ئێمە لە تۆرە کۆمەڵایەتیەکان

کوردستان

هەولێر.. ئارایشتگایەك سوتا


خەڵك- بەشی هەواڵ
ئەمڕۆ یەك شەممە ئارایشتگایەك لە شاری هەولێر سوتا.

بێوار زەید وتەبێژی بەرگری شارستانی هەولێر بە(خەڵک)ی راگەیاند، ئارایشتگایەکی جوانکاری ژنان کە دەکەوێتەسەر شەقامی ٣٠ مەتری گەرەکی تەیراوە لە هەولێر ئاگری گرت و سوتا.

وتیشی “روداوەکە لەکاتژمێر ۸:٤٥ خولەک رویداوە، بەهۆی ئەوەی سەرەوەى ئارایشتگایەکە شوقەبووە، هاووڵاتیيەکانی نیشتەجێی شوقەکە بۆ سەلامەتی خۆیان چونەتە سەرەوەی باڵەخانەکە و تیمەکانی ئێمەش سەرجەمیان رزگارکردن و هیچ زیانێکی گیانی و برینداریش نەبووە”.

ریکلام

کوردستان

تەندروستی هەولێر: دوو تووشبووی ڤایرۆسی كۆرۆنا چاكبوونەوە


خەڵك – بەشی هەواڵ

د. بژار موسا عەلی وتەبێژی بەڕێوەبەرایەتی گشتی تەندروستی هەولێر لە ڕاگەیەنراوێكدا ئاشكرایكرد: دوو نەخۆشی تووشبوو بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبوونەتەوە و باری تەندروستییان تەواو جێگیر بووەتەوە و پشكنینی تایبەتی یەك لەدوای یەكیان بۆ كرایەوە كە نێگەتیڤ بوو و بڕیاردرا بنێردرێنەوە ماڵەوە.

وتەبێژی بەڕێوەبەرایەتی گشتی تەندروستی هەولێر ئاماژەی بەوەشدا، كۆی گشتی چاكبووەوەكان لەشاری هەولێر گەیشتە 22 كەس.

 

دەقی ڕاگەیەنراوەكە:

 

ڕاگەیەندراوێك بۆ هاوڵاتیانی شاری هەولێر

• هاوڵاتیانی خۆشەویستی شاری هەولێر پێتان ڕادەگەیەنین كە (٢) نەخۆشی تووشبوو بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوونەتەوە و باری تەندروستییان تەواو جێگیر بۆتەوە، وە پشكنینی تایبەتی یەكیان لەدوای یەكی بۆ كرایەوە كە نێگەتیڤ بوو و بڕیاردرا بنێردرێنەوەماڵەوە.

• كۆی گشتی چابووەكان گەیشتە (٢٢) كەس.

• سوپاسی پابەندبوونتان دەكەین بۆ ڕێنماییە
خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە.

• زۆر سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكەین كە پارێزگاری لە تەندروستی هاوڵاتیان دەكەن.

د. بژار موسی علی
وتەبێژی بەڕێوەبەرایەتی گشتی تەندروستی هەولێر
٧ی نیسانی ۲٠۲٠

بەردەوام بە لە خوێندنەوە

کوردستان

گەرمیان.. داعش پەلاماری هێزی پێشمەرگەی دا


خەڵك – بەشی هەواڵ

لە پەلامارێكی تیرۆریستانی داعشدا بۆ سەر هێزەكانی پێشمەرگە لە سنووری گەرمیان 2 پێشمەرگە شەهیدبوون و پێشمەرگەیەكیش بریندار بوو.

كەمێك پێش ئێستا تیرۆریستانی داعش لە گوندی كوڵەجۆی سە بە شارەدێی كۆكس لە گەرمیان پەلاماری هێزەكانی پێشمەرگەیاندا و بەهۆیەوە دوو پێشمەرگەی لیوای پێنجی شارەزوور شەھید بوون و پێشمەرگەیەكیش برینداربوو.

بەپێی زانیاریییەكانی (تۆڕی میدیایی خەڵك) تیرۆریستانی داعش سەرەتا بە چەكی هاوەن پەلاماری هێزی پێشمەرگەیانداوە و دواتر بە چەكی (BKC) تەقەیەان كردووە، دوای وەڵامدانەوەی هێزی پێشمەرگە تیرۆریستان پاشەكشەیان كردووە و لە ئێستاشدا سوپای عیراق بە هاوەن بۆردوومانی شوێنی پەلاماردانی داعشەكان دەدات.

بەردەوام بە لە خوێندنەوە

کوردستان

د.سەباح هەورامی: ٧ تووشبووی تری ڤایرۆسی كۆرۆنا لە سلێمانی چاكبوونەوە


خەڵك – بەشی هەواڵ

د. سەباح هەورامی بەڕێوەبەری گشتی تەندروستی سلێمانی ڕایگەیاند: دوای چارەسەر و چاودێری تووشبووان 7 تووشبووی تری ڤایرۆسی كۆرۆنای نوێ لە سلێمانی چاكبوونەو.

د. سەباح هەورامی ئاشكراشیكرد: یەكێك لەتووشبووەكان بەوەرگرتنی پلازمای چاكبووەكانی پێشووتری تووشبووانی كۆرۆنا چاكبووەتەوە، لێرەوە ڕایدەگەیەنین سەركەوتووبووین لە تاقیكردنەوەكەمان.

ئاماژەی بەوەشداوە: تائێستا چاكبووەوەكانی سلێمانی ژمارەیان بوو بە 85 كەس.

بەردەوام بە لە خوێندنەوە

کوردستان