ئێمە لە تۆرە کۆمەڵایەتیەکان

ئابوری

خەڵك؛ كاتی پەسەند كردنی بودجەی عیراق ئاشكرادەكات

خەڵك – بەشی هەواڵ
پەرلەمانتارێكی كورد لە ئەنجومەنی نوێنەرانی عیراق ڕایدەگەیەنێت، ڕۆژی سێ شەممە بڕیارە خوێندنەوەی كۆتایی بۆ پڕۆژە یاسای بودجەی ساڵی 2019ی عیراق بكرێت، دەشڵێت: “پێم وانیە لەكۆبوونەوەی داهاتوو كابینەكەی عادل عەبدولمەهدی تەواو بكرێت”.

غالب محەمەد، ئەندامی ئەنجومەنی نوێنەرانی عیراق لە فراكسیۆنی گۆڕان بە (خەڵك)ی ڕاگەیاند، دوای ماوەیەكی زۆر لە كۆبوونەوە و گفتوگۆكردن دەربارەی پڕۆژە یاسای بودجەی عیراق، ڕۆژی سێ شەممە بڕیارە خوێندنەوەی كۆتایی بۆ ئەنجام بدرێـت.

ڕاشیگەیاند، هەر لە كۆبونەوەكەی ڕۆژی سێ شەممە تەواوكاری لە كابینەكەی عادل عەبدولمەهدی كاری لەسەر دەكرێت، بەڵام ئەوەندەی ئاگادار بم لەو كۆبوونەوەیەدا تەواوكاریەكە كۆتایی نایەت و وەزیرەكان دەنگیان لەسەر نادرێت.

پێشتریش، د. بەشیر خەلیل، جێگری سەرۆكی پەرلەمانی عیراق لە پشكی كورد بۆ (خەڵك) ڕایگەیاند، كە لەم هەفتەیەدا پڕۆژە یاسای بودجەی ساڵی 2019 پەسەند دەكات و مادەی تایبەت بە مووچەی فەرمانبەران و پێشمەرگە جێگیر كراوە.

ئابوری

ئومێد خۆشناو باسی گرێبەستە 50 ساڵییەكەی نەوت دەكات

خەڵك – بەشی هەواڵ

ئومێد خۆشناو سەرۆكی فڕاكسیۆنی پارتی لە پەرلەمانی كوردستان لەلاپەڕەی فەرمی خۆی لە تۆڕی كۆمەڵایەتی فەیسبوك بابەتێكی لەسەر گریببەستی 50 ساڵەی نەوتی هەرێم لەگەڵ توركیا بڵاوكردەوە و نووسیویەتی: گرێبەستی 50 ساڵە و چەند ڕاستییەك.

 

 

دەقی نووسینەكەی سەرۆكی فڕاكسیۆنی پارتی لە پەرلەمانی كوردستان :

 

گرێبەستی ٥٠ ساڵەو چەند ڕاستیەك.

دەمێكە چەند كەسێك لە ئاستی سەرو ناوەندو خوارووی هەندێ حزب، باسی ئەوە دەكەن گوایە ئاگاداری ناوەڕۆكی گرێبەستی ٥٠ ساڵەی نێوان كوردستان و توركیا نین!

ئەو كەسانە پێویسته لە نوێنەرانی خۆیان لە حكومەت بپرسن ئایە ئەو گرێبەستە چیەو چەند ئاگادارن؟، پێویست ناكات ڕای گشتی چەواشە بكەن، بەڵام بۆزانیاری هەموولایەك ئەوچەند ڕاستیە دەخەمەڕوو.

١/ گرێبەستی ٥٠ ساڵە لەسەردەمی كابینەی ٧ی حكومەتی هەرێمی كوردستانەو لەو دەم ئەنجومەنی هەرێمی نەوت و غاز بەو شێوەیە بوو.

*سەرۆك وەزیران نێچیرڤان بارزانی

*جێگری سەرۆك وەزیران عیماد ئەحمەد

*وەزیری سامانە سروشتیەكان ئاشتی هەورامی

*وەزیری دارایی خوالێخۆشبوو شێخ بایز تاڵەبانی

*وەزیری پلاندانان دكتۆر عەلی سندی

*سكرتێری ئەنجومەنی وەزیران دكتۆر ئامانج ڕەحیم.

ئەرێ خەڵكی كوردستان ئەو بەڕێزانە كێن و لە چ حزبێكن؟

ئەرێ چ جارێك یەكێك لەو بەڕێزانه باسی ئەوەی كردوە ئاگاداری گرێبەستەكە نەبن؟.

٢/ لەسەردەمی كابینەی ٨ حكومەتی هەرێمی كوردستان بۆ دەوڵەمەندكردن و پێداچوونەوه بە گرێبەستەكە، شاندێكی حكومەتی هەرێمی كوردستان كە پێكهاتبوو لە:

*قوباد تاڵەبانی جێگری سەرۆك وەزیران

*ڕێباز حەملان وەزیری دارایی و نوێنەری ئەوكاتی بزوتنەوەی گۆڕان

*ئاشتی هەورامی وەزیری سامانە سروشتیەكان

*د. عەلی سندی وەزیری پلاندانان

*د.ئامانج ڕەحیم سكرتێری ئەنجومەنی وەزیران، لەسەردەمی كابینەی ٨ چوونە توركیا و هەمواری ڕێكەوتنەكەیانكرد.

دیسان ئەرێ خەڵكی كوردستان ئەوانە كێ بوون و لە چ حزبێك بوون؟

ڕۆژێك لە ڕۆژان كەسێكتان بینی لەوانە بڵێن ئاگادارنین؟.

٣/چەند جارێك ئەنجومەنی هەرێمی نەوت و گاز، بۆ زانیاری دان لەگەڵ سكرتێر و ڕێكخەری حزبەكان و مەكتەبی سیاسی حزبەكان كۆبوونەوەو زانیاری ووردیان پێدان.

بۆیه واباشە چیتر خۆڵ نەكەنە چاوی خەڵك و ڕای گشتی چەواشە نەكەن، هەر پرسیارێكتان هەیە لە نوێنەرانی خۆتان لەحكومەت بكەن.

بەری ڕۆژ بە بێژینگ ناگیرێ، كاتی دەرخستنی زۆر لە ڕاستیەكان هات و ئێمەو ئێوە، بە ئەرگۆمێنت و دیكۆمێنت قسان دەكەین، لۆژیك و مەنتق و نیشاندانی ڕاستی كاری ئێمە دەبێ و ئێوەش لە چەواشەكاری و ناڕاستی بەردەوام بن و داوجاریش خەڵكی وویژدان زیندووی كوردستان لە نێوان ئێمەو ئێوە حاكم و حەكەم دەبێ.

 

ئومێد خۆشناو
سەرۆكی فراكسیۆنی پارتی لە پەرلەمان

بەردەوام بە لە خوێندنەوە

ئابوری

پەنجەمۆر و گلێنەی چاو دەخرێتە سەر پسووڵەی خۆراك

خەڵك- بەشی هەواڵ

وەزیری بازرگانی عیراق و نوێنەری پڕۆگرامی خۆراكی جیهانی كۆدەبێتەوە و دواین بڕیار لەسەر بە ئەلیكترۆنی كردنی پسووڵەی خۆراك و كردنی بە كارتی زیرەك دەدەن و لە شاری سلێمانی-ش لە بریكارێكی خۆراك وەك تاقیكردنەوە پەنجەمۆر و گلێنەی چاوی هاووڵاتیان وەرگیراوە.

بەپێی ڕاگەیەنراوێكی وەزارەتی بازرگانی عیراق، د. عەلا جبوری، وەزیری بازرگانی لەگەڵ نوێنەری پڕۆگرامی خۆراكی جیهانی كۆبۆتەوە بۆ تەواو كردنی ڕێكارەكانی پڕۆژەی كارتی خۆراكی ئەلیكترۆنی و پەیوەستكردنی بنكەی زانیارییەكانی پسووڵەی خۆراك بە بنكەی زانیارییەكانی تۆڕی پاراستنی كۆمەڵایەتییەوە.

ئاماژەی بەوەشكردووە، گفتوگۆ كراوە لەسەر پڕۆژەی كارتی خۆراكی ئەلیكترۆنی و نوێكردنەوەی بەرنامەكان لەلایەن پڕۆگرامی خۆراكی جیهانی تاوەكو بزانرێت ئەوانەی سوودمەندن لە بەشەخۆراكی مانگانە خەڵكی شایستەن یان نا.

جەختیشی كردۆتەوە، بڕیار دراوە ڕێكارێك دابنرێت بۆ دیاری كردنی ئەو چینانەی شایستەن بۆ بەشەخۆراك و بۆ ئەوەش ڕووپێوی مەیدانی بۆ دانیشتوان دەكەن.

پێشتریش، یاسین مەحمود، بەڕێوەبەری پسووڵەی خۆراك لە سلێمانی بۆ (خەڵك) ڕایگەیاند، كە دەستیان بە دابەشكردنی پسووڵەی بەشەخۆراكی مانگانەی هاووڵاتیان كردووە، كە بۆ ساڵی (2020-2021)ە.

سەبارەت بەوەی پسووڵەی خۆراك دەبێت بە ئەلیكترۆنی و كارتی زیرەك وتی، “ئەو بڕیارە لە عیراق دەرچووە و تا ئێستا هیچ شتێكی نوێ‌ نەهاتووە بۆمان، تەنها ئەوەبوو ساڵی ڕابردوو وەك تێست یەك بریكاری خۆراك كرا بە ئەلیكترۆنی و پەنجەمۆر و گلێنەی چاوی هاووڵاتیانی وەرگرت بۆ ئەوەی بزانین تاوەكو چەندە سەركەوتووە و داتاكان درایەوە بە عیراق، بەڵام دوای ئەوە هیچ شتێكی نوێمان بۆ نەهاتووە”.

بەردەوام بە لە خوێندنەوە

ئابوری

دابەشكردنی بڕێك پارە بەپێی فۆڕمی خۆراك و پێناس ڕادەگەیەنرێت

خەڵك- بەشی هەواڵ
بەڕێوەبەرایەتی تۆڕی پاراستنی كۆمەڵایەتی گەرمیان ئاشكرای دەكات، لە سبەینێوە ئەو هاووڵاتیانەی ناویان تۆماركرداوە بۆ وەرگرتنی بڕی 100 هەزار دیناری هاوكاری سەردانی ببانكی كەلار بكەن بۆ وەرگرتنی بەپێی فۆڕمی خۆراك و ڕەگەزنامەی سەرۆك خێزان.

بەڕێوەبەرایەتی تۆڕی پاراستنی كۆمەڵایەتی گەرمیان لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، هەموو خێزانە هەژار و كەمدەرامەتەكانی گەڕەكەكانی (گردەگۆزینە و ئاوارەكان و شەهیدان) لەگەڵ گوندەكانی دەوروبەری كەلار و ڕزگاری ئەوانەی، كە لەمانگی 8ی ڕابردوودا ناوەكانیان لەلایەن لیژنەكانمانەوە تۆماركراوە پارەی هاوكاری حكومەت بەسەریاندا دابەش دەكرێت.

ڕاشیگەیاندووە، ئەو هاووڵاتیانە دەتوانن سبەینێ شەممە 5ی 12ی 2020 سەردانی بانكی كەلار بكەن لەشاری كەلار، بەمەبەستی وەرگرتنی بڕە هاوكاری پاراستنی كۆمەڵایەتی.

ئاشكراشی كردووە، پارەكە بڕی 100 هەزار دینارە و هەر خێزانێك پێویستە ڕەگەزنامە و فۆرمی خۆراكی پێبێت بۆ وەرگرتنی بڕە هاوكارییەكە.

بەردەوام بە لە خوێندنەوە

کوردستان