ئێمە لە تۆرە کۆمەڵایەتیەکان

جیهان

فەرماندەیەكی سوپای ئازادی سوریا هێرشی توند دەكاتەسەر توركیا

خەڵك- بەشی هەواڵ

فەرماندەیەكی سوپای سوریای ئازاد هێرشی توند دەكاتەسەر توركیا و دەڵێت”ئەمریكا و ئیسرائیل لە توركیا شەریفترە”.

ئەو فەرماندەیە كە لە تۆڕە كۆمەڵایەتییەكان دەنگەكەی بڵاوبوەتەوە، باس لە هاوكاری توركیا و چەند لایەنێكی تر دەكات بۆ وێرانكردنی سوریا و ئاوارەكردنی خەڵكەكەی.

ریکلام

جیهان

ئەمریكا، گیانلەدەستدان بەهۆی كۆرۆناوە 11 هەزاری تێپەڕاند


خەڵك- بەشی هەواڵ
زانكۆی “جۆنز هۆبكنز”ی ئەمریكایی ڕایدەگەیەنێت، ژمارەی ئەوانەی لە ویلایەتە یەكگرتووەكان بەهۆی كۆرۆناوە گیانیانلەدەستدا، 11000 كەسی تێپەڕاند.

ئەمڕۆ سێ‌ شەممە، زانكۆی “جۆنز هۆبكنز”ی ئەمریكایی، ئامارێكی نوێی لەبارەی تووشبوان بە ڤایرۆسی كۆرۆنا لە ویلایەتە یەكگرتووەكان بڵاوكردەوە و تێیدا ئاماژەی بە گیانلەدەستدانی زیاتر لە 11 هەزار كەس كرد.

زاكۆكە دەڵێت”ژمارەی تووشبوان بە ڤایرۆسی كۆرۆنا لە ئەمریكادا گەیشتۆتە 368533 كەس، ئەوانەی نەخۆشییەكەشیان پەڕاندووە و چاكبوونەتەوە 19972 كەسن.

بڵاوبوونەوەی ڤایرۆسی كۆرۆنا زۆرێك لە وڵاتانی جیهانی ناچاركرد سنورەكانیان دابخەن، گەشتە ئاسمانییەكانیان ڕابگرن، قەدەغەكردنی هاتووچۆ بسەپێنن، پرۆسەی خوێندن ڕابگرن، زۆرێك لە چالاكییەكان هەڵبوەشێننەوە، ڕێگە لە گردبوونەوە گشتییەكان بگرن، و مزگەوت و كڵێساكان دابخەن.

بەپێی دوایین ئامار، لەئێستادا 1.379.040 حاڵەتی توشبوون بە ڤایرۆسی كۆرۆنا لە جیهاندا تۆماركراوە، لەو ژمارەیەش 294399 حاڵەتی چاكبوونەوە و 78114 حاڵەتی گیانلەدەستدانیش بەهۆی ڤایرۆسەكەوە تۆماركراوە.

بەردەوام بە لە خوێندنەوە

جیهان

پەیوەندی بە فرۆشتنی نەوتەوەیە
ئێران داوایەك لە ئەمریكا دەكات


خەڵك- بەشی هەواڵ
وەزیری دەرەوەی ئێران ڕایدەگەیەنێت، وڵاتەكەی پێویستی بە خێر و ئیحسانی دۆناڵد ترەمپ سەرۆكی ئەمریكا نییە، بەڵكو دەیەوێت، سزای ڕاگرتنی فرۆشتنی نەوتەكەی لەسەر هەڵبگیرێت.

ئەمڕۆ سێ‌ شەممە، محەمەد جەواد زەریف وەزیری دەرەوەی ئێران لەڕێی تۆڕی كۆمەڵایەتی (تویتەر)ەوە ڕایگەیاند”ئێران دەوڵەمەندە بە سامانی مرۆیی و سامانی سروشتی، پێویستمان بە خێر و ئیحسانی دۆناڵد ترەمپ نییە، بەڵكو دەمانەوێت نەوتی خۆمان بفرۆۆشین و لێوەى پێداویستی وڵاتەكەمان دابین بكەین”.

بە وتەی جەواد زەريف”ئەوەی ئێمە داوای دەكەین لە ترەمپ ئەوەیە، ڕێگە لە فرۆشتنی نەوت و بەرهەمەكانی تری ئێران نەگرێت، تا لێوەی پێداویستییەكانمان بكڕین”.

لە مانگی ئایاری 2018وە تەنگژەكان لەنێوان ئێران و ويلایەتە یەكگرتووەكان ڕوویان لە ئاڵۆزبوون كرد، بەهۆی پاشەكشەكردنی واشتن لە ڕێكەوتنی ئەتۆمی كە بووە مایەی لەگەڕخستنی ئابوری ئێران.

لەم ماوەیەی دواییدا، واشنتن پێشكەشكردنی یارمەتی مرۆیی بۆ ئێران پێشنیاركرد، بەڵام لە 22ی ئاداری ڕابردوودا عەلی خامنەیی ڕابەری باڵای وڵاتەكە، ئەو پێشنیارەی ڕەتكردەوە.

بەردەوام بە لە خوێندنەوە

جیهان

ڤایرۆسی كۆرۆنا قەدەغەی هاتوچۆی سەپاندووە
دیاریكردنی سزای چەند وڵاتێك بۆ ئەو كەسانەی قەدەغەكە دەشكێنن


خەڵك-تەنیا هەورامی

 

بڵاوبوونەوەی ڤایرۆسی كۆرۆنا لە جیهان وایكرد تاكە چارەسەرێك بۆ زاڵبوون بەسەر نەخۆشییەكەدا ڕێگریكردن بێت لە هاتوچۆكردنی هاووڵاتیان، دەسەڵاتدارانیش بۆ ئەوەی هاووڵاتیان پابەند بكەن بە ڕێنماییەكانەوە سزای توندیان دیاری كردووە بۆ ئەو كەسانەی قەدەغەی هاتوچۆ دەشكێنن، بەم شێوەیە.

لە وڵاتی چین: هەركەسێك قەدەغەی هاتوچۆ بشكێنێت، جگە لەوەی دەبێت پارە بدات، دەستگیریش دەكرێت.

لە وڵاتی ئیتالیا: زۆر بە سەختی سزای دیاری كردووە، بەشێوەیەك لە دوای جەنگی جیهانی دووەمەوە ئەمە یەكەم جارە سزای لەو شێوەیە دیاری بكرێـت، هەر هاووڵاتییەك لە ماڵەكەی دەرچێت بەبێ ئەوەی نووسراوی ڕێگەپێدانی هەبێت، سزای زیندانی بەسەرا دەسەپێنرێت بۆ ماوەی سێ مانگ و 206 یۆرۆشی لێدەسەنرێت.

كۆریای باشوور: وەك هۆكارێك بۆ ڕووبەرووبوونەوەی ڤایرۆسی كۆرۆنا، حكومەتی كۆریای باشوور سزای 8200 دۆلار یان زیندانی بۆ ماوەی ساڵێكی دیاری كردووە.

ڕوسیا: رۆیشتنە دەرەوە بە مەرجێك بۆ شمەكی ماڵەوە بێت كێشە نییە، بەڵام بەبێ هۆكار سزای زیندان یاخود سزای دارایی دەدرێن.

سەنگاپورە: هەر هاووڵاتییەك ڕێنماییەكان بشكێنێت، بڕی7 هەزار دۆلار سزا دەدرێت و ئەگەریشی هەیە دەستگیر بكرێت.

هیندستان: ئەو كەسەی قەدەغە دەشكێنێت، دەبێت پارەی نەقد بدات و لانی كەم دوو ساڵیش زیندانی بەسەردا دەسەپێنرێت.

ئۆزبەكستان: نابێت لە شوێنە گشتییەكان لە سێ كەس زیاتر كۆببنەوە جگە لەوەی كە ئەندامانی یەك خێزان بن، بەپێچەوانەوە هەركەس نایاسایی بكات بە بڕی 117 دۆلار سزا دەدرێت.

قازاغستان: هەركەس نایاسایی بكات بە بڕی 34 دۆلار سزا دەدرێت.

فەڕەنسا: ئەگەر هاووڵاتیەكی فەرەنسی بەبێ نوسراوی ڕێگەپێدان لە شوێنێكی گشتیدا بوونی هەبێت، بە بڕی 148 بۆ 220 دۆلار سزا دەدرێت، ئەگەر لەبەرانبەر پۆلیسیش هەڵوێستی هەبێت ئەوا سزاكەی بۆ سی و سێ هەزار دۆلار بەرز دەبێتەوە.

ئیسپانیا: هەركەس سەرپێچی بكات، بە بڕی 1500 تاكو 600 هەزار دۆلار سزا دەدرێت، لەوانەیە بۆ ماوەی ساڵێكیش سزای زیندانی بكرێت.

بەریتانیا: شكاندنی ڕێنماییەكان و هاتنەدەرەوە لە ماڵەوە، 60 پاوەندە و ئەگەر دووبارە ببێتەوە نۆ سەد و شەست پاوەند سزا دەدرێت.

سوید: لە ئەگەری شكاندنی ڕێنماییەكان، 147 دۆلار سزا دەدرێت و ئەگەر دووبارە بكرێتەوە لەماوەی دوو هەفتەدا ئەوا سزاكەی بۆ هەزار و شەش سەد و پەنجا و یەك دۆلار بەرز دەبێتەوە.

چیك: هەر كەسێك لە ماڵەوەبێتە دەرەوە و كەرەنتینە لەبەرچاو نەگرێت بە بڕی 130 دۆلار سزا دەدرێت.

نەرویج: بەرپرسانی ئەو وڵاتە ئاشكرایانكردووە، هەركەس ڕێنماییەكان بشكینێت، هەزار و نۆسەد دۆلار سزا دەدرێت و 15 ڕۆژیش دەخرێتە زیندانەوە.

ئیسرائیل: دەرچوون لە ڕێنماییەكان، بۆ ماوەی 3 ساڵ زیندانی دەكرێت و ئەگەر بە دەستئەنقەست كەرەنیتە بشكێنرێت ئەوا بۆ ماوەی 7 ساڵ زیندانی دەكرێت یان سزای هەشت سەد و بیست دۆلار.

ئیمارات: ئیمارات بڕیاری سەختی دژی ئەو كەسانە دەركردووە كە كەرەنتینە دەشكێنن، بەشێوەیەك پێنج ساڵ زیندان و سزای دارایی بە بڕی 13 هەزار دۆلار تاكو 27 هەزار دۆلار.

 

ئەمریكا: بڕی 10 هەزار دۆلار بۆ هەر كەسێك كە كەرنتینە بشكێنێت و ڕێنماییەكان جێبەجێ نەكات.

ئوستورالیا: هەركەس لە ماڵ بێتە دەرەوە و كەرەنتینە بشكێنێت، تاكو یەك ساڵ زیندانی دەكرێت و بە بڕی 50 هەزار دۆلاریش سزا دەدرێت.

بەردەوام بە لە خوێندنەوە

کوردستان