ئێمە لە تۆرە کۆمەڵایەتیەکان

کوردستان

وەزارەتی گواستنەوە: هیچ وادەیەك بۆ دەستپێكردنەوەی گەشتەكانی توركیا لە سلێمانی دیارینەكراوە

خەڵك- بەشی هەواڵ

هەرچەندە وابڵاوكراوەتەوە كە رۆژی 24ی ئەم مانگە یەكەم گەشتی فڕۆكەوانی توركیا لە فڕۆكەخانەی سلێمانی ئەنجام دەدرێت، بەڵام تائێستا هیچ نوسراوێكی فەڕمی بۆ حكومەت نەنێردراوە.

ئومێد محەمەد ساڵح، وتەبێژی وەزارەتی گواستنەوە و گەیاندنی حكومەتی هەرێم بە (خەڵك)ی راگەیاند، تائێستا بەفەڕمی هیچ نوسراوێكیان بەدەستنەگەیشتووە كە وادەی دەستپێكردنەوەی گەشتەكانی فڕۆكەخانەی سلێمانی تێدا بێت.

وتیشی”ئەوانەی لە ماوەی رابردوودا باسكراون تەنها لێدوان و قسەی نافەرمی بوون و بەفەرمی نوسراو نەهاتووە بۆ دەستپێكردنەوەی گەشتەكان”.

رۆژی 14ی ئەم مانگە وەفدێكی كۆمپانیای “توركش ئێرلاین” سەردانی فڕۆكەخانەی سلێمانی كرد و پاشان بڵاوكرایەوە كە ئەو شاندە بۆ تاوتوێكردنی دەستپێكردنەوەی گەشتەكان سەردانی فڕۆكەخانەكەی كردووە.

لە مانگی تشرینی یەكەمی 2017ەوە، توركیا بەفەڕمی گەشتە ئاسمانییەكانی بۆ سلێمانی راگرت و تەنانەت رێگەش بەو فڕۆكانە نادات كە بەسەر ئاسمانەكەیدا بیانەوێت گەشت بۆ سلێمانی بكەن.

کوردستان

كرماشان.. قوربانییەكانی مادەی هۆشبەر زیاددەكەن

خەڵك –بەشی هەواڵ

لە ماوەی سێ مانگی یەكەمی ئەمساڵدا، ٨٢ هاووڵاتی بەهۆی بەكارهێنانی ماددەی سڕكەر لە شاری كرماشاندا، گیانیان لەدەست داوە كە لەو ٨٢ كەسە، ١٢ كەسیان ژن بوون.

بەپێی ئاژانسی كوردپا، بەڕێوەبەری پزیشكی یاسایی پارێزگای كرماشان لەو بارەیەوە سەبارەت بە دیاردە كۆمەڵایەتییەكان لەو شارە، باسی لە گیانلەدەستدانی ٨٢ كەس كرد كە بەهۆی بەكاربردنی ماددەی سڕكەر، گیانیان لەدەست داوە.

بە وتەی سەلیم خانی، لە ماوەی سێ مانگی یەكەمی ئەمساڵدا، ٧٠ پیاو و ١٢ ژن لە پارێزگای كرماشان، بەهۆی ماددەی سڕكەرەوە گیانیان لەدەست داوە.

ناوبراو هەروەها ئاماژە بە زۆربوونی دیاردە كۆمەڵایەتییەكان كرد و ڕایگەیاند: “لە سێ مانگی یەكەمی ئەمساڵ، ١١هەزار و ٢٠٩ كەس، سەردانی پزیشكی یاسایی كردووە و لەو ڕێژەیەش ٧ هەزار و ٧٣٤ كەسیان پیاو و ٣ هەزار و ٤٧٥ كەسیان لە ژنان بوون”.

بەردەوام بە لە خوێندنەوە

کوردستان

پەڕلەمانتارێكی پێشوو پەیامێك بۆ وەزیری كاروباری كۆمەڵایەتی دەنێرێت

خەڵك- بەشی هەواڵ

گەشە دارا حەفید، پەڕلەمانتاری پێشووی یەكێتی و سەرۆكی لیژنەی كاروباری كۆمەڵایەتی و ئافرەتان لە پەیامێكدا بۆ وەزیری نوێی كاروباری كۆمەڵایەتی ئامادەی دەبڕیووە هاوكاری بكات و سەرجەم ئەو ڕاپۆرت و پڕۆژانەی پێشكەش بكات، كە لە ماوەی كاركردنیدا لە پەڕلەمان لەگەڵ ئەندامانی لیژنەكەدا ئامادەیان كردووە.

دەقی پەیامەكە:

وەزیری كارو كاروباری كۆمەڵایەتیی
كوێستان خان
خوشكی بەڕێز
‎پیرۆزبایی خۆمتات ئاراستە دەكەم بەبۆنەی وەرگرتنی پۆستی كارو كاروباری كۆمەڵایەتیەوە، وەك ژنێك لەو پۆستەدا و جارێكیش وەك كادرێك كە لەنزیكەوە تا ئاستێكی باش ئاگاداری گرفتە كۆمەڵایەتیەكان و پێداویستی و ڕێكاچارەكان هەن.
‎وێرای هیوای سەركەوتن و پیرۆزباییم بۆتان، هیولدارم لەدەستپێكی كارەكانتانا هەوڵی جدی و سەرەكیتان بۆ دەركردن و پەسەندكردنی یاسای چاودێری وهاریكاری كۆمەڵایەتی (سۆشیال‌) بێت، ئەو یاسایەی لەڕێگەیەوە دەتوانرێت جۆرێك لە دادپەروەری و خۆشگوزەرانی بۆ چین و توێژە هەژارەكان دابین بكات.
‎وەك هاوكارێك و خوشكێكی خۆت، وەك ئەزموونی نۆ ساڵی ڕابردووم لەپەرلەمان كە سەرۆكی لیژنەی داكۆكیكردن لە ژنان و كۆمەڵایەتی بووم، هەر لە نوسینەوەی ڕەشنوسی پڕۆژەكەو نوسینەوەی ڕاپۆرتەكان و ئەوكارانەی تری لەسەری كردوومانه بەهاوكاری ماندوو بوونی ئەندامانی لیژنە‌، وەك دۆسیەیەك پێشكەش بە یەڕێزتانی دەكەم بەهیوای ئەوەی كاری لەسەر بكرێت و خۆشم لەخزمەتام لەپێناو سەركەوتنی ئەم كارە پیرۆزە كە خەونم بوو بەڵام بەداخەوە لەپەرلەمان نەمانتوانی پەسەندی بكەین.
‎دوو بارە پیرۆز

بەردەوام بە لە خوێندنەوە

کوردستان

ژمارەیەك كاسبی شەقامی مەولەوی داوایەك لە قائیمقامیەتی سلێمانی دەكەن

خەڵك- بەشی هەواڵ

بەپێی نوسراوێك كە وێنەیەكی بۆ (خەڵك) نێراوە، ژمارەیەك كاسبكاری شەقامی مەولەوی شاری سلێمانی داوا لە قائیمقامیەتی شارەكە دەكەن، چاو بە بڕیاری گۆڕینی ئاراستەی شەقامەكەدا بخشێنێتەوە، چونكە كاریگەری لەسەر بازاڕ و ئیش و كارەكانیان هەبووە.

بەردەوام بە لە خوێندنەوە

کوردستان