ئێمە لە تۆرە کۆمەڵایەتیەکان

جیهانی

(ڕامۆس چووه‌ لیسته‌که‌وه‌‌) به‌رگریکاره‌ گۆڵکاره‌کان به‌درێژایی مێژووی تۆپی پێ و به‌پێی ڕێژه‌ی گۆڵه‌کانیان ئه‌مانه‌ بوون

خه‌ڵک سپۆرت

له‌یاریی تۆپی پێدا سیستماتیک به‌رگریکاران کاریان پچڕاندنی تۆپ و به‌رگری کردنه‌، به‌ڵام هه‌میشه‌ یاریزانانێک هه‌بوون پشتیان به‌م بنه‌مایه‌ نه‌به‌ستووه‌ و هاوشێوه‌ی هێرشبه‌ران له‌ تۆماری گۆڵدا به‌شدارییان کردووه‌.

ڕۆژنامه‌ی “ئاس”ی ئیسپانی ڕیزبه‌ندی ئه‌و به‌رگریکارانه‌ بڵاوده‌کاته‌وه‌ که‌ له‌ تۆماری گۆڵکردندا به‌شداری به‌رچاویان هه‌بووه‌ و به‌هۆی ڕێژه‌ی گۆڵه‌کانیانه‌وه‌ وه‌ک گۆڵکار له‌په‌ڕاوه‌کانی مێژوودا ناویان ده‌هێنرێت، بۆنمونه‌: سێرجیۆ ڕامۆس که‌ یاریزانێکی ناوداری یانه‌ی ڕیاڵ مه‌دریده‌و زۆرینه‌تان ده‌یناسن.

سه‌رباری ئه‌وه‌ی ڕامۆس به‌ لێدانه‌کانی سه‌ری و په‌ناڵتیه‌کانی ناسراوه‌، به‌ڵام له‌گه‌ڵ ئه‌وه‌شدا وه‌ک باشترین به‌رگریکاری گۆڵکار ده‌ستنیشان ناکرێت و له‌ڕیزبه‌ندیه‌که‌دا ده‌که‌وێته‌ پله‌ی کۆتاییه‌وه‌ (باشترین ١١ به‌رگریکاری گۆڵکار).

  • سێرجیۆ ڕامۆس: له‌کۆتا ڕووبه‌ڕوبونه‌وه‌ به‌رامبه‌ر لیگانێس گۆڵێکی تۆمار کرد و ڕێژه‌ی گۆڵه‌کانی بۆ (١٠٠) به‌رز کرده‌وه‌، له‌ڕیزبه‌ندی به‌رگریکاره‌ گۆڵکاره‌کاندا پله‌ی کۆتایی گرتووه‌.
  • فرانز بیکنباوه‌ر: ئه‌فسانه‌که‌ی ئه‌ڵمانیا له‌کۆی ٨١٢ یاریی ١٠٨ گۆڵی تۆمار کردووه‌.

  • ئیدگاردۆ باوزا: ئه‌رجه‌نتینیه‌ ناوداره‌که‌ که‌ ئێستا کاری ڕاهێنان ده‌کات، له‌مێژوویدا ٥٦٥ یاریی کردووه‌ و ١٠٨ گۆڵی تۆمار کردووه‌.
  • ڕۆبێرتۆ کارلۆس: موشه‌که‌که‌ی به‌رازیل له‌ته‌مه‌نی وه‌رزشییدا ٩٤٥ یاریی کردووه‌ و ١١٣ گۆڵی تۆمار کردووه‌.
  • ستیڤ بروس: ئه‌فسانه‌ی مانچسته‌ر یونایتد له‌کۆی ٩٢٦ یاریی توانیویه‌تی ١١٣ گۆڵ تۆمار بکات.
  • تولیۆ تاناکا: ئه‌فسانه‌ ژاپۆنیه‌که‌ ١٢٣ گۆڵی تۆمار کردووه‌ سه‌ره‌ڕای ئه‌وه‌ی ته‌نها به‌رگریکارێکه‌.
  • گراهام ئه‌لیکسانده‌ر: ئه‌فسانه‌ی یانه‌ی بێرنڵی له‌کۆی ٨٧٣ یاریی ١٣٠ گۆڵی تۆمار کردووه‌.
  • پاول برایتنه‌ر: ئه‌فسانه‌ ئه‌ڵمانیه‌که‌ له‌کۆی ٤٢٠ یاریی ١٣١ گۆڵی تۆمار کردووه‌.
  • لوران بلان: ئه‌ستێره‌که‌ی ٩٨ی فه‌ره‌نسا له‌کۆی ٦٩٩ یاریی توانیویه‌تی ١٥٣ گۆڵ تۆمار بکات.
  • پاسارێلا: ئه‌فسانه‌که‌ی وڵاتی تانگۆ له‌کۆی ٥٢١ یاریی ١٧٥ گۆڵی تۆمار کردووه‌.
  • ڕۆناڵد کومان: ئه‌فسانه‌ی به‌رگری هۆڵه‌ندا له‌ژیانی وه‌رزشییدا ٧٦٣ یاریی کردووه‌ و خاوه‌نی ٢٥٣ گۆڵه‌.

جیهانی

(ئیسپانیا باڵاده‌سته‌) به‌هێزترین ئه‌و (١٠) بۆنده‌ی له‌ گواستنه‌وه‌کانی هاوینه‌ی ٢٠١٩دا واژو کراون !

خه‌ڵک سپۆرت

له‌ گواستنه‌وه‌کانی هاوینه‌ی ٢٠١٩دا یانه‌کانی ئه‌وروپا جموجحۆڵی به‌هێزیان بۆ پڕکردنه‌وه‌ی که‌لێنی پێکهاته‌کانیان کردووه‌، به‌و هۆیه‌شه‌وه‌ چه‌ندین بۆندی گه‌وره‌ و هه‌ژێنه‌ر واژو کراون.

میریکاتۆی ٢٠١٩ جیاوازیه‌که‌ی له‌وه‌دایه‌ که‌ تا ئه‌م ساته‌ سێ بۆندی به‌ زیاتر له‌ (١٠٠) ملیۆن یورۆ تیادا واژو کراوه‌، ئه‌وه‌ش یه‌که‌مینجاره‌ له‌مێژووی گواستنه‌وه‌کاندا ڕووده‌دات، بگره‌ چاوه‌ڕوانیش ده‌کرێت گواستنه‌وه‌ی پۆل پۆگبا له‌ یانه‌ی مانچسته‌ر یونایتده‌وه‌ به‌ره‌و ڕیاڵ مه‌درید به‌هه‌مان شێوه‌ ئه‌نجام بدرێت، هه‌روه‌ها گه‌ڕانه‌وه‌ی نایمار دا سیلڤا له‌ پاریس سانت جێرمانه‌وه‌ بۆ به‌رشلۆنه‌ ئه‌گه‌رێکی تره‌ و به‌ زیاتر له‌ ١٠٠ ملیۆن ڕووده‌دات.

سه‌یر له‌وه‌دایه‌، له‌م هاوینه‌دا یانه‌کانی ئیسپانیا له‌ڕووه‌کانی فرۆش و کڕینه‌وه‌ باڵاده‌ستیان به‌سه‌ر خوله‌کانی تردا نیشانداوه‌ و زۆرینه‌ی بۆنده‌ گه‌وره‌کان له‌لایه‌ن یانه‌کانی ئیسپانه‌وه‌ به‌جێگه‌یه‌نراون:

  • جواو فیلێکس (به‌نفیکا بۆ ئه‌تله‌تیکۆ مه‌درید): ١٢٦ ملیۆن یورۆ
  • ئه‌نتوان گریزمان (ئه‌تله‌تیکۆ مه‌درید بۆ به‌رشلۆنه‌): ١٢٠ ملیۆن
  • ئیدین هازارد (چێڵسی بۆ ڕیاڵ مه‌درید): ١٠٠ ملیۆن
  • لوکاس هێرناندێز (ئه‌تله‌تیکۆ مه‌درید بۆ بایرن میونشن): ٨٠ ملیۆن
  • فرینکی دی یۆنگ (ئه‌یاکس ئه‌مسته‌ردام بۆ به‌رشلۆنه‌): ٧٥ ملیۆن
  • ڕۆدری (ئه‌تله‌تیکۆ مه‌درید بۆ مانچسته‌ر سیتی): ٧٠ملیۆن
  • لوکا یوڤیچ (ئینتراخت فرانکفۆرت بۆ ڕیاڵ مه‌درید): ٦٠ ملیۆن
  • تانگوی ندۆمبێلی (لیۆن بۆ تۆتنهام): ٦٠ ملیۆن
  • ئارۆن وان بیساکا (کریستاڵ باڵاس بۆ مان یونایتد): ٥٥ ملیۆن
  • ئیدێر میلیتاو (پۆرتۆ بۆ ڕیاڵ مه‌درید): ٥٠ ملیۆن
بەردەوام بە لە خوێندنەوە

جیهانی

(وێنە و ڤیدیۆ) گەیشتنی دی لیخت بۆ ئیتاڵیا و تێپەڕاندنی پشکنینە پزیشکیەکان !

خەڵک سپۆرت

گواستنەوەی ماتیاس دی لیختی هۆڵەندی بەرگریکاری یانەی ئەیاکس ئەمستەردام بۆ یانەی یوڤانتۆس بەفەرمی کۆتایی هات و شەوی ڕابردوو ناوبراو گەیشتە شاری تۆرینۆ.

درەنگانێکی شەوی ڕابردوو گەوهەرە هۆڵەندیە ١٩ ساڵەکە  بە فڕۆکەی تایبەت گەیشتە شاری تۆرینۆ و ئەمڕۆ لە نەخۆشخانەی تایبەتی بیانکۆنێری پشکنینە پزیشکیەکانی ئەنجامدا، بڕیاریشە لە چەند کاتژمێری داهاتوودا بەفەرمی پێشکەشی هاندەرانی یانە ئیتاڵیە ناودارەکە بکرێت.

گواستنەوەی دی لیخت بۆ یوڤانتۆس پاش ململانێیەکی قورسی یانە ئیتاڵیەکە بەرامبەر یانەکانی بەرشلۆنە و لیڤەرپوڵ یەکلایی کرایەوە، کە بەهەمان شێوە داواکاری یاریزانەکە بوون، گواستنەوەکە بەبڕی ٧٥ ملیۆن یورۆ ڕێکەوتنی لەسەر کراوە و یاریزانەکە ساڵانە موچەی ١٢ ملیۆن یورۆ بەدەست دەهێنێت.

 

بەردەوام بە لە خوێندنەوە

جیهانی

یونایتد ماگوایه‌ری یه‌کلایی کردۆته‌وه‌ و ئاماده‌کاری بۆ دووه‌م گه‌وره‌ بۆندی هاوینه‌ ده‌که‌ن !

خه‌ڵک سپۆرت

سه‌رۆکایه‌تی یانه‌ی مانچسته‌ر یونایتد له‌سه‌ر ڕاسپارده‌ی ئۆلی گۆنار سۆڵشایه‌ری ڕاهێنه‌ری یانه،‌ ده‌ستیان به‌ هه‌وڵه‌کانیان بۆ گواستنه‌وه‌ی ئه‌ستێره‌یه‌کی پورتوگالی کردووه‌.

ڕۆژنامه‌ی “ده‌یلی مه‌یڵ”ی به‌ریتانی پاڵپشت به‌زانیاریه‌کانی ڕۆژنامه‌ی “ئه‌بۆلا”ی پورتوگالی ئاشکرای کردووه‌، نوێنه‌رانی یونایتد توانیویانه‌ گواستنه‌وه‌ی هاری ماگوایه‌ری به‌رگریکار له‌ یانه‌ی لیسته‌ر سیتیه‌وه‌ به‌بڕی ٨٠ ملیۆن یورۆ یه‌کلایی بکه‌نه‌وه‌، به‌م هه‌نگاوه‌ش گره‌ویان له‌ یانه‌ی مانچسته‌ر سیتی بردۆته‌وه‌ که‌ ‌به‌هه‌مان شێوه‌ داواکاری به‌رگریکاره‌ ئینگلیزیه‌که‌ بوون.

به‌پێی سه‌رچاوه‌کان، نوێنه‌رانی یونایتد له‌ پورتوگال له‌چه‌ند ڕۆژی داهاتوودا ده‌ست به‌ گفتوگۆکردن بۆ گواستنه‌وه‌ی برونۆ فێرناندێزی ئه‌ستێره‌ی یانه‌ی سپۆرتینگ لشبۆنه‌ و هه‌ڵبژارده‌ی پورتوگال ده‌که‌ن، وه‌ک ده‌ستپێک ئۆفه‌رێک به‌بڕی ٥٠ ملیۆن یورۆ پێشکه‌ش ده‌که‌ن.

“ده‌یلی مه‌یڵ” ئاماژه‌ی کردووه‌، ئیمزاکردنی بۆند له‌گه‌ڵ فێرناندێز له‌سه‌ر ڕاسپارده‌ی سۆڵشایه‌ر ئه‌نجام ده‌درێت و په‌یوه‌ندی به‌ به‌رده‌وامبون و ڕۆیشتنی پۆل پۆگبای فه‌ره‌نسیه‌وه‌ نییه‌، به‌ڵکو ئه‌گه‌ر ناوه‌ندسازه‌ فه‌ره‌نسیه‌که‌ش به‌رده‌وامبێت بۆندی یاریزانه‌ پورتوگالیه‌که‌ ئیمزا ده‌کرێت.

فێرناندێزی ته‌مه‌ن ٢٤ ساڵ نۆڤارا و ئودینێزی و سامپدۆریا و سپۆرتینگ لشبۆنه‌ یاریی کردووه‌، یه‌کێکه‌ له‌ یاریزانه‌ کاریگه‌ره‌کانی هه‌ڵبژارده‌ی پورتوگال و له‌پێگه‌ی ناوه‌ندی هێرشبه‌ریدا یاریی ده‌کات.

بەردەوام بە لە خوێندنەوە

کوردستان