ئێمە لە تۆرە کۆمەڵایەتیەکان

کوردستان

یەكێتی: گەڕانەوەی سەربازانی ئەمریكا بۆ (كەی وەن) هەنگاوێكی گرنگە

خەڵك – بەشی هەواڵ

فەرماندەی میحوەری چواری هێزەكانی پێشمەرگە، گەڕانەوەی هێزەكانی هاوپەیمانان و بەتایبەت ئەمریكا بۆ سەربازگەی (كەی وەن) لەكەركوك بەهەنگاوێكی گرنگ ناو دەبات.
وەستا رەسوڵ فەرماندەی میحوەری چواری هێزەكانی پێشمەرگە كە سەر بە كێتیی نیشتمانیی كوردستانە بە میدیای فەرمی حزبەكەی رایگەیاند، گەڕانەوەی هێزەكانی هاپەیمانان بۆ بنكەی سەربازی (كەی وەن) هەنگاوێكی گرنگی قۆناغەكەیە و لەو ڕێگەیەوە دەتوانرێت ئاسانتر شەڕی پاشماوەكانی داعش بكرێت.
لەبارەی گرنگی گەڕانەوە و جێگیركردنی زیاتری سەربازانی ئەمریكا لە كەركوك فەرماندەی میحوەری چواری هێزەكانی پێشمەرگە رایگەیاند، خاڵێكی تری گرنگی گەڕانەوەی هاوپەیمانان بۆ كەركوك بۆ هەماهەنگی و سەرپەرشتیكردنی هێزەكانی پێشمەرگە و هێزەكانی تری عیراقە، كە ئەركی پاراستنی شارەكەیان لەئەستۆ دەبێت لەهەمان كاتیشدا لەو ڕێگەیەشەوە دەتوانرێت مەشق پێكردنی هێزەكانی پێشمەرگەی كوردستان لەلایەن هاوپەیمانانەوە بەردەوامی پێبدرێت.

کوردستان

كتێبی، تیۆرەكانی گەشەكردن و دروستبوونی دەوڵەت، بڵاوكرایەوە

خەڵك

كتێبی (تیۆرەكانی گەشەكردن و دروستبوونی دەوڵەت)، كەوتە بەر دیدی خوێنەران و لە ئێستادا، لە كتێبخانەكانی هەرێمی كوردستان بەردەستە.

نوسەرو ڕۆژنامەنوس، هەڵگورد جەلال، نوسەری كتێبی (تیۆرەكانی گەشەكردن و دروستبوونی دەوڵەت)، بە تۆڕی میدیایی (خەڵك)ی ڕاگەیاند:” ئەم كتێبە شیكردنەوەیەكە لەسەر دیدگا و بۆچوونە جیاوازەكان لەسەر دەوڵەت.

وتیشی،” بۆ ئێمەی كورد زیاد لەهەر گەلێكی تر پێویستمان بە مەعریفەیەكی فراوان هەیە لەسەر دەوڵەت و زەمەن و چۆنیەتی دروستبوونی دەوڵەت و هەوڵ و شیكردنەوەیەكی بابەتییانەیە دوور لە هەڵچوون و نەشئەیەكی كاتی”.

نووسەر، باسی لەوەشكرد، لە دوو توێی پێنج بەشدا، بەدەر لە هەر لایەنگیرییەك هەوڵدراوە، شكیردنەوەی بابەتیانە بۆ زەرورەتی دروست بوون و گەشە سەندنی تیۆرەكانی دەوڵەت بخرێتەڕوو.

بەردەوام بە لە خوێندنەوە

کوردستان

پێشمەرگە ئۆپەراسیۆنێكی تایبەتی دژ بە داعش ئەنجامدا

خەڵك- بەشی هەواڵ

هێزێكی تایبەتی پێشمەرگە لە نزیك قەزای دوزخورماتوو، هەڵمەتێكی سەربازی تایبەتیان دژ بە چەكدارانی داعش ئەنجامدا و دەستیان بەسەر دەیان كیلۆ تەقەمەنیدا گرت.

فەرماندەیەك لە هێزی تایبەتی هێزەكانی 70ی یەكێتی نیشتیمانی كوردستان بە (خەڵك)ی راگەیاند، هێرشەكە لەلایەن هێزێكی تایبەتی سەر بە هێزەكانی 70ەوە بە ناوی”Golden Forces” كراوە و ناوچەكانی قۆری چا و پەڵگانەی گرتوەتەوە.

سەرچاوەكە كە نەیوست ناوی بڵاوبكرێتەوە، رونیكردەوە لە هێرشەكەدا هێزی ئاسمانی و زەمینی فەرەنسا بەشداریان كردووە و رووبەڕووبونەوە روویداوە.

وتیشی”كوژرا و بریندار نەبوو، پێشمەرگەش هیچ زیانی نەبوو، بەڵام دەستمان بەسەر بڕێكی زۆری تەقینەوەدا گرت، كە نزیكەی 40 كیلۆگرامە و ئامادەكرابوون بۆ تەقینەوە”.

تائێستا چەندجارێك هێزی تایبەتی سەر بە هێزەكانی 70، ئۆپەراسیۆنی تایبەتیان دژ بە چەكدارانی داعش لە نزیك شارۆچكەی دوزخورماتو و ناوچەكانی تەماس لەگەڵ عێراق ئەنجامداوە و بەهۆیەوە چەندین چەكداری داعش كوژراون و زیانی ماددی زۆریشیان بەركەوتووە.

سەبارەت بە هەماهەنگی نێوان پێشمەرگە و هێزەكانی عێراقیش، فەرماندە سەربازییەكە رەتیكردەوە، هیچ هاوكارییەك لە نێوانیاندا هەبێت و وتی”هەماهەنگی نەبووە و ئەوانیش ئاگادارنەبوون كە هەڵمەتەكەمان ئەنجامدا”.

دوای رووداوەكانی 16ی ئۆكتۆبەری ساڵی 2017 و گەڕانەوەی هێزەكانی عێراق بۆ ناوچەكانی جێناكۆكی و كشانەوەی پێشمەرگە، دۆخی ئەمنی ئەو ناوچانە سەقامگیر نین و چەكدارانی داعشیش بۆشایی ئەمنی ناوچەكەیان قۆستۆتەوە و لە ماوەی رابردوویشدا چەندین هێرشیانكردەسەر هێزەكانی ئەمنی عێراق.

بەردەوام بە لە خوێندنەوە

کوردستان

شاندێكی مەغریبی سەردانی هەرێمی كوردستان و عێراق دەكات

 

سلێمانی ـ نزار جەزا

بڕیارە هەفتەی ئایندە شاندێكی مەغریبی سەردانی عێراق و هەرێم بكات، بەمەبەستی ئاساییكردنەوەی پەیوەندییە دیبلۆماسی و ئابوورییەكانی نێوان هەر دوو وڵات.

یاسین مەحمود وتەبێژی یەكێتی وەبەرهێنەرانی كوردستان لەوبارەیەوە بە (خەڵك)ی ڕاگەیاند، ئەو شاندە مەبەستیانە پەیوەندییە دیبلۆماسی و ئابوورییەكانی نێوان عێراق و مەغریب ئاسایی بكەنەوە و هەوڵدەدەن باڵیۆزخانەی مەغریب لەبەغداد بكەنەوە و كونسوڵی مەغریب لە هەولێر بكەنەوە.

باسی لەئەوەشكرد، ئەو شاندە كە كۆمەڵێك كۆمپانیای لەگەڵدایە لەبوارەكانی بیناسازی و نەوت و كشتوكاڵ و كارەبا و چەند بواری دیكە كار دەكەن و دەیانەوێت هابەشی لەگەڵ كۆمپانیاكانی هەرێم و بەغداد بكەن.

ئەوەشی خستەڕوو، بڕیارە ئەو شاندە هەفتەی داهاتوو لە26ی مانگدا بێنە بەغداد و لەگەڵ وەزیری نەوت و وەزیری دەرەوە و وەزیری گواستنەوە و وەزیری بازرگانی كۆببنەوە، دواتر دێنە هەولێر و سلێمانی و لەگەڵ بەرپرسانی حكومی شارەكە و ژوورە بازرگانییەكان كۆدەبنەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین