ئێمە لە تۆرە کۆمەڵایەتیەکان

جیهانی

(جامی ئاسیا) ئێران و عیراق و سعودیه‌ له‌ دووه‌م ڕووبه‌ڕوبونه‌وه‌ سه‌رکه‌وتنیان بۆ قۆناغی (١٦) مسۆگه‌ر کرد

خه‌ڵک سپۆرت

ئه‌مڕۆ ململانێکانی جه‌وله‌ی دووه‌م له‌ قۆناغی کۆمه‌ڵه‌کانی جامی نه‌ته‌وه‌کانی ئاسیا ئه‌نجامدران و هه‌ڵبژارده‌کانی ئێران و عیراق و سعودیه‌ سه‌رکه‌وتنیان بۆ قۆناغی دووه‌می پاڵه‌وانێتیه‌که‌ مسۆگه‌ر کرد.

له‌ڕووبه‌ڕوبونه‌وه‌ی یه‌که‌مدا ئێرانیه‌کان هیچ هیوایه‌کیان بۆ ڤێتنامی ڕکابه‌ریان نه‌هێشته‌وه‌ و به‌ ئه‌نجامی دوو گۆڵی بێوه‌ڵام سه‌رکه‌وتنیان به‌ده‌ست هێنا.

گۆڵه‌کان له‌لایه‌ن سه‌ردار ئازمونی به‌تواناوه‌ له‌ خوله‌که‌کانی (٣٨ و ٦٩) تۆمار کران، واتا له‌هه‌ر تایمێک و گۆڵێک ئه‌وه‌ش ده‌ریده‌خات که‌ له‌ هه‌ردوو تایمه‌که‌دا له‌ ڕکابه‌ره‌که‌یان سه‌رکه‌وتوتر بوون، به‌وپێیه‌ش که‌ خاوه‌نی حه‌وت گۆڵی تۆمارکراون ده‌که‌ونه‌ پله‌ی یه‌که‌می گروپی چواره‌مه‌وه‌ و پێش هه‌ڵبژارده‌ی عیراقی ڕکابه‌ریان ده‌که‌ون.

له‌رووبه‌ڕوبونه‌وه‌ی دووه‌مدا هه‌ڵبژارده‌ی “شێره‌کانی رافیده‌ین” ڕووبه‌ڕوی یه‌مه‌ن بونه‌وه‌، له‌م ڕووبه‌ڕوبونه‌وه‌یه‌دا کوڕانی پێکهاته‌که‌ی سریچکۆ کاتانیچ له‌ڕووی هونه‌ری و تاکتیکیه‌وه‌ چه‌سپاوتر بوون و ئاستێکی جیاوازیان له‌ ڕووبه‌ڕوبونه‌وه‌ی ڤێتنام نیشاندا، له‌کۆتاییشدا به‌ سێ گۆڵی بێبه‌رامبه‌ر سه‌رکه‌وتنیان به‌ده‌ست هێنا.

گۆڵه‌کان له‌لایه‌ن موهه‌نه‌د عه‌لی کازم له‌ خوله‌کی ١١ و به‌شار ڕوسن له‌ خوله‌کی ١٩ و عه‌لا عه‌باس له‌خوله‌کی ٩١ تۆمارکران، له‌به‌رامبه‌ردا یه‌‌مه‌نیه‌کان هیچ هه‌لێکی مه‌ترسیداریان دروست نه‌کردو بگره‌ هه‌ڵبژارده‌ی عیراق له‌هه‌موو ڕووه‌کانه‌وه‌ پیشه‌نگی گرتبوو.

له‌ڕووبه‌ڕوبونه‌وه‌ی سێیمه‌دا هه‌ڵبژارده‌ی عه‌ره‌بستانی سعودی رووبه‌ڕوی هه‌ڵبژارده‌ی لوبنان بونه‌وه‌، کوڕانی مه‌لیک سه‌لمان به‌ دوو گۆڵی بێوه‌ڵام سه‌رکه‌وتنیان به‌ده‌ست هێنا، گۆڵه‌کانیش له‌ خوله‌که‌کانی (١٢ و ٦٦) له‌لایه‌ن فه‌هد موه‌لید و حسین عه‌لی ئه‌لمه‌قهویه‌وه‌ تۆمارکران.

به‌پێی ئه‌نجامه‌ تۆمارکراوه‌کانی ئه‌مڕۆ له‌ گه‌ڕی دووه‌می گروپه‌کانی چواره‌م و پێنجه‌م، هه‌ڵبژارده‌کانی ئێران و عیراق و سعودیه‌ سه‌رکه‌وتنیان بۆ قۆناغی دووه‌م (قۆناغی ١٦) مسۆگه‌ر کرد، بۆ دیاریکردنی پله‌ی یه‌که‌م و دووه‌می گروپه‌کانیش هه‌ر سێ هه‌ڵبژارده‌که‌ ناچارن چاوه‌ڕوانی جه‌وله‌ی سێیه‌م بکه‌ن، له‌به‌رامبه‌ردا هه‌ڵبژارده‌کانی ڤێتنام و یه‌مه‌ن و لوبنان له‌چاوه‌ڕوانی ئه‌گه‌ره‌کانی به‌ده‌ستهێنانی پله‌ی سێیه‌می گروپه‌کانیاندان بۆ گه‌یشتن به‌ هه‌مان قۆناغ (قۆناغی ١٦).

جیهانی

(بەوێنە) ئاهەنگی هاوسەرگیری سێرجیۆ ڕامۆس و پیلار ڕوبیۆ، کێی تێدا نییە؟

خەڵک سپۆرت

دوێنێ ئاهەنگی هاوسەرگیری نێوان سێرجیۆ ڕامۆسی کاپتنی یانەی ڕیاڵ مەدرید و پیلار ڕوبیۆی کچە هاوڕێی ئەنجام درا، تیایدا چەندین ناوداری بواری وەرزش و بەتایبەتی تۆپی پێ ئامادەبوون.

لەگەڵ ئەوەشدا زۆرینەی میدیاکانی ئیسپانیا ڕەخنەی توندیان ئاڕاستە کردووە، هەندێک پێیان وایە کاتی هاوسەرگیریەکە گونجاو نەبووە و زۆرینەی هاوڕێ و دۆستەکانی سەرقاڵی حەوانەوە و گەشتن لە وڵاتانی تر، هەندێکیش ڕەخنەی ئەوەی لێدەگرن کە چەندین کەسایەتی ناودار و نزیکی وەک کریستیانۆ ڕۆناڵدۆ، زینەدین زێدان، ئیکەر کاسیاسی بانگهێشت نەکردووە!

ئەم یاریزانانەش بەهۆی حەوانەوەکانەوە یان هەر هۆکارێک بێت (ڕەتکردنەوەی داوەتنامە، یاخود بانگهێشت نەکراون) ئامادەی ئاهەنگەکە نەبوون: ڤینیسیۆز جونیۆر، بنزیمە، ئیسکۆ، کارڤاخال، کۆرتوا، ماریانۆ، ڤاران، مارسێلۆ، زۆرینەی یاریزانانی یانەی ڕیاڵ مەدرید و تەنانەت هاوڕێ کەتەلۆنیەکانیشی.

بەردەوام بە لە خوێندنەوە

جیهانی

(بەفەرمی) یوڤانتۆس بۆندی لەگەڵ ڕاهێنەرێکی بەتوانادا ئیمزا کرد

خەڵک سپۆرت

ئەمڕۆ بەفەرمی ماڵپەڕی یانەی یوڤانتۆسی ئیتاڵی گواستنەوەی ماوریزیۆ ساری ڕاهێنەری لەیانەی چێڵسی-یەوە بۆ یانە ناودارەکەی ئیتاڵیا ئاشکرا کرد.

بەپێی ڕوونکردنەوەیەک کە لەلایەن یانەی یوڤانتۆسەوە بڵاوکراوەتەوە، کەیسی گواستنەوەی ساری لە یانەی چێڵسییەوە بۆ یانەی یوڤانتۆس بەسەرکەوتویی کۆتایی هاتووە، ڕاهێنەرە ناودارەکە بەپێی بۆندێکی نوێ تا وەرزی ٢٠٢١ بەرپرسیارێتی بەڕێوەبەری هونەری کریستیانۆ و هاوەڵانی دەگرێتە ئەستۆ.

ساری لەیانەی ناپۆیەوە پەیوەندی بە یانەی چێڵسییەوە کرد، سەرباری ئەوەی لەگەڵ یانە ئینگلیزیەکە نازناوی یوروپا لیگ و پلەی سێیەمی خولی ئینگلیزی بەدەستهێنا، بەڵام نەیتوانی لەگەڵ ئیدارەی ڕۆمان ئەبرامۆڤیچ و بەشێک لەیاریزانان خۆی بگونجێنێت، لەدوای کۆتاییهێنان بە بۆندی ماسیمیلیانۆ ئالێگری باشترین چارەسەر لەبەردەم ئیدارەی یوڤی-دا گواستنەوەی ساری بوو، هەر ئەوەش لەکۆتاییدا ڕوویدا.

شارەزایان پێیان وایە شێوازی هێرشبەری ساری بۆ خانمە پیرەکە زۆر گونجاوە و دەکرێت وەرزی داهاتوو پێکهاتەیەکی تۆکمەتر و بەهێزتر لەڕووی هێرشبەریەوە لەچواردەوری کریستیانۆ ڕۆناڵدۆ بونیاد بنرێت.

 

بەردەوام بە لە خوێندنەوە

جیهانی

سان جێرمان بەهەڵە دەرگای مباپێی بۆ ڕیاڵ مەدرید کردۆتەوە و ڤینیسیۆز کۆڵنادات !

خەڵک سپۆرت

بەهۆی بڕیارێکی کارگێڕییەوە کەلێن لەنێوان دەستەی کارگێڕی یانەی پاریس سانت جێرمان و کیلیان مباپێی ئەستێرەی فەرەنسیدا دروست بووە و یانەی ڕیاڵ مەدرید چاوەڕوانی کاتی گونجاوە بۆ گواستنەوەی یاریزانەکە.

ماڵپەڕی “دیفێنسا سەنتراڵ”ی ئیسپانی ئاشکرای کردووە، گواستنەوەی مباپێ بۆڕیزەکانی یانەی پاریس سانت جێرمان بەهۆی ئانتێرۆ هینریکی بەڕێوەبەری وەرزشیی یانە زەبەلاحەکەی پایتەختەوە بووە، ئەم کەسایەتیە پردی پەیوەندی نێوان باوکی یاریزانەکە و ناسڕ خلێفی خاوەنی یانە و هاوکارانی بووە، بەڵام لەئێستادا بە بڕیارێکی ئیداریی لە پۆستەکەی لادراوە و دووبارە لیۆناردۆی بەرازیلی پۆستەکەی وەرگرتووە، کە بەهیچ شێوەیەک پەیوەندی لەگەڵ گەوهەرە فەرەنسیەکەدا نییە.

بەپێی سەرچاوەکە، ئەم جموجۆڵە ئیدارییە بۆ مباپێ و بەرژەوەندیەکانی خۆیی و خێزانەکەی گونجاو نەبووە، ئەوەش کەلێن دروست دەکات و دەکرێت سەرۆکایەتی یانەی ڕیاڵ مەدرید لەسەر ئەم بنەمایە پەیوەندیەکانی لەگەڵ باوکیدا توندوتۆڵ بکاتەوە و لە هاوینی ٢٠١٩دا بیگوێزنەوە بۆ سانتیاگۆ بێرنابیۆ.

لەلایەکی ترەوە ڕۆژنامەی “مارکا” دووپاتی کردۆتەوە، گواستنەوەی هازارد و ئەگەری گواستنەوەی مباپێ بۆ ڕیزەکانی ڕیاڵ مەدرید ئاگری لە خەونەکانی ڤینیسیۆز بەرداوە، گەوهەرەکەی بەرازیل کۆڵنادات، بەڵکو بە زینەدین زێدانی ڕاهێنەری ئاگادارکردۆتەوە کە لە وەرزی داهاتودا لەسەر پێگەیەکی سەرەکی بەشێوەیەک دەجەنگێت کە پێشتر هیچ یاریزانێک نەیکردبێت.

بۆ ئەو مەبەستەش بڕیاریداوە لەهەفتەی داهاتووەوە واتا دوو هەفتە بەر لە وادەی دەستیپێکی مەشق و ڕاهێنانەکان بگەڕێتەوە و لە یانەی شاهانە بەر لەهەمووان دەست بە مەشق و ڕاهێنان بکاتەوە.

بەردەوام بە لە خوێندنەوە

کوردستان