ئێمە لە تۆرە کۆمەڵایەتیەکان

عێراق

عیراق لەسەر بڵاوەپێكردنی هێزەكانی ئەمریكا لە موسڵ هاتەدەنگ

خەڵك- بەشی هەواڵ
ناوەندی ڕاگەیاندنی ئەمنی عیراق بەیاننامەیەك سەبارەت بە بڵاوەپێكردنی سوپای ئەمریكا لە موسڵ بڵاودەكاتەوە و ڕایدەگەیەنێت، “ئەو زانیاریانە هەڵەن”.

ناوەندی ڕاگەیاندنی ئەمنی عیراق لە بەیاننامەیەكدا ئاماژەی بەوەكردووە، كە “ماوە ماوە لە هەندێك پێگەی كۆمەڵلایەتی و ماڵپەڕ هەواڵ و بابەتی جیاواز بڵاودەكرێتەوە، كە بەتەواوەتی دوورە لە كاری پیشەیی، چونكە پشت بە زانیاری هەڵە و ناڕاست دەبەستن، كە دواهەمینیان بڵاوكردنەوەی هەواڵی بڵاوەپێكردنی سوپای ئەمریكایە لە سەربازگەكانی موسڵ و دەركردنی حەشدی شەعبی و هێزەكانی ناوخۆ لەو بارەگایانە.

ئەو ناوەندە داوا لە دەزگاكانی ڕاگەیاندن و هاوڵاتیان دەكات، كە “باوەڕ بەو هەواڵانە نەكەن، كە بەبێ‌ سەرچاوەی فەرمی بڵاودەكرێنەوە” و ئاماژەی بەوەشكردووە، لە ماوەی ڕابردووشدا چەند زانیارییەكی ناڕاست هەبوو ڕەتمان كردنەوە.

دەشڵێت: “بڵاوكردنەوەی ئەو هەواڵە ناڕاستانە بۆ ئەوەیە ناوبانگ بەدەستبهێنن بەدوور لە سروشتی ڕاگەیاندنی دروست”.

ئەمڕۆ لە چەند ماڵپەڕێكی عیراقی و لە تۆڕە كۆمەڵایەتییەكان هەواڵی ئەوە بڵاوكرایەوە، كە ئەو هێزانەی ئەمریكا، كە لە سوریا دەكشێنەوە لە بارەگاكانی حەشدی شەعبی و ناوخۆ لە موسڵ جێگیر دەكرێن.

ئابوری

“ژمارەیەك كۆمپانیای نەوتیی لە عیراق گەندەڵن و پاڵپشتی تیرۆر دەكەن”

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەیەنێت، ژمارەیەك كۆمپانیای نەوتيی لە عیراق گەندەڵن و پاڵپشتی تیرۆر دەكەن.

سادق سڵێتی ئەندامی ئەنجومەنی نوێنەرانی عیراق ژمارەیەك لەو كۆمپانیا نەوتییانەی لەعیراق كاردەكەن تۆمەتبار كرد بە گەندەڵیی و بەهەدەردانی سامانی گشتی و پشتیوانی كردنی تیرۆر.

سڵێتی ڕایگەیاند، لیژنەی نەوت و وزە و سەرچاوە سروشتییەكانی ئەنجومەن بەنیازی بەدواداچوونە بۆ ئەدای وەزارەتی نەوت و بەدواداچوونی گومانی گەندەڵیی لەڕێگەی داواكردنی زانیاری و پرسیاری پەرلەمانی و بانگهێشتكردنی بەردەوامی لێپرسراوانی باڵای وەزارەتی نەوت.

ناوبراو ڕوونیشیكردەوە، بەردەوامن لەبەدواداچوونی دۆسیەی پێشێلكارییەكان و گەندەڵیی و بەهەدەردانی پارەی گشتی بەتایبەت گرێبەستی كۆمپانیای عەرەبی و كۆمپانیای بارهەڵگرەكانی نەوت كە داشكاندنیان لەنرخ بۆ كراوە و ئەوە بووەتە هۆی بەهەدەردانی پارەیەكی زۆر.

بەردەوام بە لە خوێندنەوە

عێراق

عیراق.. بنكەیەكی سەربازیی ڕاوێژكارانی ئەمریكا پەلامار درا

خەڵك – بەشی هەواڵ

شانەی ڕاگەیاندنی ئەمنی عیراق بڵاویكردەوە، لە پارێزگای سەڵاحەدین سێ‌ گوللە هاوەن ئاڕاستەی بنكەی سەربازی (بەلەد) كراوە كە ڕاوێژكارە ئەمریكاییەكان تێیدا دەمێننەوە.

شانەی ڕاگەیاندنی ئەمنی عیراق لە ڕاگەیەندراوێكدا ئاشكرایكرد، بەرەبەیانی ئەمڕۆ شەممە 15/6/2019، لە پارێزگای سەڵاحەدین سێ گوللە هاوەن نراوە بە بنكەی سەربازی “بەلەد”ی ئاسمانی كە بەشێكی هێزەكانی سوپا و ڕاهێنەر و ڕاوێژكارە ئەمریكاییەكانی لێ جێگیركراوە.

لە ڕاگەیەندراوەكەدا ئەوەشخراوەتەڕوو، بەهۆی پەلامارەكەوە ئاگر لەپوش و پەڵاشی نێو بنكەكە كەوتۆتەوە، بەڵام هیچ زیانێكی گیانی نەبووە.

بەردەوام بە لە خوێندنەوە

عێراق

یەكێتی وەزارەتێك وەردەگرێت
پەڕلەمان دەنگ لەسەر تەواوكاری كابینە وزارییەكە دەدات

خەڵك- بەشی هەواڵ
هەرچەندە تا ئێستا بەهۆی ململانێی حزبەكانەوە 4 وەزارەتی حكومەتی عیراق بە بەتاڵی ماونەتەوە، بەڵام دوای هۆشدارییەكەی سەرۆك وەزیران، حزبەكان كەوتوونەتەخۆیان بۆ ڕێككەوتن لەسەر كاندیدەكان و پەڕلەمانتارێكی یەكێتی-ش دەڵێت: “وەزارەتی داد پشكی ئێمەیە”.

ئەمڕۆ شەممە 15ی حوزەیران، پەڕلەمانی عیراق كۆبووەوە و محەمەد حەلبوسی، سەرۆكی پەڕلەمان ڕایگەیاند، لە كۆبوونەوەكانی داهاتوودا و تا كۆتایی ئەم وەرزەی یاسادانان دەنگ لەسەر تەواوكاری كابینە وەزارییەكە دەدەین و كۆتایی بە بەڕێوەبردنی وەزارەتەكان بە وەكالەت دەهێنین.

بەخیتار شاوێس، ئەندامی پەڕلەمانی عیراق لە فراكسیۆنی یەكێتی بۆ (خەڵك) وتی، “دەبێت لە هەفتەی داهاتوودا وەزارەتە بەتاڵەكانی حكومەتی عیراق پڕبكرێنەوە”.

سەبارەت بە ڕێككەوتنی یەكێتی و پارتی لەسەر وەزارەتی داد ڕاشیگەیاند، كە یەكێتی و پارتی ڕێككەوتنیان كردووە، كە وەزارەتی داد پشكی یەكێتییە، بەڵام تا ئێستا كاندیدی وەزارەتەكە دیاری نەكراوە.

پێشتر، كەریم علێوی، ئەندامی پەڕلەمانی عیراق لە هاوپەیمانی فەتح ڕایگەیاندبوو، عادل عەبدولمەهدی، سەرۆك وەزیرانی عیراق سەرجەم حزب و كوتلە سیاسییەكانی ئاگاداركردۆتەوە، كە چاوەڕێی كاندیدەكانیان دەكات بۆ پڕكردنەوەی وەزارەتە بەتاڵەكان و بۆ ئەوەش ماوەی تا 20ی ئەم مانگەی بۆ دیاری كردوون.

لە 25ی ئەیلولی ساڵی ڕابرووەوە پەڕلەمانی عیراق دەنگی داوە لەسەر پەسەندكردنی كابینە وزارییەكەی عادل عەبدولمەهدی و متمانەی بە 14 وەزیر داوە، بەڵام بەهۆی ناكۆكی لایەنە سیاسییەكانەوە تا ئێستا پۆستی وەزارەتەكانی (بەرگری و ناوخۆ و پەروەردە) و بەهۆی ڕێكنەكەوتنی یەكێتی و پارتی-شەوە پۆستی وەزارەتی (داد) پڕنەكراونەتەوە و بە بەتاڵی ماونەتەوە.

بەردەوام بە لە خوێندنەوە

کوردستان