ئێمە لە تۆرە کۆمەڵایەتیەکان

کوردستان

یەكێك لە برایەكانی بینیویەتی..
نوێترین زانیاری لەبارەی رەوشی ئۆجالان

خەڵك – ئارام سەردار

سەبارەت بەڕەوشی عەبدوڵا ئۆجالان و درێژەی ئەو مانگرتانەی لەماوەی رابردوو لەلایەن نوێنەرایەتی هەدەپە ئەنجامدراون، نوێنەری هەدەپە لەباشوری كوردستان رایگەیاند، مزگێنی ئەوە رادەگەیەنین كە براكەی عەبدوڵا ئۆجالانی بینیوە.
عابد ئیكە نوێنەری هەدەپە لە باشووری كوردستان لەكۆنگرەیەكی رۆژنامەوانیدا رایگەیاند، لەبارەی تەندروستی ئۆجالان و رەوشی براكەی كەماوەی سێ ساڵە لە زیندان گۆشەگیر كراوە، ئەمڕۆ مزگێنی ئەوە وەرگیرا كە محەمەد ئۆجالان و عەبدوڵا ئۆجالان یەكتریان بینوە، بەڵام ناوەڕۆكی دیدارەكە هێشتا ئاشكرا نەكراوە و تەنها وتویەتی رەوشی تەندروستی عەبدوڵا ئۆجالان باشە.
عابد ئیكە وتیشی، دۆست و دوژمنی كوردستان لەجیهان و چوار پارچەی كوردستان بابزانێت هەرچ بكات لەبەرامبەر تێكۆشانی گەلی كورد و گەلانی تر بۆ تێكشكانیان، لەئەنجامدا بەرخودانی هەڤالانی ئێمە و كورد بەئیرادەیەكی مەزن سەردەكەون لەزیندانەكان و ئەوروپا و باكوری كوردستان.
نوێنەری هەدەپە لە باشووری كوردستان ئەوەشی خستەڕوو، سوپاسی هەموو لایەن و ئەوە كەسانە دەكەین لەگەنجانی وڵاتپارێز و چالاكوانانی مەدەنی كە پشتیوانی ئێمەیان كرد و چالاكییەكانیشمان بەردەوام دەبێت تا لەناوەندی هەدەپە رادەگەیەنرێت چالاكییەكانمان رابگرین و هەر كەسێكیش چالاكی ئەنجام بدات و بەشداری بكات ئەوا ئێمە سوپاسی دەكەین.
زیاتر لەدوو مانگە نوێنەرایەتی هەدەپە و لایەنگرانیان لەتەواوی جیهان و توركیا و باكوری كوردستان مانگرتیان راگەیاندووە بەهۆی گۆشەگیركردنی عەبدوڵا ئۆجالان رێبەری زیندانیكراوی پارتی كرێكارانی كوردستان و رێگەنەدان بە دیداری لەناو زیندانى ئیمڕاڵیدا .

کوردستان

مەلا بەختیار لەبارەی دامەزراندنی حزبەوە ڕوونكردنەوە دەدات

خەڵك- بەشی هەواڵ

مەلا بەختیار بەرپرسی دەستەی كارگێڕی مەكتەبی سیاسی یەكێتی نیشتمانی كوردستان و سەرپەرشتیاری گشتی پلاتفۆڕمی دابڕان ڕایگەیاند، مەكتەبی سیاسی، سەركردایەتی، ئەنجومەنی ناوەندی و سەرجەم ئۆرگانەكانی یەكێتی دڵنیا دەكەنەوە، كە ناوەندی دابڕان ناكەنە حزب.

مەلا بەختیار لەگوتارێكدا لە دووهەم ڕۆژی كۆنفڕانسی پلاتفۆڕمی دابڕاندا ئاماژەی بەوەكرد، ئەوانەی ئەو دەنگوباسانە بڵاودەكەنەوە، كە ناوەندی بڕیار دەكرێت بە حزب، ڕاست نین، ئەو دەنگۆیانە بۆ ترساندنی لایەنگرانی یەكێتییە، كە نزیك نەبنەوە لە دابڕان.

ڕوونیشیكردەوە، پلاتفۆڕمی دابڕان دامەزراوەیەكی ڕۆشنبیریی عەلمانییە، بڕوای بە ئازادی ویژدان هەیە، بەڵام ئیلحاد نییە.

بەردەوام بە لە خوێندنەوە

کوردستان

توركیا جارێكی دیكە ڕێگەی بە دیداری ئۆجالان نەدا

خەڵك- بەشی هەواڵ

محەمەد ئۆجالانی برای عەبدوڵڵا ئۆجالان و مەزڵووم دینچ-ی وارسی، بۆ ئەوەی بچنە ئیمڕاڵی دوێنێ لە ڕێی پارێزەرانەوە داواكارییەكی دیكەیان پێشكەشی سەرۆكایەتیی داواكاری گشتیی شاری بوورسا كرد، بەڵام ئەم جارەش داواكارییەكەیان ڕەتكرایەوە.

ئاژانسی فوڕاتنیوز بڵاویكردەوە “هەروەها خانەوادەی ٣ زیندانیی دیكەی بەندیخانەی ئیمڕاڵی؛ هامیلی یڵدرم، عومەر خەیری كۆنار و ڤەیسەل ئاكتاش بۆ هەمان مەبەست لە ڕێی پارێزەرانەوە داواكارییەكیان پێشكەش كرد، بەڵام ئەمجارەش بە بیانووی «سنوورداركردنی پەیوەندیی سزادراوان» مۆڵەتی چاوپێكەوتنیان نەدا”.

عەبدوڵا ئۆجالان لە ١١ی ئەیلوولی ٢٠١٦-ەوە ڕێگری لێ دەكرێت چاوی بە خانەوادەكەی بكەوێت. بەڵام دوای دەستپێكردنی مانگرتنەكان بۆ هەڵگرتنی گۆشەگیریی سەر ئیمڕاڵی، لە ١٢ی كانوونی دووەمی ٢٠١٩ ڕێگە درا كە محەمەد ئۆجالان سەردانی ئیمڕاڵی بكات و چاوپێكەوتنێكی كورت بكات.

لە لایەكی دیكەوە لە ٢٧ی تەمووزی ٢٠١١-ەوە توركیا ناهێڵێت پارێزەرانی ئۆجالان سەردانی ئیمڕاڵی بكەن و چاویان بە ئۆجالان بكەوێت. لەوكاتەوە تا ئێستا ٧٩٢ جار داواكاریی پارێزەران ڕەتكراوەتەوە.

بەردەوام بە لە خوێندنەوە

کوردستان

سەعدی ئەحمەد پیرە: داوای پۆستی سەرۆكی هەرێممان نەكردووە

خەڵك- بەشی هەواڵ

ئەندامێكی مەكتەبی سیاسی یەكێتی نیشتمانی كوردستان ڕایگەیاند، یەكێتی داوای پۆستی سەرۆكی هەرێمی نەكردووە و هیچی وای نەبیستووە، بەڵام لەگەڵ ڕۆیشتنی ئاڕاستەی پرۆسەكە بە ناتەندروست، ئەوا خەڵك هەوڵ دەدەن قسەی وا بكەن و كێشە دروست ببێت.

سەعدی ئەحمەد پیرە بە كەناڵی ڕووداو-ی ڕاگەیاندووە، دووئیدارەیی تەواو بوو، پێشتر تاقییان كردووەتەوە، یەكێتی هەرگیز باسی دووئیدارەیی نەكردووە.

هاوكات دوێنێ مەلا بەختیار بەرپرسی دەستەی كارگێڕی مەكتەبی سیاسی یەكێتی بابەتی دووئیدارەیی ڕەتكردەوە.

لەبەرامبەردا وەستا ڕەسوڵ و فەرید ئەسەسەرد ئەندامانی سەركردایەتی یەكێتی وەك ئەگەرێك باسیان لەدووئیدارەیی و لامەركەزی بۆ سلێمانی كردبوو.

دوای شكستی ڕێككەوتنی پارتی و یەكێتی و كۆبوونەوەی پەڕلەمان، لەتیف شێخ عومەر وتەبێژی یەكێتی ڕایگەیاند، یەكێتی لە دوای كۆبوونەوەی پەڕلەمان قسەی نوێی دەبێت.

هاوكات سەرچاوە نێوخۆییەكان ئاشكرایان كرد یەكێتی پۆستی سەرۆكی پەڕلەمانی ناوێت و سەرۆكی هەرێمی دەوێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان