواوی ئەوخانوو و گەڕەکە کۆنانە بۆ پەرەپێدان بەبواری توێژینەوەی زانستی لەبەشەکانیتەلارسازی و مێژووناسی و کلتووری.

چوارەم :ڕزگارکردنی ئەو بەشەکەمەی کە ماوە لە خانو و بینا و بەشە کۆنەکانی سلێمانی لە ڕوخان و ڕووخاندن.

پێنجەم: بۆ دروستکردنی داتابەیسێکی دروسە لەڕێگەی بەکارهێنانی سیستمی GIS.

شەشەم: بۆ پارێزگاریکردن لە شێوازی ژیانی ڕۆژانە و کلتوری ڕەسنی شارەکە.

حەوتەم: قۆناغێکی گرنگ و سەرەکی و پێویستە بۆ دروستکردنی ماستەرپلانێکی گشتگیر.

چرۆ حەیدەر ، بەڕێوەبەری سەنتەری سیتیلابی سلێمانی بە (خەڵک)ی ڕاگەیاند، ساڵ بە ساڵ خانووە کۆنەکانی سلێمانی بەرەو لەناوچون دەچن، کە بەپێی داتاکان نزیکی 200 خانوی کۆن لە کۆی شەش هەزار و 300 خانوو ماوەتەوە، کە لەو ڕێژەیەش تەنها نزیکی 120 خانوو بەکەڵکی تێداژیان دێت، بۆیە زۆر گرنگە ئەم بینا کۆنانە بپارێزرێن.

ئاماژەی بەئەوەشدا، لەساڵی ئایندەدا قۆناغی سێهەمی پڕۆژەکە کۆتایی دێت و لەئێستاشەوە دەکرێت کار لەسەر نۆژەنکردنەوەی ئەو بینا کۆنانە بکرێت.

سیتی لابی سلێمانی لەساڵی 2017 وەک سەنتەرێکی هاوبەشی نێوان کۆمپانیای ڤیوپایەنیر و زانکۆی سلێمانی بەگرێبەسێکی تایبەت دەستی بەکار و چالاکییەکانی کرد.

سیتی لابی سلێمانی یەکەمجارە لە کوردستان و دەوروبەری دەکرێتەوە، کە ڕاستەوخۆ سودمەندە لەئەزمونەکان سیتی لابی زانکۆی ساکسیۆن لەهۆڵەندا، کە شێوازێکی نوێیە لەبەکارهێنانی کۆمەڵێک ئامڕاز و هۆکاری تایبەت بۆ پێکەوەبەستنی زانکۆ و کەرتی گشتی و کەرتی تایبەت و چڕکردنەوەی هەموو هەوڵەکان بۆ ئاڕاستەکردنیان بۆ چارەسەری کێشەکان لەسەر ئاستی شارەکان.

بەردەوام بە لە خوێندنەوە

کوردستان

دەسپاكی ئامارەكانی گەندەڵی بڵاوكردەوە

خەڵك ـ ئارام سەردار

ئەمڕۆ پێنچ شەممە ۱۸ی تەمووزی ۲۰۱۹، سەرۆكی دەستەی دەسپاكی ئاشكرای كرد ،52 كەیسمان ڕەوانەی دادگای لێكۆڵینەوە كردووە ، 20 كەیسی گەندەڵیمان ڕەوانەی دادگای تایبەتمەند كردووه.

ئەحمەد ئەنوەر سەرۆكی دەستەی دەسپاكی هەرێمی كوردستان لە كۆنفڕانسێكی ڕۆژنامەوانیدا ڕایگەیاند ، داوایان كردووە لەحكومەت ناوی بەرپرسەكانیان بۆ بنێرێ بۆ ئەوەی فۆڕمی دەستەی دەسپاكی بۆ ئاشكراكردنی سەروەت و سامانیان بۆ ڕەوانە بكەن.

دەشڵێت “وەك چۆن لە بەرنامەی كاری كابینەی نۆیەم دووپاتكراوەتەوە، داوامان كردووە، حكومەت كار لەسەر چاكسازی و نەهێشتنی گەندەڵی بكات، چونكە ئێستا لە هەموو كات زیاتر هەرێم پێویستی بە چاكسازییە لە كەرتی گشتی و سێكتەرەكانی خزمەتگوزاری ، ئەنجومەنێكیش بۆ دژایەتی گەندەڵی و دادگایەكی تایبەتیش بۆ كەیسەكانی گەندەڵی دابمەزرێنرێت بۆ خێرا یەكلاكردنەوەی كەیسەكانی گەندەڵی هاوشێوەی بەغدا”.

سەرۆكی دەستەی دەسپاكی ئەوەش دەخاتەڕوو، كۆی گشتی كەیسەكانی هەواڵدەری گەیشتووەتە 245 كەیس، تەنها لە شەش مانگی یەكەمی ئەمساڵ 88 داوای هەواڵدەری كەیسی گەندەڵی تۆمار كراون، هەروەها 143 داوای سزایی كەیسی گەندەڵی تۆمار كراون و كۆی گشتی داوای سزایی گەیشتووەتە 250 كەیس، لەهەمان كاتدا لەكۆی ۷۲ كەیسی تایبەت كە رەوانەی دادگای لێكۆلینەوە و ڕەوانەی دادگای تایبەتمەند كردووە ، 17 كەیس یەكلایی كراونەتەوە و بڕیاری دادگای بۆ دەرچووە .

ئاماژەی بەوەشكرد، لەئێستادا 105 كەیس لە قۆناغی لێكۆڵینەوەن و دوای تەواوبوونی ڕێكارەكانی تر تەواو دەكەن.

بەردەوام بە لە خوێندنەوە

کوردستان