ئێمە لە تۆرە کۆمەڵایەتیەکان

کوردستان

(خەڵك) نهێنی رێگادانی توركیا بە دیداری عەبدوڵڵا ئۆجەلان ئاشكرا دەكات

خەڵك- ئامەد حەسەن

دوێنێ محەمەد ئۆجەلان لە ئیمڕاڵی چاوی بە براكەی عەبدوڵڵا ئۆجەلان رێبەری زیندانیكراوی پارتی كرێكارانی كوردستان كەوت دوای نزیكەی 3 ساڵ كە دواین چاوپێكەوتن لە 2016دا بوو.

بەپێی ئەو زانیارییانەی لەچەند سەرچاوەیەكی تایبەتی باكوری كوردستانەوە دەست (خەڵك) كەوتوون، هۆكاری رێدانی دەسەڵاتدارانی ئەنقەرە بە دیداری عەبدوڵڵا ئۆجەلان دەگەڕێتەوە بۆ ئەو فشارانەی لەسەر توركیا هەبوون و خواستی توركیاش بۆ هێنانەئارای گفتووگۆ لەگەڵ پارتی كرێكارانی كوردستاندا .

سەرچاوەكە، رونیكردەوە “777 جار داواكاری بینینی عەبدوڵڵا ئۆجەلان لەلایەن ئەنقەرەوە رەتكراوەتەوە و دەنگۆی ئەوەش هاتبووەگۆڕێ كە ئۆجەلان لە ژیاندا نەماوە، هاوكات لەیلا گۆڤەنی پەرلەمانتاری هەدەپە 66 رۆژ مانی گرتووە و لە پەرلەمانی ئەوروپا دەنگدانەوەی دروستكردووە، مەترسی لەسەر ژیانی هەبوو، بۆیە توركیا كەوتە ژێر فشارەوە ناچاربوو رێگا بۆ دیداری ئۆجەلان بكاتەوە، ئەمە جگە لەوەی دەشبێتە سەرەتایەك بۆ گەڕانەوەی ئاشتی یان دەستپێكردنی گفتووگۆ كە پێشتر ئەنقەرە خوازیاری بووە”.

پێشتر بڵاوكرایەوە كە ئەنقەرە داوای گفتووگۆی كردووە لە پارتی كرێكارانی كوردستان لە قەندیل، بەڵام سەركردەكانی پەكەكە لە قەندیل گفتووگۆیان رەتكردووەتەوە لەگەڵ ئەنقەرەدا بە بێ ئۆجەلان و بە دەسەڵاتدارانی توركیایان راگەیاندووە، ئەوان لە رێگای ئۆجەلانەوە گفتووگۆ دەكەن.

لەوبارەیەشەوە سەرحەد ڤارتۆ وتەبێژی فەڕمی كۆما جڤاكێن كوردستانی كەجەكە لە لێدوانێكى پێشتریدا بۆ (خەڵك) رەتیكردەوە هیچ گفتووگۆیەك لە نێوان پەكەكە و توركیادا كرابێت، چونكە گفتووگۆ تەنها لە رێگای ئۆجەلانەوە دەكرێت.

ڤارتۆ دەڵێت “ئەگەر دەوڵەتی تورك دەیهەوێت كێشەكان چارەسەر بكات، لە بنەڕەتدا نزیكبوونەوەی ئەوان لە سەرۆك ئاپۆ بۆ ئێمە گرنگە، نزیكبوونەوەی ئەوان لە ئۆجەلان نیازی ئەوان بۆ چارەسەری نیشان دەدات”.

ئێستا ئەنقەرە لەگەڵ پەكەكەدا لە باكور و باشور و رۆژئاوای كوردستاندا بە توندی دەرگیربووە، بۆیە بە گوتەی سەرچاوەكە، چاوەڕێ دەكرێت ئەم دیدارەی ئۆجەلان ببێتە دەروازەیەك بۆ گفتووگۆ یان خاوبوونەوەی رەوشەكە و كەمكردنەوەی گرژییەكان.

عەبدوڵا ئۆجەلان رێبەری زیندانیكراوی پەكەكە لە ٢٧ی تەمووزی ٢٠١١ پارێزەرەكانی و لە ٥ی نیسانی ٢٠١٥ شاندی ئیمراڵی و لە ١١ی ئەیلولی ٢٠١٦ بنەماڵەكەی نەیان بینیوە و رێگا نەدراوە چاویان پێی بكەوێت و چاوپێكەوتنی لەگەڵ ئەنجام بدەن و لە ژێر گۆشەگیریدا بووە.

لای خۆیەوە سەلجوق مزراكلی پەرلەمانتاری هەدەپە لە پەرلەمانی توركیا بۆ ئاژانسی ANF رایگەیاند “ئومێد و ناونیشانی چارەسەری لە ئیمڕاڵییە و هۆكاری قەیرانی ئابووری و سیاسی و مافییەكان و كێشە درێژخایانە چارەسەرنەبووەكان و قەیرانەكانی توركیا بۆ گۆشەگیری ئۆجەلان دەگەڕێتەوە”.

لەدوای ئەم دیدارەوە ئەگەری بەهێز هەیە دەرگای گفتووگۆ و لێکنزیکبوونەوەی زیاتر بەڕووی پەکەکە و تورکیادا بکرێتەوە و پرۆسەی ئاشتی زیندووبكرێتەوە.

کوردستان

دوایین زانیاری لە بارەی كۆبوونەوەی پەڕلەمان و ڕێككەوتنی پارتی و یەكێتییەوە

خەڵك- بەشی هەواڵ

شەوی ڕابردوو، پارتی بە نافەڕمی وەڵامی یەكێتی سەبارەت بە داواكارییەكانیان دایەوە و یەكێتیش بە وەڵامەكە ڕازی نییە، بۆیە پێشبینی دەكرێت ئەمڕۆ یەكێتی بەشداری دانیشتەكەی پەڕلەمان نەكات، یان دوابخرێت بۆ ڕۆژانی ئایندە.

پەڕلەمانتارێكی فڕاكسیۆنی یەكێتی نیشتیمانی كوردستان لە پەڕلەمانی كوردستان بە (خەڵك)ی ڕاگەیاند، شەوی ڕابردوو پارتی وەڵامی یەكێتی داوەتەوە و سەبارەت بە كەركوكیش بە داواكارییەكەی یەكێتی ڕازی نەبووە.

ئەو پەڕلەمانتارە كە نەیوست ناوەكەی بڵاوبكرێتەوە، ڕوونیكردەوە تائێستا نازانرێت بەشداری دانیشتەكەی ئەمڕۆ دەكەن، یان نایكەن، چونكە ڕێككەوتنی سیاسی واژۆ نەكراوە”بەڵام یەكێتی و پارتی لە گفتووگۆی بەردەوامدان”.

یەكێك لە داواكارییە سەرەكییەكانی یەكێتی لە پارتی، دانانی كاندیدێكی ئەو حزبەیە بۆ پارێزگاری كەركوكدا، ڕۆژی 5ی ئەم مانگە ڕێككەوتنێكیان لەوبارەوە كرد، بەڵام دواتر پارتی و یەكێتی لەسەر وردەكاری دانانی كاندیدەكە و شوێنی كۆبوونەوەی ئەنجومەنی پارێزگای كەركوك ڕێكنەكەوتن.

بەردەوام بە لە خوێندنەوە

کوردستان

دوو كۆڵبەر لە بانە و پیرانشار بوونە قووربانی

خەڵك- بەشی هەواڵ

لە ڕۆژانی یەك شەممە و دوو شەممە لە شارەكانی بانە و پیرانشار دوو كۆڵبەر بوونە قووربانی.

بەپێی ڕاگەیەندراوی ڕێكخراوی مافی مرۆڤی هەنگاو لە ڕۆژی یەك شەممەدا لە سنووری هەنگەژاڵی بانە بە تەقەی هێزە ئاسایشییەكانی ئێران، كۆڵبەرێك كوژراوە.

لەلایەكی دیكەوە لە ڕۆژی شەممە كۆڵبەرێكی خەڵكی شاری پیرانشار بە تەقەی هێزە ئاسایشییەكانی ئێران بریندار بووە.

بەردەوام بە لە خوێندنەوە

کوردستان

نرخی دراوەكان لە بازاڕەكانی هەرێمی كوردستان

خەڵك- بەشی هەواڵ

ئاكام عەبدوڵڵا، خاوەنی نوسینگەی سروشتی چنیان لە سلێمانی بە (خەڵك)ی راگەیاند، بەیانی ئەمڕۆ دوو شەممە، نرخی دراوەكان بەم شێوەی لای خوارەوەن:

100 دۆلار 120 هەزار دینارە.
100 یۆرۆ 136 هەزار دینارە.
100 پاوەن 155 هەزار دینارە.
100 لیرە 23 هەزار دینارە.
100 هەزار تمەن 11 هەزار دینارە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین