ئێمە لە تۆرە کۆمەڵایەتیەکان

ژینگە

كەشوهەوای هەرێم دەگۆڕێت و پلەی گەرما بەرزدەبێتەوە

خەڵك- بەشی هەواڵ
كەشناسی عیراق پێشبینییەكانی بۆ دۆخی كەشوهەوای ڕۆژانی داهاتوو بڵاودەكاتەوە و شارەزایەكی كەشناسی-ش دەڵێت: “گۆڕانكاری لە كەشوهەوا ڕوودەدات و پلەی گەرما بەرزدەبێتەوە”.

سادق عەتیە، پسپۆڕ و پێشبینیكاری كەشناسی عیراقی لە هەژماری خۆی لە فەیسبووك ڕایگەیاندووە، ئەم هەفتەیە زۆربەی كات ئاسمان لە سەرجەم ناوچەكانی عیراق و هەرێمی كوردستان ساماڵ دەبێت و دۆخی كەشوهەوا جۆرێك لە سەقامگیری وەردەگرێت و هیچ حاڵەتێكی كەشناسی وەك باران و بەفر تۆمار ناكرێت.

ڕاشیگەیاندووە، لە ڕۆژی سێ‌ شەممەوە پلەكانی گەرما ڕوو لە بەرزبوونەوە دەكەن و كەشوهەوا دەگۆڕێت.

لای خۆشیەوە، دەستەی كەشناسی و بوومەلەرزەزانی عیراق لە بەیاننامەیەكدا ئاماژەی بەوەكردووە، ڕۆژی دوو شەممە ئاسمانی ناوچەكانی عیراق و هەرێم زربەی كات نیمچە هەور دەبێت و هەندێك كاتیش هەور دەبێت و كەمێكیش پلەكانی گەرما بەرزدەبنەوە.

ئاشكراشی كردووە، لە كاتەكانی بەیانیدا لە ناوچەكانی هەرێمی كوردستان تەم ڕوودەدات.

ڕوونیشی كردۆتەوە، كە ڕۆژی سێ‌ شەممە ئاسمان زۆربەی كات نیمچە هەور دەبێت لە ناوچەكانی هەرێم، بەڵام لە ناوچەكانی باشوور ئاسمان ساماڵ دەبێت و پلەكانی گەرما وەك خۆی دەمێنێتەوە و گۆڕانكاری ئەوتۆ ڕوونادات.

سەبارەت بە ڕۆژی چوار شەممە ڕایگەیاندووە، ئاسمانی سەرجەم ناوچەكانی وڵات ساماڵ دەبێت و لەكاتی بەیانیدا تەم دروست دەبێت لە ناوچەكانی ناوەڕاستی وڵات و هەرێمی كوردستان و پلەكانی گەرماش بەرزدەبنەوە.

جیهان

توركیا.. دوو بومەلەرزە ڕوویاندا

خەڵك – بەشی هەواڵ

فەرمانگەی ڕووداوەكان و فریاكەوتنی توركیا ڕوودانی دوو بومەلەرزەی لە ڕۆژئاوای ئەو وڵاتە ڕاگەیاند.

فەرمانگەی ڕووداوەكان و فریاكەوتنی توركیا بڵاویكردەوە، ئەمڕۆ سێ‌ شەممە 11/12/2019 دوو بومەلەرزە ڕۆژئاوای توركیای هەژاندووە، كە یەكێكیان لە ناوچەیەكی ولایەتی بالكسیری داوە و گوڕەكەی 4,6 پلە بووە بە پێوەری ڕێختەر، سەبارەت بە بومەلەرزەی دووەمیش ئەمشەو لە دەریای ئیجە ڕوویداوە و گوڕەكەی 5,1 پلەی ڕێختەر بووە.

جێی ئاماژەیە، فەرمانگەی ڕووداوەكان و فریاكەوتنی توركیا سەبارەت بە زیانەكانی ئەو دوو بومەلەرزەیە هیچ زیانێكی گیانی و ماددی ئاشكرانەكردووە.

بەردەوام بە لە خوێندنەوە

ژینگە

شەپۆلێكی دیكەی بەفر و باران ھەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان شەپۆلێكی بەفر و باران هەرێمی كوردستان دەگرێتەوە و كاریگەرییەكەشی تا ڕۆژی شەممە بەردەوام دەبێت.

بەپێی ڕاپۆرتێكی كەشناسی عیراق، لە ئێوارەی ڕۆژی پێنج شەممەوە كاریگەری نزمە پاڵەپەستۆی دەریای ناوەڕاست هەڵدەكاتە سەر عیراق و ناوچەكانی هەرێم و بارانێكی بەلێزمە دەبارێت و هەورە تریشقەی لەگەڵ دەبێت.

هەر بەپێی ڕاپۆرتەكە، لە ناوچە شاخاوییەكانی هەرێمی كوردستان بەفر دەبارێت و پلەكانی گەرما نزم دەبنەوە بەتایبەتی لە بەرەبەیانی ڕۆژی شەممە.

جەختیشی كردۆتەوە، كە لە ئێوارەی ڕۆژی شەممەوە كەشوهەوا سەقامگیر دەبێت و كۆتایی بە شەپۆلەكە دێت و لە ڕۆژی یەك شەممەوە چەند پلەیەك گەرما بەرزدەبێتەوە.

بەردەوام بە لە خوێندنەوە

ژینگە

پۆلیسی دارستان دەستگیركردنی 10 كەسی ڕاگەیاند

خەڵك- بەشی هەواڵ

لەگەڵ هاتنی وەرزی سەرماوسۆڵەی زستان باڵندەکان بونەتە قوربانی دەستی ڕاوچییەكان و پۆلیسی دارستان-یش ئاشكرای دەكات، كە لەسنورەکانی چەمچەماڵ، دەربەندیخان، سەید صادق (10) سەرپێچیکار دەستگیر كراون و دەستیش گیراوە بەسەر چەند کەلوپەل و پێداویستییەکدا.

عەمیدی پۆلیس، هێمن کمرخان ئەفەندی، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) ڕایگەیاند، هەمیشە و بەردەوام لەپێناو پارێزگاری کردن لەسروشت و ژینگەی کوردستان و پاراستنی ئاژەڵ و باڵندە کێویەکان مەفرەزەکانمان لەسەرجەم بەش و بنکەکان بەشەو و بەڕۆژ بەردەوامیان هەیە.

ڕاشیگەیاند، مەفرەزەیەکی هەردوو بنکەی پۆلیسی دارستان و ژینگەی (ئاغجەلەر و تەکیە) لە دەرچوونێکی مەیدانیاندا بۆ گوندی (كوزە بۆرەکان، داڵاوی سەرو) توانیان (5) سەرپێچیکار دەستگیر بکەن، کە هەستابوو بو ڕاوکردنی باڵندەی کێوی، هاوكات دەست گیرا بەسەر (٤) باڵندە لە جۆری سوێسکە و (٤) لایتی دەستی و (٣) فیشەکی تاپڕ و تەڵەیەكی ڕاوكردن.

ئاشكراشی كرد، لە دەرچوونێکی مەفرەزەکانی بەشی پۆلیسی دارستان و ژینگەی (دەربەندیخان) بۆ سنورەکەیان لە پێناو پارێزگاریکردن لە ئاژەڵ و باڵندە کێویەکان توانیان (٤) ڕاوچی دەستگیر بکەن، کە سەرقاڵی ڕاوکردن بوون، هاوکات دەستگیرا بەسەر (٣) لایتی دەستی، کە بۆ شەوارەکردنی باڵندە کێویەکان بەکاریاهێنابوو .

ئاماژەی بەوەشكرد، لەئەنجامی گەڕان و پشکنینی مەفرەزەیەکی بەشی پۆلیسی دارستانی سەید صادق لە سنوری گوندی  (حاجی مامەند ) توانیان هاووڵاتییەك دەستگیر بکەن، کە سەرقاڵی خەڵوزکردن بوو لەگەڵ دەست بەسەرا گرتنی (42) فەردە خەڵوز و مشارێك و تەور و تەورداسێك.

بەڕێوەبەری ڕاگەیاندنی پۆلیسی دارستان جەختیشی كردەوە، سەرپێچیکاران و کەرەستە دەست بەسەراگیراوەکان ڕادەستی دادگا کران بەمەبەستی لێپێچینەوەی یاسایی .

عەمید هێمن داوا لە هاووڵاتیان دەكات، “لەپێناو پاراستنی سروشت و ژینگەی کوردستان دا پێویستە هەمووان پابەندبین بەڕێنماییەکانی پۆلیسی دارستان”.

بەردەوام بە لە خوێندنەوە

کوردستان