ئێمە لە تۆرە کۆمەڵایەتیەکان

عێراق

ئێران: مانگانە 1500 كاروانی زیارەتكاران دەچنە عیراق

خەڵك- بەشی هەواڵ
بەڕێوەبەری گشتی بەشی كاروباری مەزارگە پیرۆزەكان لە عیراق لە رێكخراوی حەج و زیارەتی ئێرانی رایدەگەیەنێت، مانگانە 1500 كاروان لە پارێزگا جیاجیاكانی ئێران بۆ زیارەتی جێگە پیرۆزەكان و مەزاری ئیمامەكان، سەردانی عیراق دەكەن.

ئاژانسی (فارس)ی ئێرانی لە زاری مورتەزا ئاغایی، بەڕێوەبەری گشتی بەشی كاروباری مەزاگە پیرۆزەكان لە عیراق لە رێكخراوی حەج و زیارەتی ئێرانی بڵاویكردۆتەوە”2500 نوسینگە لە شارەكانی وڵاتدا مۆڵەتیان پێدراوە لەلایەن رێكخراوی حەج و زیارەتەوە، تا ناوی ئەو كەسانە تۆمار بكەن كە خواستیان لە زیارەتكردنی جێگە پیرۆزەكانە لە عیراق، بە رێگەی وشكانی و ئاسمانى”.

بە وتەی ئاغایی”بەڕەچاوكردنی زۆری زیارەتكارانی ئێرانی بەبۆنەی یادی شەهیدكردنی ئیمام عەلی هادی دەیەمین ئیمامی ئالی بەیت لە 3ی رەجەب (10ی ئادار)ی داهاتوو، رەنگە هەندێك لە كاروانەكان نەتوانن بەشداریی لە رێوڕەسمی ئەو زیارەتەدا بكەن لە شاری سامەڕای باكووری بەغدا”.

ئاغایی دەڵێت”قۆناغێكی تر لە تۆماركردنی ناوەكان لە 14ی ئاداردا بەبۆنەی دەستپێكردنی ساڵی نوێی ئێرانی و رۆژی نەورۆزەوە (21ی ئادار)، دەستپێدەكات”.

عێراق

بە ڤیدیۆ.. چەكدارێكی داعش لە میقدادییە كوژرا

خەڵك- بەشی هەواڵ

یەكەیەكی حەشدی شەعبی گرتەیەكی ڤیدیۆیی بڵاوكردووەتەوە و ڕایگەیاندووە، كە لە بۆسەیەكدا چەكدارێكی داعشیان لە سنوری شارۆچكەی میقدادییە كوشتووە.

شارۆچكەی میقدادییە دەكەوێتە باكوری ڕۆژهەڵاتی شاری بەعقوبەی سەنتەری پارێزگای دیالەوە و لە ساڵی 2014 دا، بەشێكی لەلایەن داعشەوە كۆنتڕۆڵكرا.

بەردەوام بە لە خوێندنەوە

عێراق

عیراق ئیدانەی پەلامارەكەی هەولێر دەكات

خەڵك – بەشی هەواڵ

وەزارەتی دەرەوەی عیراق ئیدانەی ئەو پەلامارە دەكات كە كرایە سەر دیپلۆماتكارانی كونسوڵخانەی توركیا لە هەولێر.

ئەحمەد سەحاف وتەبێژی وەزارەتی دەرەوەی عیراق لە ڕاگەیەندراوێكدا ئەوەیخستەڕوو، ئیدانەی ئەو پەلامارە دەكەن كە كرایە سەر دیپلۆماتكارانی كونسوڵخانەی توركیا لە هەولێر.

ئەحمەد سەحاف ئاماژەی بەوەشدا، لە پەیوەندیدان لەگەڵ لایەنە پەیوەندیدارەكان بە ئامانجی بەدەستهێنانی وردەكاری و زانیاری زیاتر لەبارەی ڕووداوەكەوە.

جێی ئاماژەیە، ئەمڕۆ چوارشەممە 17/7/2019 لە چێشتخانەی (هۆك باز)ی نزیك ئێمپایەر لە شاری هەولێر پەلاماری ژمارەیەك لە كارمەندانی كونسوڵخانەی توركیا درا و تێیدا جێگری كونسوڵی توركیا و كارمەندێك كوژرا و كەسێكی تریش برینداربوو.

بەردەوام بە لە خوێندنەوە

عێراق

ئەمریكا پەلامارەكەی هەولێر ئیدانە دەكات

خەڵك – بەشی هەواڵ

نێردەی ویلایەتە یەكگرتووەكانی ئەمریكا لە بەغدا پەلامارەكەی سەر كارمەندانی كونسوڵخانەی توركيا لە هەولێر ئیدانە دەكات.

باڵیۆزخانەی ئەمریكا لە بەغدا لە هەژماری فەڕمی خۆی لە تۆڕی كۆمەڵایەتی فەیسبوك بڵاویكردەوە، بەهۆی ئەو پەلامارە قێزەونەی كرایە سەر كارمەندانی كونسوڵخانەی توركیا لە هەولێر هاوخەمی خۆمان بۆ نێردەی دیپلۆماتیی توركیا ڕادەگەیەنین.

باڵیۆزخانەی ئەمریكا لە بەغدا ئەوەشی خستووەتەڕوو، پشتیوانی خۆمان بۆ پاراستنی سەلامەتیی دیپلۆماتكارە بیانییەكان و نێردە دیپلۆماتییەكان لە عیراق دووپاتدەكەینەوە.

بەردەوام بە لە خوێندنەوە

کوردستان