ئێمە لە تۆرە کۆمەڵایەتیەکان

ئابوری

لە سلێمانی دیداری ئابووری نێوان هەرێم و ئێران دەستی پێكرد

سلێمانی ـ نزار جەزا
لەشاری سلێمانی دیدارێكی ئابووری لەنێوان هەرێم و ئێران بەئامادەبوونی وەزیری دەرەوەی ئێران و بەرپرسانی حكومی هەرێم دەستیپێكرد، كە گرنگییەكی زۆری بۆ بواری وەبەرهێنان و ئابووری هەرێم هەیە.

سیروان محەمەد، سەرۆكی ژووری بازرگانی و پیشەسازی سلێمانی بە(خەڵك)ی ڕاگەیاند، وەزیری دەرەوەی ئێران لەشاری سلێمانی دیدارێكی ئابووری ساز دەكات، كە شەش پارێزگای هەرێمی كوردستان و عێراقیش تێیدا بەشداری دەكەن.

ئاماژەی بەئەوەشدا، ئەم دیدارە سودێكی زۆری ئابووری بۆ هەرێم بەتایبەت بۆ سلێمانی هەیە، چونكە سلێمانی سنورێكی فراوانی لەگەڵ ئێران هەیە و 7 دەروازەی فەرمی و نافەرمی لەگەڵ ئێران هەیە، بۆیە سلێمانی بۆتە سەرچاوەیەك بۆ شارەكانی دیكەی كوردستان و عێراق.

باسی لەئەوەشكرد، كۆمەڵێك كێشە لەدەروازەكاندا هەیە، بۆیە چاوەڕێ دەكەن ئەو كێشانە چارەسەر بكرێن لەم دیدارەدا و بانگێشتی كۆمپانیا ئێرانییەكان گرنگی خۆی هەیە و دەكرێت لەكوردستان وەبەرهێنان بكەن و هەلی كار دابین بكەن و كوردستان بگەشێتەوە لەڕووی ئابورییەوە.

وتیشی، “پەیامی ئێمە بۆ وەفدی ئێران ئەوەیە ئەو پڕۆتۆكۆڵەی لەنێوان حكومەتی هەرێم و كۆماری ئیسلامی ئێران لەشاری هەولێر ئیمزاكرا بخرێتە بواری جێبەجێكردنەوە، چونكە ئەمە دەبێتە هۆی ئەوەی وەبەرهێنان لەهەرێم بگەشێتەوە”.

ئابوری

دەروازە سنورییەكانی عیراق و هەرێم بە سیستمی ئەلكترۆنی بەڕێوەدەبرێت

خەڵك – بەشی هەواڵ

بۆ باشتر چاودێریكردنی دەروازە سنورییەكان، دەستەی دەروازە سنورییەكانی عیراق سیستمی ئەلكترۆنی لە دەروازە سنورییەكانی عیراق و ھەرێمی كوردستان دادەنێت.
دەستەی دەروازە سنورییەكانی عیراق لە ڕاگەیەنراوێكدا ئاماژەی بۆ ئەوەكردووە، ئەو سیستمە ئەلكترۆنییە دەتوانێت ئاسانكاری لە كاری گومرگی بكات و ڕۆتین و ناشەفافیەت كەمبكا‌تەوە، داواشی لە وەزارەتی دارایی ھەرێم كردووە دانانی سیستمی ئەلكترۆنی لە دەروازە سنورییەكانی ھەرێم جێبەجێ بكرێت.
هاوكات، كازم ئەلعقابی سەرۆكی دەستەی دەروازە سنورییەكانی عیراق ڕایگەیاند:” لەسەر ئەو بابەتە لەگەڵ ھەرێم ڕێككەوتن كراوە بۆ ئەوەی ئامێر و وردەكارییەكانی سیستمەكە بۆ دەزگا گومرگییەكان دابنرێت و خولی تایبەت بۆ كارمەندانی دەروازە سنورییەكان بكرێتەوە”.

بەردەوام بە لە خوێندنەوە

ئابوری

پلەی ژمارەیەك كارمەندی حكومەتی هەرێم بەرزدەكرێتەوە

خەڵك- بەشی هەواڵ
سەرەڕای وەستانی پلە بەرزكردنەوەی فەرمانبەرانی ڕاژەی شارستانی، بەڵام پلە بەرزكردنەوەی كارمەندانی ڕاژەی سەربازی و ناوخۆ بەردەوامە و كۆلێجی پۆلیسی سلێمانی ئاشكرای دەكات، كە تاقیكردنەوەی ئەفسەران بۆ پلە بەرزكردنەوە دەستی پێكردووە.

بەپێی ڕاگەیەندراوێكی كۆلێجی پۆلیسی سلێمانی، كە وێنەی دەست (خەڵك) كەوتووە، تاقیكردنەوەی پلە بەرزكردنەوەی ئەفسەران بۆ خشتەی (تموز/٢٠١٩) بەڕێوەچووە، كە 125 ئەفسەر لە بەڕێوەبەرایەتییە جیاجیاكانی سەر بە ئاسایشی ناوخۆ بەشداری تێدا دەكەن.

پلە بەرزكردنەوەی ئەفسەرانی وەزارەتی ناوخۆ و وەزارەتی پێشمەرگە لەكاتێكدایە، كە لە ساڵی 2016ەوە و لەگەڵ ڕاگەیاندنی سیستمی پاشەكەوتی مووچە، پلە بەرزكردنەوەی فەرمانبەرانی ڕاژەی شارستانی ڕاگیراوە و تا ئێستا حكومەتی هەرێم و وەزارەتی دارایی هیچ بڕیارێكیان نەداوە بۆ دەستپێكردنەوەی.

SONY DSC

بەردەوام بە لە خوێندنەوە

ئابوری

“پێویستی بە 13 دەفتەر دۆلارە”
پەروەردەی سلێمانی داوای هاوكاری بۆ خوێندكارێك دەكات

خەڵك-بەشی هەواڵ

بەڕێوەبەرێتی پەروەردەی ڕۆژئاوای سلێمانی داوای هاوكاری بۆ خوێندكارێك دەكات، كە دۆخی تەندروستی ناجێگیرە.

لە نوسراوێكدا، كە واژۆی بەكر محەمەد، بەڕێوەبەری پەروەردەی ڕۆژئاوای لەسەرە و بۆ سەرجەم خوێندنگا ئامادەیی و پیشەیی و قوتابخانە بنەڕەتییەكان نێردراوە، ئاماژە بۆ ئەوە دەكات، هاوكاری خوێندكار “ئەشكان ئازاد” بكەن، چونكە دۆخی تەندروستی ناجێگیرە و بەپێی ڕاپۆرتی پزیشكی پێویستی بە گۆڕینی دڵ و سییەكانی هەیە.

لای خۆشییەوە، بەختەوەر ڕەفیق، مامۆستا لە ئامادەیی بازرگانی سلێمانی ئێواران بە (خەڵك)ی ڕاگەیاند، ئەو خوێندكارە تەمەنی 16 ساڵ دەبێت و نەخۆشی مەترسیداری هەیە و پێویستی بە نەشتەرگەری هەیە لە وڵاتی هیندستان.

وتیشی، “بەپێی ئەو زانیارییانەی خێزانەكەی بە ئێمەیان ڕاگەیاندووە، نەشتەرگەرییەكە پێویستی 130 هەزار دۆلار (13 دەفتەر دۆلار) هەیە.

ئاماژەی بۆ ئەوەشكرد، باوكی خوێندكارەكە نەخۆشە و لە جێگادا كەوتووە.

هاووڵاتیان بۆ گەیاندنی هاوكاری و وەرگرتنی زانیاری پەیوەندی بەم ژمارە مۆبایلانەوە بكەن:
(07702145945 – 07701180051)

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین