ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

گالاکسی S10 لە مانگی داهاتوودا ڕادەگەیەنرێت

خەڵک-

لە ماوەی ڕابردوودا پڕوپاگەندەکان بەردەوام بوون لەسەر وادەی نمایشکردنی نەوەی نوێی زنجیرەی S ـی گالەکسی، دواجار ئەمڕۆ سامسۆنگ کۆتایی بە پڕوپاگەندەکان هێنا و وادەی نمایشکردنی دەیەمین نەوەی زنجیرەی S ـی گالەکسی دیاریکرد.

سامسۆنگ ڕێکەوتی ٢٠ ـی شووباتی ئەمساڵی دیاریکرد بۆ ئەنجامدانی بۆنەی Unpacked بە مەبەستی ڕاگەیاندنی گالەکسییە نوێیەکان. بۆنەکە لە هۆڵی Bill Graham Civic Auditorium ـی شاری سان فرانسیسکۆی ویلایەتی کاڵیفۆڕنیای ئەمریکا ئەنجام دەدرێت. بە پێی پێشبینییەکان لەگەڵ نمایشکردنی ٣ جۆر لە گالەکسی S10، ڕەنگە کۆمپانیاکە یەکەمین مۆبایلی ڕوونما چەماوەیی خۆیشی لە بۆنەکەدا نمایش بکات.

پێشبینی دەکرێت دەیەمین نەوەی زنجیرەی S ـی گالەکسی پشتگیری لە نەوەی پێنجەمی پەیوەندی 5G بکات و خاوەن ڕوونمای جۆری Infinity-O بێت، هەروەها پێکدێن لە ٣ جۆری جیاواز. ڕەنگە سامسۆنگ ڕاگەیاندنی وردەکاری زیاتر لەسەر نەوە نوێیەکەی زنجیرەی S ـی گالەکسی دوابخات بۆ کاتی بەڕێوەچوونی کۆنگرەی MWC 2019 کە بڕیارە لە ٢٥ ـی مانگی داهاتوودا لە بەرشەلۆنەی ئیسپانیا بەڕێوە بچێت.

جریوەی فەرمی سامسۆنگ لە تویتەر دەربارەی بۆنەکە:

سەرچاوە:Kitn.net

ئۆتۆمبێل و تەکنەلۆژیا

ستۆرییەکانی فەیسبووک ڕۆژانە ٥٠٠ ملیۆن بەکارهێنەری هەیە

خەڵک-

ستۆرییەکانی فەیسبووک بۆ زیاتر ئاگاداربوونە لە چالاکی کەسەکان بەبێ ئەوەی پێویست بکات وێنە و ڤیدۆ و نوسینەکان لەسەر واڵی فەیسبووکت هاوبەشی پێبکەیت.

Image result for Facebook Stories

بیرۆکەی ستۆرییەکان کە بۆ ماوەی ٢٤ کاتژمێر کاران بیرۆکەی سناپ چات بوو کە دواتر ئیسنتەگرام ئەم بیرۆکەیەی بەکارهێنایەوە و پاشان گوازرایەوە بۆ فەیسبووک و مێسنجەر و پاشانیش بۆ واتساپ، کۆتا ڕێژەی بینینی ستۆرییەکانی فەیسبووک مانگی سێپتەمبەری ساڵی پار بوو کە ٣٠٠ ملیۆن بوو، و ئینستەگرامیش ڕێژەی ٥٠٠ ملیۆن بەکارهێنەری چالاکی ڕۆژانەی تێپەڕاندبوو لە مانگی یەکی ئەمساڵدا و لە ئێستاشدا فەیسبووک گەشتە ئەو ڕێژەیە سەرەڕای ئەوەی هێندەی ئینستەگرام تایبەتمەندی جیاواز و سەرنجڕاکێشی نییە بەڵام پشت بەستوو بەوەی تۆڕەکە زیاد لە ٢ ملیار بەکارهێنەری هەیە ڕێژەیەکی گونجاوە.

پێت وایە چ تایبەتمەندییەک گرنگ و پێوستە بۆ فەیسبووک زیاد بکرێت لە ئێستادا؟!

بەردەوام بە لە خوێندنەوە

ئۆتۆمبێل و تەکنەلۆژیا

”ئێيدە لەڤلێيس” یه‌كه‌م به‌رنامه‌ داڕێژه‌ری كۆمپیوته‌ر کە ئافرەت بوو!

خەڵک-

نووسه‌ر و بیرمه‌ندی بواری بیركاری ناوی ته‌واوی Augusta Ada King-Noel, Countess of Lovelace له‌ ١٠ ی كانوونی یه‌كه‌می ساڵی ١٨١٥ له‌ دایكبووه‌ و له‌ ٢٧ ی تشرینی دووه‌می ١٨٥٢ كۆچی دوایی كردووه‌ ، ئێدی كچی شاعیر و دڵدار poet Lord Byron بوو كه‌ له‌ له‌نده‌ن له‌ دایكبووه‌ و به‌ڵام دواتر چووه‌ زانكۆی له‌نده‌ن بیركاری ته‌واو كرد هه‌ر بۆیه‌ش ئێده‌ به‌هۆی باوكیه‌وه‌ هه‌ر له‌ منداڵیه‌وه‌ ڕووی له‌ بیركاری كردووه‌.

Ada_Lovelace
له‌ڤلێیس له‌ ڕووی هاوڕێیه‌تیه‌وه‌ كه‌سێكی داخراو بوو تاكه‌ هاوڕێكه‌ زۆر لێی نزیك بوو بریتی بوو له‌ Mary Somerville و هه‌روه‌ها له‌ ڕووی كاركردنه‌وه‌ زۆر سه‌ركه‌وتوو بوو به‌ڵام دڵه‌ڕاوكێی هه‌بوو و یه‌كه‌م كه‌سیش بوو كه‌ ئه‌لگۆریثمی بۆ ئامێره‌كان دانا و یه‌كه‌م داڕێژه‌ری به‌رنامه‌ی كۆمپیوته‌ریش بوو.

Related image

كچه‌ داڕێژه‌ری كۆمپیوته‌ر له‌ ساڵی ١٨٣٥ هاوسه‌رگیری له‌گه‌ڵ William King دا كرد و سه‌ره‌ڕای هاوسه‌رگیری كردن به‌ڵام به‌رده‌وام به‌ دوای زانیاری و پێشكه‌وتنی بوو له‌ بواری بیركاریدا و به‌رده‌وام هه‌وڵه‌كانی زیاتر ده‌كرد.

screen_shot_2013-10-10_at_4.18.26_pm
له‌ ساڵی ١٨٤٠ Charles Babbage كه‌ به‌ باوكی كۆمپیوته‌ر داده‌نرێت سیمینارێكی پێشكه‌ش كرد له‌ زانكۆی Turin ده‌رباره‌ی Analytical Engine دوای ئه‌مه‌ ئێیده‌ هه‌وڵی ئه‌وه‌یدا یه‌كه‌م به‌رنامه‌ دابڕێژێت و له‌م كاره‌شیدا سه‌ركه‌وتوو بوو له‌ تشرینی یه‌كه‌می ساڵی ١٨٤٢ یه‌كه‌م به‌رنامه‌ی نووسی و بوو به‌ یه‌كه‌م به‌رنامه‌ داڕێژه‌ری كۆمپیوته‌ر.

ada_lovelace_in_1852

سەرچاوە:تێک ئای.

بەردەوام بە لە خوێندنەوە

ئۆتۆمبێل و تەکنەلۆژیا

گەنجێکی کورد ٣ داهێنانی گرنگی ڕاگەیاند

خەڵک

بەختیار جەزا گەنجێکی داهێنەرە و ئەمڕۆ لە شاری سلێمانی لە کۆنفرانسی داهێنان لە شاری سلێمانی چەند بەرهەمێکی تەکنەلۆژی خۆیی ڕاگەیاند کە گەشەی پێداون و بەرهەمی هێناون، داهێنانەکانی خۆی دەبینێتەوە لە ئۆتۆمبێلی کۆنتڕۆڵ کە لە ڕێگەی چەند هەستەوەرێکی زیرەکەوە لە کۆنتڕۆڵەوە بە گەڕ دەخرێت و دەجوڵێنرێت و داهێنانێکی دیکەی بریتی بوو لە ڕاداری زیرەک و داهێنانی کۆتایشی بریتی بوو لە سیستەمی ئاگرکوژێنەوەی زیرەک کە دەست بەجێ دەتوانێت ئاگرەکە بکوژێنێتەوە و لە نزیکترین کاتدا کۆنتڕۆڵی بکات.

بینەری ئەم ڤیدیۆیەی خوارەوە بن تاوەکوو ئاشناببن بە کارەکانی ئەم داهێنەرە.

یەکەمین #کۆنفڕانسی_داهێنان لە شاری #سلێمانی چاوەڕێی داهێنانی سەرنجڕاکێش و ناوازە بن!

Posted by Xelk Media Network on Sunday, April 21, 2019

بەردەوام بە لە خوێندنەوە

کوردستان