ئێمە لە تۆرە کۆمەڵایەتیەکان

ژینگە

سبەی شەو مانگ گیرانی “گورگی خوێناوی” ڕوودەدات

خەڵك- بەشی هەواڵ
سبەی شەو مانگ گیرانی تەواوەتی، كە پێی دەوترێت “مانگ گیرانی گورگی خوێناوی” ڕوو دەدات و لە هەردوو كیشوەری ئەمریكاكە دەبینرێت.

بەپێی هەواڵێك، كە ئاژانسی (ڕۆیتەرز) بڵاویكردۆتەوە، سبەی شەو، شەوی یەك شەممە 20-1-2019، دیاردەی مانگ گیرانی تەواو بە چەند خولەكێك پێش نیوەشەو لە كەناراوەكانی ڕۆژهەڵاتی ولایەتە یەكگرتووەكان و پێش 9ی شەو لە كەناراوەكانی ڕۆژئاوا ڕوودەدات.

ئاماژەی بەوەشكردووە، كە ئەو دیاردەی مانگ گیرانی تەواوەتەیە، كە بە “گورگی خوێناوی” ناسراوە هاوكاتە لەگەڵ ڕۆژێك پێش یادی مارتین لوسەر كینگ، كە لە ئەمریكا پشووە و بەوهۆیەوە هاوڵاتیانی ئەو وڵاتە ئەگەر ئاسمان ساماڵ بێت دەتوانن دیاردەكە ببینن.

هاوكات بەپێی گۆڤاری (ناشناڵ جوگرافیك)، ماوەی مانگ گیرانە تەواوەكە كاتژمێرێك دەخایەنێت و لەكۆی گشتیشدا، كە نیمچە مانگ گیران-یشی تێدایە پێش مانگ گیرانە تەواوەكە سێ‌ كاتژمێر و نیو دەخایەنێت.

ژینگە

لە پێنجوێن، بەفر ئاستەنگ بۆ هاتوچۆ دروست دەكات

خەڵك-بەشی هەواڵ

قائیمقامی پێنجوێن ڕایدەگەیەنێت، بەفر ئاستەنگی بۆ هاتوچۆی نێوان پێنجوێن و سلێمانی دروست كرد و هۆكارەكەشی بۆ شۆفێڕان گەڕاندەوە.

چەند ڕۆژێكە شەپۆلێكی بەفر و باران بارین ڕووی لە هەرێمی كوردستان كردووە و بەپێی زانیارییەكانیش، بارانێكی زۆر لە شارەكان و لە ناوچە شاخاوییەكانیش بەفر باریوەو بەپێی پێشبینییەكانی كەشناسیش شەپۆلەكە بەردەوام دەبێت.

زانا ڕەحمان قائیمقامی پێنجوێن بە (خەڵك)ی ڕاگەیاند، بەهۆی ئەو بەفر بارینەی سنووری پێنجوێنی گرتەوە چەند كاتژمێرێك ئاستەنگ بۆ هاتوچۆ دروست بووە بەتایبەت لە رێگای ملەكەوە كە پێنجوێن بە پارێزگای سلێمانییەوە دەبەستیـَتەوە.

ووتیشی”خۆشبەختانە تیمەكانی سلێمانی و پێنجوێن بە هەماهەنگی هێزەكانی پۆلیس و پۆلیسی هاتوچۆی پێنجوێن دوای چەند كاتژمێرێك توانیان رێگاكە بكەنەوە”.
ئاشكراشیكرد، بەشێك لە هۆكارەكانی دروستبوونی ئاستەنگەكان، پەیوەندی بەو شۆفێرانەوە هەیە كە ڕوو دەكەنە ناوچەكە بێ ئەوەی پێداویستی تایبەت بە بەفریان پێبێت و زنجیر نابەستن و كێشەكە ئەوانە دروستی دەكەن.

ئاماژەی بۆ ئەوەش كرد، زیاتر لە 15 سم بەفر باریوەو بە بەردەوامیش دەبارێت.

بەردەوام بە لە خوێندنەوە

ژینگە

باران و بەفر بارین بەردەوام دەبێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 10 پلە و لە سلێمانی 7 پلە و لە دهۆك 9 پلەو لە كەركوكیش 11 پلە دەبێت‌و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانیش بەفر دەبارێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 11 پلە و لە سلێمانی 8 پلەو لە دهۆك 10 پلەو لە كەركوكیش 12 پلە دەبێت و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانی بەفر دەبارێت.

بەردەوام بە لە خوێندنەوە

ژینگە

بڕی باران بارین لە هەرێمی كوردستان بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە شاری ڕانییەی سەر بە پارێزگەی سلێمانی بە بڕی 52.5 ملم باریوە.

بەپێی زانیارییەكانی كەشناسی زۆرترین بارانی ئەمساڵ لە ناوچەی مێرگەسۆر لە پارێزگای هەولێر بە بڕی 1474.6 ملم باران باریوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین