ئێمە لە تۆرە کۆمەڵایەتیەکان

ئابوری

بنەماڵەی ترامپ لە هەوڵی وەرگرتنی پۆستی سەرۆكی بانكی نێودەوڵەتین

خەڵك – بەشی هەواڵ

كچەكەی ترەمپ و زاواكەی دیارترین كاندیدن بۆ وەرگرتنی پۆستی سەرۆكی بانكی نێودەوڵەتی.
بەپێی هەواڵێكی رۆژنامەی ( فایننشاڵ تایمز)ی ئەمریكی، هەریەكە لە ئیڤانكای كچی دۆناڵد ترەمپ و جارید كۆشنەری ھاوسەری و نیكی ھالی نوێنەری پێشووی ئەمریكا لە نەتەوە یەكگرتووەكان دیارترین كاندیدن بۆ وەرگرتنی پۆستی سەرۆكی بانكی نێودەوڵەتی.
پۆستی سەرۆكی بانكی نێودەوڵەتی بۆ كەسێكی ئەمریكا تەرخانكراوە، بەو پێیەی ئەو وڵاتە یەكێكە لە بەشدارە سەرەكییەكانی ئەو بانكە، ھەڵبژاردنی سەرۆكیش لە لایەن ئەنجومەنی پارێزگارانی بانكەكەوە بۆ ماوەی پێنج ساڵ دەبێت.
هاوكات، بانكی نێودەوڵەتی پێشبینی كردووە تا ناوەڕاستی مانگی نیسانی داھاتوو پڕۆسەی ھەڵبژاردنی كاندیدێك بۆ سەرۆكی بانكەكە بەردەوام بێت.
جێی ئاماژەیە، جیم یونگ كیم سەرۆكی بانكی نێودەوڵەتی لە سەرەتای مانگی داھاتوودا دەستبەرداری پۆستەكەی دەبێت و تا دانانی سەرۆكێكی نوێ بەڕێوەبەری جێبەجێكار ئەركەكە بەڕێوەدەبات.

ئابوری

ئێران بە فەرمی كاتی لابردنی پارەی ڤیزەى بۆ هاووڵاتیانی عیراق و هەرێم ڕاگەیاند

خەڵك- بەشی هەواڵ
باڵیۆزی كۆماری ئیسلامی ئێران لە عیراق دوابڕیاری وڵاتەكەی سەبارەت بە بەخۆڕایی كردنی ڤیزە بۆ هاووڵاتیانی عیراق و هەرێم ئاشكرادەكات و ڕایدەگەیەنێت، پێدانی ڤیزە دەمێنێتەوە، بەڵام پارە لە هاووڵاتیان وەرناگیرێت.

ئیرەج مەسجدی، باڵیۆزی ئێران لە عیراق بە ئاژانسی (ئیرنا)ی وڵاتەكەی ڕاگەیاندووە، كە پڕۆسەی پێدانی ڤیزە بە هاووڵاتیانی ئێران و عیراق وەك پێشوو دەبێت، بەڵام هیچ بڕە پارەیەك لەبەرامبەریدا وەرناگیرێت و ئەوە بڕیارەش سەرجەم جۆرەكانی ڤیزە دەگرێتەوە.

ئاشكراشی كردووە، بەخۆڕایی كردنی پێدانی ڤێزەی لە گرنگترین دەستكەوتەكانی سەردانەكەی حەسەن ڕۆحانی، سەرۆكی ئێران بۆ بەغدا بووە و وتوشیەتی، “تاران و بەغدا ڕێككەوتوون ئاسانكاری بۆ بواری ئابوری و بازرگانی بكرێت لە ڕێگای پێدانی ڤێزەی درێژخایەن و هاتووچۆی بەردەوام”.

مەسجدی جەختیشی كردۆتەوە، ئەم ڕێككەوتنەی نێوان ئێران و عیراق لە 1ی نیسان (12ی خاكەلێوە)ی داهاتوو دەخرێتە بواری جێبەجێكردنەوە.

بەردەوام بە لە خوێندنەوە

ئابوری

مووچەی فەرمانبەران بەهای دۆلار بەرزدەكاتەوە

خەڵك – بەشی هەواڵ
خاوەنی نووسینگەیەكی ئاڵوگۆڕی دراو لە سلێمانی ڕایدەگەیەنێت، لەكاتی داخستنی بازاڕ بەهای دۆلار بەشێوەیەكی بەرچاو بەرزبووەوە و تمەنی ئێرانی-ش زیاتر شكا.

ئیبراهیم غەفور، خاوەنی نووسینگەی نەشوان لە بازاڕی دۆلارەكەی سلێمانی بە (خەڵك)ی ڕاگەیاند، لەكاتی كردنەوەی بازاڕی دۆلارەكە بەهای 100 دۆلار بە 120 هەزار و 200 دینار بوو، بەڵام لەكاتی داخستن بۆ 120 هەزار و 00 6 دینار بەرزبووەوە.

وتیشی، “100 دۆلار بە ملیۆنێك و 305 هەزار تمەن بەدەستی و ملیۆن و 318 هەزاریش بەحەواڵە ئاڵوگۆڕی پێكرا، لەگەڵ كاتی كردنەوەی بازاڕ نزیكەی 10 هەزار تمەن نرخەكەی شكاوە”.

ڕاشیگەیاند، بەهۆی ئەوە بەشێكی زۆر لە فەرمانبەران لەدوای وەرگرتنی مووچەكانیان پارەكانیان دەكەن بە دۆلار، خواست لەسەر دۆلار زیادی كردووە، بەوەش بەهای دۆلار ماوەی چەند ڕۆژێكە ڕووی لەبەرزبوونەوە كردووە.

بەردەوام بە لە خوێندنەوە

ئابوری

دوای نەورۆز دوو مادەی بەشەخۆراك دابەش دەكرێت

خەڵك – بەشی هەواڵ
بەڕێوەبەری كۆمپانیای دابەشكردنی خۆراك لە سلێمانی ڕایدەگەیەنێت، لەدوای پشووەكانی نەورۆز دەست دەكەن بە دابەشكردنی بەشە برنجی مانگی ئادار، دەشڵێت: “بەپێی بڕیاری وەزارەتی بازرگانی عیراق ساڵانە بۆ مانگی 2 هیچ بەشە خۆراكێك دابەش ناكرێت لەهەموو عیراقدا”.

شەكەوت محەمەد، بەڕێوەبەری كۆمپانیای دابەشكردنی خۆراك لە سلێمانی بە (خەڵك)ی ڕاگەیاند، بەردەوامین لە دابەشكردنی بەشە خۆراك بەسەر هاووڵاتیاندا، لەدوای نەورۆز و پشووەكان دەست بە دابەشكردنی بەشە برنجی مانگی 3 لەگەڵ بەشە زەیتی مانگی 1 دەكەین.

وتیشی، “بەپێی بڕیاری حكومەتی عیراق و وەزارەتی بازرگانی بۆ مانگی شوباتی هەموو ساڵێك هیچ بەشە خۆركێك دابەش ناكرێت، كە ئەم بڕیارە گشتییە و هەموو پارێزگاكانی عیراق دەگرێتەوە”.

ڕاشیگەیاند، لە ئێستادا برنجی مانگی یەك دابەشكراوە، چاوەڕوانی هاتنی بەشە شەكری مانگی یەك دەكەین و بەشە زەیت-مان ئامادەیە، بۆیە بەگەیشتنی ڕاستەوخۆ دەست دەكەین بە دابەشكردنی.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 62
    62 86%
    62 - 86% هەموو دەنگەکان
  • وه‌زارەتی دارایی و ئابووری 10%, 7
    7 10%
    7 - 10% هەموو دەنگەکان
  • وه‌زارەتی بازرگانی و پیشه‌سازی 4%, 3
    3 4%
    3 - 4% هەموو دەنگەکان

کوردستان