ئێمە لە تۆرە کۆمەڵایەتیەکان

تەندروستی

دەکرێت ڕاستەوخۆ شیری مانگا بدەیت بە منداڵەکەت؟

خێزان

زۆربه‌ی شیره‌ قوتووه‌كان له‌ شیری مانگا به‌رهه‌مدێن، به‌ڵام زۆرجار دایكان ده‌پرسن گه‌ر وایه‌ بۆ ناتوانین شیری مانگای فرێش بده‌ینه‌ منداڵه‌كانمان؟ ئه‌مه‌ش له‌به‌ر چه‌ند هۆكارێكه‌:

– منداڵانی خوار ته‌مه‌ن 1 ساڵ ناتوانن به‌ باشی و به‌ ته‌واوی شیری مانگا هه‌رس بكه‌ن به‌ به‌راورد به‌ شیری قوتوو.

– شیری مانگا خه‌ستییه‌كی زۆر له‌ پرۆتین و كانزاكانی تێدایه‌ كه‌ له‌وانه‌یه‌ كاریگه‌ری خراپ بكاته‌ سه‌ر گورچیله‌ی منداڵ.

– شیری مانگا ڕێژه‌یه‌كی كه‌می له‌ ئاسن، ڤیتامین سی و پێكهاته‌ خۆراكییه‌كانی تێدایه‌ كه‌ بۆ منداڵ پێویستن.

– شیری مانگا چه‌وریی ناته‌ندرووستی بۆ منداڵ تێدایه‌.

– پرۆتینه‌كانی ناو شیری مانگا له‌وانه‌یه‌ كاریگه‌ری خراپ بكه‌نه‌ سه‌ر گه‌ده‌ و ڕیخۆڵه‌ی منداڵ و به‌مه‌ش خوێن له‌گه‌ڵ پیساییدا بێته‌ ده‌ره‌وه‌.

 

سەرچاوە: Evolac

تەندروستی

بۆئەوەی هەرگیز قاچەکانت بڵق نەکات، ئاگاداری ئەم ٤ خاڵە بە

خێزان

دروستبونی بڵق و برین له‌به‌شی پشته‌وه‌ی قاچ یه‌كێكه‌ له‌ ئه‌و شته‌ ناخۆشانه‌ی زۆرجار له‌ ژیانماندا ڕوده‌دات و ئازارمان پێده‌گه‌یه‌نێت، به‌ڵام بۆ رێگری له دروستبونی ئه‌و بڵقه‌ پێویسته‌ ئه‌م رێوشوێنانه‌ بگریته‌ به‌ر:

 

-هه‌ڵبژاردنی قه‌باره‌ی گونجاو

لێكخشاندنی پێڵاو له‌ قاچ هۆكاری سه‌ره‌كی دروستبونی ئه‌و بڵقه‌یه‌، هه‌ر بۆیه‌ پێویسته‌ كه‌ به‌رده‌وام ئه‌و پیڵاوه‌ی ده‌یكڕیت قه‌باره‌كه‌ی بۆ قاچت گونجاو بێت.

 

-گۆره‌وی گونجاو

گه‌ر پێڵاوه‌كه‌ش گونجاو بێت به‌ڵام هه‌ڵبژاردنی گۆره‌وی و جۆره‌كه‌ی كاریگه‌ری خۆی له‌سه‌ر قاچمان هه‌یه‌، بۆیه‌ پێویسته‌ دڵنیابیت له‌ جۆری ئه‌و گۆره‌وییه‌ی له‌پێی ده‌كه‌یت.

 

-نینۆككردن

به‌رده‌وام نینۆكه‌كانت بكه‌، چونكه‌ هێشتنه‌وه‌ی ئه‌و نینۆكانه‌ ده‌بێته‌ هۆی دروستبونی بڵق و برین له‌ به‌شی پێشه‌وه‌ی قاچ له‌ كاتی له‌ پێكردنی پێڵاودا.

 

-په‌رچه‌كرداری خێرا

كاتێك كه‌ هه‌ستده‌كه‌یت خه‌ریكه‌ قاچت بڵق دروستده‌كات، به‌ر له‌ دروستبونی هه‌وڵبده‌ خێرا پێڵاوه‌كه‌ت دابكه‌نیت و له‌زگه‌یه‌ك بده‌یت له‌و شوێنه‌ و هه‌وڵی چاره‌سه‌ری پێشوه‌ختی بده‌.

بەردەوام بە لە خوێندنەوە

تەندروستی

٩ ڕێگای زۆرباش تاوەکوو مێشکت زیاتر چالاک ببێت

خێزان
مێشک یان مەزگ بەشی سەرەکیی کۆئەندامی دەماری لەشی مرۆڤە. مێشکی مرۆڤ یەکێک لە ھەستیارترین و ئاڵۆزترین ئەندامەکانی مرۆڤە کە ٢ لەسەدی کێشی مرۆڤ پێک دێنێت، بەڵام پتر لە ٣٠ لەسەدی وزەی ڕۆژانەی مرۆڤ بەکار دێنێ. زۆربەی ئەم وزەیە لە کاربۆھیدراتەکان ( گلووکۆز ) وەردەگرێ و خیرا دەیسووتێنێ، تەنانەت لە کاتی خەوتندا، مێشک زۆرتر لە ھەر ئەندامێکی تر ئۆکسجین بەکار دێنێت. ئەمانەی خوارەوەش چەند ڕێنماییەکی گرنگن تاوەکوو زیاتر مێشکت چالاک ببێت بۆ ئەنجامدانی فرمان و کارەکانی.

  1.  ڕێژەی خواردنی شەکر لە ژەمەکان و ئەو خواردنانەی دەیان خۆیت کەم بکەرەوە.
  2. ڕۆنی ماسی بخۆ و بەکاربهێنە.
  3. کات دابنێ بۆ بیرکردنەوەی قوڵ و چوونە ناو خەیاڵەکانت بەشێوازێکی ئارام و تێیان ڕابمێنە.
  4. پارێزگاری بکە لە کێشی تەندرووست بۆ لەشت.
  5. ڕێژەی پێویست بخەوە تاوەکو جەستە و دەروونت پشوو وەرگرن.
  6. ڕاهێنان بکە بە مێشکت تاوەکوو چالاک و زیرەک بێت بۆ ئەنجامدانی کردارەکان یاخوود بیرکردنەوەکان.
  7. ئەو خواردنانە کەم بکەرەوە کە کاربۆهیدراتی کەمی تێدایە.
  8. ڤیتامین دی پێویست وەرگرە.
  9. چالاکی و وەرزشی جەستەیی بکە بە شێوازێکی باش و بەردەوام بێ دابڕان.
بەردەوام بە لە خوێندنەوە

تەندروستی

چۆن زانستیانە زیپکە دەتەقێنیت؟ لێرە زانیاری وەربگرە!

خێزان

چۆن زانستیانە زیپکە دەتەقێنیت؟  لەخوارەوە هەنگاو بە هەنگاو زانیاری تەواو وەربگرە:

 

-هەنگاوی یەکەم

پێویستە هەم دەستت هەم پێستت پاک بکەیتەوە، واتە دەستت پیسنەبیت و شۆردبێتت، هاوکات شوێنی زیپکەکەش ماکیاج یان پیسی پیوە نەبێت، باشتریشە لە شەوان بەر لە خەوتن زیپکە بتەقێنیت بۆ ئەوەی تا بەیانی جێگاکەی چاک بێتەوە.

 

-هەنگاوی دووەم 

سەری زیپکەکە سەرەتا بە دەرزیەک یان دەزویەکی ددان لابەرە، ئەمەش بۆ ئەوەی یەکسەر پەستانی نەخەیتە سەر و بە ناوەوەدا بلاوی نەکەیتەوە، دەتوانیت لانکێت  lancet بەکاربهێنیت کە تایبەتە بە ئەوە، دەشتوانیت دەرزیەکە بە چەرخێک کەمێک گەرم بکەیت.

 

-هەنگاوی سێیەم 

دواتر بە هەردوو پەنجەت لەملاو لاوە پەستان بخەرە سەر شوێنی زیپکەکە تا هەموو چەوری و خانەکان بێنە دەر و لە دواتریشدا کەمێک خوێنی لێدێت کە ئەوەش ئاساییە، پاشان بە کلێنکسێک شوێنەکەی پاک بکەرەوە.

 

-هەنگاوی چوارەم  

گرنگە کە کرێمی تایبەت بە زیپکەی لیبدەیت بۆئەوەی شوێنەکەی نەبێتە پەڵەو و تا ڕۆژی دواتر بە زووی پاک ببێتەوە.

 

بەردەوام بە لە خوێندنەوە

کوردستان