ئێمە لە تۆرە کۆمەڵایەتیەکان

ئابوری

نوێنەرێك: بەهۆی سۆمۆوە عیراق رۆژانە 9 ملیۆن دۆلار زیانی پێدەگات

خەڵك – بەشی هەواڵ

ئەندامێكی ئەنجومەنی نوێنەرانی عیراق ئاشكرایدەكات، كۆمپانیای سۆمۆ رۆژانە نزیكەی 9 ملیۆن دۆلار زیان بە عیراق دەگەیەنێت‌.
عودەی عەواد ئەندامی ئەنجومەنی نوێنەرانی عیراق لە راگەیەندراوێكدا ئاشكرایكردووە، كۆمپانیای بە بازاڕكردنی نەوتی عیراق ناسراو بە (سۆمۆ) رۆژانە 8 تا 9 ملیۆن دۆلار زیان بە عیراق دەگەیەنێت و قازانجی هەندێك لە كۆمپانیا گەندەڵەكانی بواری نەوتیش بۆ چەند لایەنێكی سیاسی دیاریكراو دەچێت، لەكاتێكدا ئەو كۆمپانیایانە پێچەوانەی یاسان‌ و رەزامەندی ئەنجومەنی وەزیران‌ و ئەنجومەنی نوێنەرانی عیراقیان نییە.
عودەی عەواد راشیگەیاند، دڵنیایە لەوەی كە هیچ لێپرسراوێكی دەوڵەتی عیراق نەیتوانیوە گرێبەستەكانی كۆمپانیای سۆمۆ بخوێنێتەوە یان بیانبینێت.
هاوكات لیژنەی نەوت‌و وزەی ئەنجومەنی نوێنەرانی عیراق بانگهێشتی هەریەك لە عەلا خزر كازم یاسری بەڕێوەبەری گشتی كۆمپانیای سۆمۆ، عەلی نزار بەڕێوەبەری بەبازاڕكردنی نەوت‌و محەمەد سەعدون بەڕێوەبەری كۆنتێنەر‌ و بەتاڵكردنەوەی نەوتی كردووە، كە رۆژی سێشەممەی داهاتوو لەبارەگای لیژنەكەیان ئامادەبن ‌و سەرجەم بەراییەكان ‌و وێنەی گرێبەستەكانی فرۆشتنی نەوت ‌و موڵك‌ و پشكەكانی سۆمۆ لە دەرەوەی عیراق لەگەڵ خۆیان بهێنن.

ئابوری

موچەی وەزارەتێك دابەش دەكرێت

خەڵك- بەشی هەواڵ

بڕیارە ئەمڕۆ پێنج شەممە موچەی مانگی نیسانی وەزارەتی داد دابەش بكرێت.

بەپێی خشتەیەك كە پێشتر لە وەزارەتی دارایی و ئابورییەوە بڵاوكراوەتەوە، ئەمڕۆ موچەی مانگی نیسانی وەزارەتی داد دابەش دەكرێت.

دابەشكردنی موچەی ئەو وەزارەتە دوای ئەوەدێت، كە ژمارەك لە وەزارەتەكانی دیكە موچەیان وەرگرتووە و بڕیارە دابەشكردنی موچەش بەردەوام بێت.

بەردەوام بە لە خوێندنەوە

ئابوری

لە سلێمانی سێ‌ شوێن داخران

خەڵك- بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت، لەبەر نەبونی مەرجەكانی تەندروستی و نەبونی مۆڵەت تەنها لە ماوەی یەك ڕۆژدا (۳) شوێن داخران.

بەڕێوەبەرایەتی چاودێری تەندروستی سلێمانی لە ڕاگەیەندراوێكدا، كە وێنەی دراوە بە (خەڵك) ئاماژەی بەوەكردووە، لەبەر نەبونی مەرجەكانی تەندروستی و نەبونی مۆڵەتنامەی تەندروستی و هەبوونی مەوادی ماوە بەسەرچوو لەكاتی سەردانی تیمەكانی چاودێری تەندروستی سلێمانی بڕیار درا بە داخستنی سێ‌ شوێن لە سنوری گەڕەكەكانی سلێمانی شوێنەكان.

ئاشكراشی كردووە، نانەواخانەیەك لەگەڕەكی شۆڕش سەروو نەخۆشخانەی شۆڕش و نزیك مزگەوتی نزا داخراوە لەگەڵ ماركێتێك و نانەواخانەیەك لە گەڕەكی ئیبراهیم ئەحمەد لە نزیك مزگەوتی بەهەشت.

جەختیشی كردۆتەوە، كە ئەو شوێنانە ئاگاداركراونەتەوە تاكو مەرجە تەندروستیەكان جێبەجێ نەكەن شوێنەكەیان بۆناكرێتەوە .

بەردەوام بە لە خوێندنەوە

ئابوری

سێ‌ مادەی بەشەخۆراك دابەشدەكرێت
لەسەر قەرەبووكردنەوەی بەشەخۆراكی فەوتاو ڕوونكردنەوە دەدرێت

خەڵك – بەشی هەواڵ
بەڕێوەبەری كۆمپانیای دابەشكردنی خۆراك لە سلێمانی ڕایدەگەیەنێت، بەردەوامن لە دابەشكردنی بەشەخۆراكی هاووڵاتیان بۆ مانگی ئایار و دەشڵێت: “بۆ مانگی حەوت-یش پسوڵەی وەرگرتنمان بۆ كراوە و چاوەڕێی هاتنی بەشەخۆراكی ئەو مانگەش دەكەین”.

شەوكەت محەمەد، بەڕێوەبەری كۆمپانیای دابەشكردنی خۆراك لە سلێمانی بە (خەڵك)ی ڕاگەیاند، لە ئێستادا دابەشكردنی بەشەخۆراك لە ناو سلێمانی تەواو بووە، بەڵام دابەشكردن لە دەرەوەی شار دەستی پێكردووە و لە كۆتاییەكان نزیك بۆتەوە.

وتیشی، “لە ئێستادا هەرسێ بەشەخۆراكی زەیت و شەكر و برنجی مانگی پێنجی ئەمساڵ دابەشدەكرێت و ناوچەی شارەزوور تەواوبووە و دەستمان كردووە بە ئیدارەی ڕاپەڕین، ڕۆژانە دابەشكردنمان بۆ ئەو ناوچانە هەیە”.

ڕاشیگەیاند، بۆ مانگی شەش هیچ بەشەخۆراكێكی تێدا نیە و بۆ مانگی حەوت-یش پسوڵەمان لە بەغداوە بۆ كراوە و چاوەڕێی هاتنی بەشی سلێمانی دەكەین و هەر بە گەیشتنی ئەویش دابەشدەكرێت.

لە بارەی قەرەبووی خۆراكی فەوتاوی هاووڵاتیان بەڕێوەبەری كۆمپانیای دابەشكردنی خۆراك ئاشكراشیكرد، لە ئێستادا هیچ باسێك نیە و هیچ نووسراوێكمان بەدەست نەگەیشتووە، چاوەڕێ دەرچوونی ڕێنمایی دەكەین لە بەغداوە بێت بۆمان تا كاری لەسەر بكەین.

بەردەوام بە لە خوێندنەوە

کوردستان