ئێمە لە تۆرە کۆمەڵایەتیەکان

ئابوری

خەڵك؛ زانیاری لەسەر پشكی مووچەی فەرمانبەران و پێشمەرگە لە بودجە ئاشكرادەكات


خەڵك- بەشی هەواڵ
جێگری سەرۆكی پەرلەمانی عیراق جەخت لە یەكهەڵوێستی فراكسیۆنە كوردستانیەكان دەربارەی بودجە دەكاتەوە و ڕایدەگەیەنێت، مووچەی فەرمانبەران و پێشمەرگە جیادەكرێتەوە لە ململانێی سیاسی نێوان هەولێر و بەغدا.

د. بەشیر خەلیل، جێگری سەرۆكی پەرلەمانی عیراق بۆ (خەڵك) ئاماژەی بەوەكرد، هەموو فراكسیۆنە كوردستانیەكان كۆك و یەكهەڵوێستین سەبارەت بە پڕۆژە یاسای بودجە و پشكی هەرێمی كوردستان لە بودجەی عیراق.

ڕاشیگەیاند، لە پڕۆژە یاساكە مافی فەرمانبەران و پێشمەرگە جێگیر كراوە بەجۆرێك، كە مووچەی فەرمانبەران و پێشمەرگە جیادەكرێتەوە لە ململانێی سیاسی نێوان هەولێر و بەغدا بەو پێیەی ئەگەر ڕێكەوتنەكە جێبەجێ‌ نەكرا لەسەر ناردنی نەوت و بودجە بڕدرا، دەستكاری مووچەی فەرمانبەران نەكرێت.

ئاشكراشی كرد، كە وەكو فراكسیۆنە كوردستانیەكان لۆبیەكمان دروست كردووە بۆ دەنگدان لەسەر پڕۆژە یاسای بودجە و پشكی هەرێم لە بودجەدا تا لێكتێگەیشتن هەبێت لەگەڵ فراكسیۆنە عەرەب بە شیعە و سوننەوە تا ئەو مادەیە پەسەند بكرێت و دژایەتی نەكرێت.

وتیشی، “نابێت پڕۆژە یاسای بودجە دوابكەوێت و لەم هەفتەیەدا پڕۆژە یاساكە پەسەند دەكرێت، چونكە دواكەوتنی زیانی دەبێت بۆ پێشكەش كردنی خزمەتگوزاریەكان”.

بەپێی زانیارییەكانی (خەڵك) دوای پەسەند كردنی بودجە، حكومەتی عیراق بەرامبەر ناردنی 250 هەزار بەرمیل نەوتی هەرێم لە ڕێگەی سۆمۆوە، 12.67%ی پشكی بودجە بۆ هەرێم ڕەوانە دەكات و لەحاڵەتی نەناردنی نەوت و جێبەجێ‌ نەكردنی ڕێكەوتنی هەرێم و عیراق، بەپێی بڕگەی 10ی بودجە، حكومەتی عیراق مووچەی فەرمانبەران و پێشمەرگە ڕەوانە دەكات.

هەر بەپێی زانیارییەكان، بڕی مووچەی فەرمانبەران و پێشمەرگە بۆ ساڵی 2019 زیاد دەبێت بۆ 512 ملیار دیناری مانگانە.

ئابوری

كازمی داوایەكی بەپەلە ئاڕاستەی وەزارەتی بەرگری دەكات


خەڵك – بەشی هەواڵ

سەرۆك وەزیرانی عیراق داوا لە وەزارەتی بەرگری دەكات بەزووترین كات سیستمی بایۆمەتری بۆ كارمەندانی وەزارەتەكەیان جێبەجێ‌ بكەن.

نووسینگەی سەرۆك وەزیرانی عیراق بڵاویكردەوە، مستەفا كازمی داوای لە وەزارەتی بەرگری عیراق كردووە بەزووترین كات بڕیاری ژمارەی (281)ی ساڵی 2017 ئەنجومەنی وەزیران جێبەجێ بكەن بۆ جێگیركردنی مووچەی كارمەندانی وەزارەتەكەیان و ئامادەكردنی بۆ سیستمی بایۆمەتری بەو جۆرەی كە بڕیاری لێدراوە.

مستەفا كازمی داواشی لە وەزارەتی بەرگری كردووە: هۆكارەكانی دواخستنی جێبەجێكردنی ئەو بڕیارە لە ڕابردوودا بۆ سەرۆكایەتی ئەنجومەنی وەزیران بەرز بكرێتەوە.

بەردەوام بە لە خوێندنەوە

ئابوری

وەزیری دارايی هەرێم ؛ بڕیارێكی نوێی لە بارەی خەرجییەكانەوە دەركرد


خەڵك – بەشی هەواڵ
وەزیری دارایی و ئابووری حكومەتی هەرێمی كوردستان ڕایدەگەیەنێت، بە ئەلكترۆنی كردنی خەرجییەكانی بەكاربردن بەشێكە لە پرۆسەی چاكسازی ، كە دەبێتە هۆی زیادبوونی شەفافییەت و كەمكردنەوەی گەندەڵی، دەشڵێت،”لە مانگی تەمموزەوە هەموو خەرجییەكانی بەكاربردن دەكرێتە دیجیتاڵی”.

ئاوات شێخ جەناب، وەزیری دارایی و ئابووری حكومەتی هەرێمی كوردستان ڕایگەیاند، بە فەرمانی سەرۆكی حكومەت هەموو خەرجییەكانی بەكاربردن لەم مانگەوە بە دیجیتاڵ دەكرێت، كە ئەمە هەنگاوێكی گرنگە بۆ بەهێزكردنی هەماهەنگی لە نێوان دامودەزگاكانی حكومەت بە شێوەیەكی مۆدێرن و هاوچەرخانە و كەمكردنەوەی گەندەڵیی بە شێوەیەك كە هەموو خەرجییەكانی ڕۆژانەی حكومەت بە سیستمی ئۆنڵاین ئەنجام بدرێن.

ڕاشیگەیاندووە، ئەم پێشكەوتنە بەشێكە لە هەنگاوەكانی كابینەی نۆیەم بۆ بە مۆدێرنكردنی كارەكانی حكومەت و هەنگاوێكی گرنگ دەبێت لە پێناونەهێشتنی ڕۆتین و هەوڵدان بۆ كارا كردن و چالاككردنی كاروباری هاووڵاتییان، هەروەها بەشێكیشە لە پرۆسەی چاكسازی كە سەرەنجام دەبێتە هۆی زیادبوونی روونی و شەفافییەت و كەمكردنەوەی گەندەڵی.

ئاماژەی بۆ ئەوەشكردووە، بەم هەنگاوە دەتوانین زیاتر كۆنترۆڵی خەرجییە بەكاربەرەكانی حكومەت بكەین، زیاتر دەتوانین كار لەسەر پڕۆژەی گرنگ لە بواری خزمەتگوزاریی گشتی و سوودی هاووڵاتییان بكەین.

ئاشكراشیكردووە، ئەم سیستەمە ئۆنڵاینە لەم مانگەوە لە هەموو دامودەزگاكانی حكومەت جێبەجێ دەكرێت و هەموو خەرجییەكانی حكومەت تا كۆتایی مانگی تەمموز، لە رێگەی ئەم سیستەمەوە بەردەست دەبێت و داتاكان لە سەنتەری داتای حكومەت كۆ دەكرێنەوە، ئەمەش وا دەكات حكومەت كۆنترۆڵی بەسەر خەرجییەكانییەوە هەبێت و داتاكانیش دەتوانن بۆ دانانی پلانی ستراتیجیی دارایی یارمەتیدەر بن.

بەردەوام بە لە خوێندنەوە

ئابوری

گەشتی ئاسمانی نێوان سنە و سلێمانی دەستپێدەكاتەوە


خەڵك- بەشی هەواڵ

جێگری پارێزگاری سنە بۆ كاروباری ئابووری ئاشكرای دەكات، كه گەشتە ئاسمانییەكان لە فڕۆكەخانەی نێودەوڵەتی سنەوە دەستپێدەكاتەوە و یەكەم گەشتی بۆ سلێمانی دەبێت .

خالید جەعفەری، جێگری پارێزگاری سنە بۆ كاروباری ئابووری بە ئاژانسەكانی ئێرانی ڕاگەیاندووە، دوای ماوەیەكی زۆر لە وەستان، فڕۆكەخانەی نێودەوڵەتی سنە گەشتەكانی دەستپێدەكاتەوە و كاریگەری لەسەر ڕێڕەوی بازرگانی دەبێت.

ڕاشیگەیاندووە، سێ‌ ڕۆژی هەفتە (شەممە و دوو شەممە و پێنج شەممە) گەشتەكان بۆ سلێمانی ئەستەنبوڵ ئەنجام دەدرێن.

چەند مانگێكە بەهۆی سەرهەڵدان و تەشەنەكردنی ڤایرۆسی كۆرۆنا گەشتە ئاسمانییەكان لە فڕۆكەخانەی نێودەوڵەتی سنە ڕاگیراوە و فڕۆكەخانەكانی هەرێم ڕاگیراون و تەنها گەشتی ناچاری لە فڕۆكەخانەكانی هەرێم ئەنجام دەدرێن.

بەردەوام بە لە خوێندنەوە

کوردستان