ئێمە لە تۆرە کۆمەڵایەتیەکان

جیهان

داوا لە روسیا و ئۆكراین دەكرێت دۆخەكە ئاڵۆزتر نەكەن

خەڵك – بەشی هەواڵ

ئەڵمانیا داوا لە روسیا و ئۆكراین دەكات ئەوەی پێویستە لەسەریان بیكەن بۆ رێگریكردن لە تەشەنەكردنی ململانێكان لە خۆرھەڵاتی ئۆكراین و دەریای ئازۆف.
ھایكۆ ماس وەزیری دەرەوەی ئەڵمانیا دوای كۆبوونەوەی لەگەڵ ھاوتا روسییەكەی لە مۆسكۆ سەردانی كیێڤی كر دو دوای كۆبوونەوەی لەگەڵ ھاوتا ئۆكراینەكەی رایگەیاند، پێویستە لەسەر روسیا گەرەنتی ئازادی تێپەڕبوون لە گەرووی ( كریچ) بەشێوەیەكی ھەمیشەیی بدات و ھەردوو وڵات ھاوكاربن بۆ رێگریكردن لە ئاڵۆزبوونی دۆخەكە.
وەزیری دەرەوەی ئەڵمانیا وتیشی، ھاوتا روسییەكەی تەئكیدی كردۆتەوە لەسەر بەردەوامبوونی وڵاتەكەی لە ناردنی غازی سروشتی لە رێگەی ئۆكراینەوە، سەرەڕای كاركردن لە ھێڵی (نۆرد ستریم ٢) لەژێر دەریای بەلتیك.
روسیا لە ساڵی ٢٠١٤ ەوە نیمچە دوورگەی كریمای خستۆتە ژێر دەستی خۆی، لەمانگی تشرینی دووەمی رابردووش ھێزی دەریای ئەو وڵاتە ٣ بەلەمی سەر بەھێزی دەریای ئۆكراین و تیمەكانیانی دەستبەسەركرد، ئەوەش ناكۆكییەكانی نێوان ئەو دوو وڵاتەی قوڵتر كردەوە.

جیهان

پاراستنی سعودیە دەدرێتە هێزێكی ئەمریكایی

خەڵك-بەشی هەواڵ

كەناڵی (CNN)ی ئەمریكایی ئەمڕۆ پێنج شەممە بڵاویكردەوە، ئەمریكا 500 سەرباز ڕەوانەی بنكەی شازادەی سعودیە لە ڕۆژهەڵاتی ڕیازی پایتەخت دەكات.
دوو بەرپرسی باڵای سەربازی ئەمریكا بە كەناڵەكەیان ڕاگەیاندووە، وەك ئامادەسازییەك بۆ سیستمی بەرگری لە سعودیە لەبەرانبەر بۆردومانە ئاسمانییەكان بۆ سەر ئەو وڵاتە، سعودیە ئامادەیی دەربڕیوە بۆ پێشوازیكردن لەو سەربازانە.
ئەمریكا دەڵێت”هاوكارییەكانمان بۆ سعودیە بۆ ڕووبەڕووبوونەوی هەر ئەگەرێكە كە لەلایەن ئێرانەوە بۆسەر سعودیە ئەنجامی بدات”.
لای خۆشییەوە ئاژانسی بلومبێرگ ئاشكرایكرد، تا ئیستا كۆنگرێس بڕیاری لەسەر ڕەوانەكردنی سەربازەكان نەداوە، بەڵام بەپێی زانیارییەكی بەرپرسێكی باڵای ئەمریكایی كە نەیویستووە ناوی ئاشكرا بكرێت، لەوانەیە لە چەند ڕۆژی داهاتوودا بڕیارێكی لەو شێوەیەی ئەمریكا بچێتە بواری جێبەجێكردنەوە.
ئەمە لەحاڵێكدایە ڕۆژانە چەند ناوچەیەكی عەرەبستانی سعودی لەلایەن هێزەكانی حووسی هاوپەیمانی ئێران لە یەمەنەوە دەكرێنە ئامانج.

بەردەوام بە لە خوێندنەوە

جیهان

ئەمریكا دەستیكرد بە سزادانی توركیا

خەڵك – بەشی هەواڵ

وەزارەتی بەرگری ئەمریكا ڕایدەگەیەنێت، بەهۆی كڕینی سیستمی مووشەكیی ئێس 400ی ڕوسیایی، بڕیاریانداوە فرۆشتنی فڕۆكەی ئێف 35 بە توركیا بوەستێنن و داواشیان لەو فڕۆكەوانە توركیانەی لە ئەمریكا مەشق و ڕاهێنان كردووە بگەڕێنەوە وڵاكەی خۆیان.

وەزارەتی بەرگری ئەمریكا (پنتاگۆن) ڕایگەیاند، لەبەرامبەر كڕینی سیستمی بەرگری مووشەكی ئێس 400ی ڕوسیایی لەلایەن توركیاوە بڕیاریانداوە ڕادەستكردنی فڕۆكەی جەنگیی ئێف 35 بەو وڵاتە بوەستێنن و ئەو فڕۆكەوانانەشی كە لە ئەمریكا مەشق و ڕاهێنان لەسەر فڕۆكەكە دەكەن ئاگادار كراونەتەوە تا 31ی ئەم ئەم مانگە ئەمریكا جێبهێڵن و بگەڕێنەوە بۆ توركیا.

وەزارەتی بەرگری ئەمریكا ئاماژەی بەوەشداوە، هیوادارین سەرەڕای بڕیارەكەمان بۆ وەستانی فرۆشتنی فڕۆكەی جەنگیی ئێف 35 بە توركیا، هاوبەشیمان لەگەڵ توركیا بەردەوامبێت، بەڵام توركیا 9 ملیار دۆلاری لەدەستداوە.

بەردەوام بە لە خوێندنەوە

جیهان

چاوش ئۆغڵو: پەیوەندیمان بە نێچیرڤان بارزانی و مەسرور بارزانییەوە كردووە

خەڵك- بەشی هەواڵ
وەزیری دەرەوەی توركیا ڕایدەگەیەنێت، كە لەسەر ڕووداوەكەی هەولێر پەیوەندییان بە سەرۆكی هەرێم و سەرۆك وەزیرانی هەرێمی كوردستانەوە كردووە.

مەولود چاوش ئۆغڵو، وەزیری دەرەوەی توركیا لە لێدوانێكی بۆ ڕۆژنامەنووسان ئاماژەی بەوەكرد، كە لە پەیوەندیدان بۆ دۆزینەوەی ئەنجامدەرانی هێرشەكەی سەر كارمەندانی كونسوڵخانەی توركیا لە هەولێر و ئەگەر پێویست بكات تیمێكی خۆمان دەنێرین.

ڕاشیگەیاند، كە لەسەر ئەو ڕووداوە پەیوەندیم بە نێچیرڤان بارزانی و مەسرور بارزانی-یەوە كردووە و چاوەڕێی ئەنجامی لێكۆڵینەوەكانین.

ئاماژەی بەوەشكرد، یەكەم كەس كە پەنجەی تۆمەتی بۆ ڕابكێشین لەو ڕووداوەدا پەكەكەیە.

ئەم وتانەی چاوش ئۆغڵو لەكاتێكدایە، كە دیار دەنیز، بەرپرسی ڕاگەیاندنی هێزەكانی پاراستنی گەل (هەپەگە)، كە باڵی سەربازی (پەكەكە)یە بە ئاژانسی (RT)ی ڕوسی ڕاگەیاندووە، حزبەكەیان هیچ پەیوەندییەكی بە هێرشەكەی سەر كارمەندانی كونسوڵخانەی توركیا لە هەولێر نەبووە.

وتوشیەتی، “هیچ زانیارییەكمان لەسەر ئەو هێرشە نییە”.

ئەمڕۆ لە شاری هەولێر لە چێشتخانەی (هۆك باز)ی نزیك ئێمپایەر هێرش كرایە سەر ژمارەیەك لە كارمەندانی كونسوڵخانەی توركیا و تێیدا جێگری كونسڵی توركیا و كارمەندێك كوژراوە و كەسێكی دیكەش برینداربووە.

بەردەوام بە لە خوێندنەوە

کوردستان